Ek hoop iemand soos Paul, wat gereelde Kruger-bewoner is, kan help.

Wie weet hoe om uit te vind wanneer Balule kampie heropen, en of Sanparke dit wel gaan open in toekoms??

Dit bly 'n lekker klein stil kampie, amper beter as Tsendze.

Soos ek lees op wildtuin groepe, is beplanning September 

Wonder wat doen Sanparks met mense wat aanlyn besprekings doen. Gister was daar juis n dame wat bespreek het wat vandag sou inboek....het nuus ontvang van publiek dat dit gesluit is. 

Ek het nou gekyk. Vir;

 Julie is daar plek bespreek

Augustus: geen plek beskikbaar

September: paar plekke oop

Oktober" laaste week paar plekke oop.

Miskien maar Sanparke of Olifantskamp bel en uitvind. 

Ek het vanoggend met Ezi bookings gesels. Volgens hulle het Sanparke nog geen amptelike datum vir besprekings bekend gemaak nie. Volgens hulle is die verwagting dat dit waarskynlik vanaf September '26 kan wees.

Dit is nie net die kampterrein wat herstel moet word nie. Dit is ook die laagwater brug. Glo dit sal nog ‘n hele ruk wees. Ek het ‘n bespreking vir Augustus  - glo nie dit sal gereed wees nie. Gelukkig het ook plek by Satara.

Gelukkig kan mens Balule ook bereik van Satara se kant af, dan hoef jy nie oor die laagwaterbrug te ry nie. Neem die S89 wat aansluit by die S90. Mens kan by Satara ook inboek vir Balule.

Ek hoop julle kan Balule toe gaan.

Hoe groot is die skade aan Balule brug?

Daar is nog geen vaste datum om Balule oop te maak nie. Vivian (kamp bestuurderes) werk nou by Olifants kamp tot verdere kennisgewing.

Die pad net buite die hek het heeltemaal weg gespoel en die laagwater brug is beskadig. Balule is ontoerykbaar. Low priority.

Dankie Paul, dan moet ons maar geduldig wag.

Gee my tyd om beterhelfte te oortuig dat mens weer daar kan kamp. Sy hou nie van die olielampies in ablusie nie. Kan glo nie die ongediertes raaksien nie.

Grompie wrote:

Dankie Paul, dan moet ons maar geduldig wag.

Gee my tyd om beterhelfte te oortuig dat mens weer daar kan kamp. Sy hou nie van die olielampies in ablusie nie. Kan glo nie die ongediertes raaksien nie.

Wessel, eintelik moet mens in die nag in enige kamp met n' flits of lantern loop en met toe skoene. My vrou was laas keer in Satara kamp deur n'skerpioen gesteek. Daar is duisende van hulle orals (kyk maar met a UV flits). Sy het plakkies aan gehad. Dit brand soos vuur vir etlike uure. Sy moes n'slaap pill drink om te kon slaap. Gelukig was dit nie n' Rough Thicktail (Parabuthus granulatus) nie. Daai een en sy boetie die Transvaal Parabuthus kan lewens gevaarlik wees.

Ek dra my Crocs. Hulle sal nie daar deur kan steek nie.

Terwyl Sanparke besig is om Balule te herstel, moet hulle dalk die volgende oorweeg;

1] die staanplekke netjiese afmerk en nommer

2] dan die besprekingstelsel aanpas sodat mens ook jou staanplek nommer vooraf kan boek. dieselfde stelsel as Tsendze.

NS: Ek sien vanoggend dat Balule ontbreek op "akkomodasie" soekenjin van Sanparke.

Ja en Letaba. Hulle is nog toe.