Oos-Kaap Kampplekke

Die Oos-Kaap is 'n provinsie met ongelooflike diversiteit, 'n pronkstuk van Suidelike Afrika, dit strek vanaf Port Edward in die Wildekus tot by die Stormsrivier in die Tsitsikamma.

In die Oos-Kaap skyn die son die hele jaar lank, moet nie bedroef wees as jy nie in die somer maande die provinsie kan besoek nie...

Jy kan nogsteeds beide binnehuise- en buitemuurse aktiwiteite gedurende die winter maande geniet.

Geniet watersport aktiwiteite in die riviere en die see soos byvoorbeeld branderplankry, visvang, seilvaart, ski, snorkel, skuba duik en ontspannende boot vaarte. Besoek Rhodes in die suidelike Drakensberg area gedurende die winter maande en geniet die sneeubedekte berge en Suid-Afrika se enigste Ski Oord.

Vir diegene wat wildsbesigting en staproetes geniet, bied die Oos-Kaap 'n magdom Nasionale Parke, Wildreservate en Natuurreservate aan. Daar is ook talle staproetes wat wissel van 'n uur of twee tot vyf of ses dae lank. Die Oos-Kaap is die tuiste van twee populêre toerisme areas naamlik Jeffreysbaai en die Bloukransbrug in die Tsitsikamma. Jeffreysbaai is die gasheer van die wêrelbekende Billabong Classic Pro wat jaarliks in Julie aangebied word. Bloukransbrug is bekend as die wêreld se hoogste reksprong brug, waar adrenalien-verslaafdes die 216m reksprong kan baas raak.

Die Oos-Kaap bied aan vakansiegangers en toeriste prag en avontuur, met kilometers goue strande, ongerepte subtropiese woude, sneeubedekte berge en vriendelike inwoners; dié perfekte bestemming om weg te breek van die gerep en roer van die besige stadslewe, waar jy kan ontspan en die rus en vrede van die omgewing kan geniet.