Ons beplan om begin November om af Swellendam se wereld toe te toer. Wil bietjie Robertson, Montagu ens rond ry. Oorweeg om vir vyf aande by Bontebokte staan en om dit as basis te gebruik. Enige kommentaar oor Bontebok Nasionale Park se kampplek of is daar beter plekke in die omgewing. Dit hoef nie noodwendig Swellendam te wees nie. Miskien Silwerstrand in Robertson? Dankie. 

Ons het laas jaar 'n maand daar gestaan, Nov en Dec.

Geriewe is goed en mooi skoon gehou.

Die stukkie grond pad was reedelik.

Lekker stap roetes, hengel, canoe, voels en sentraal vir die omgewing.

Swellendam het basies alles wat 'n mens nodig het. 

Ek ken nie die ander moontlikhede nie.

As basis doodreg.  Daar is ook net buite die dorp baie na aan Bontebok 'n privaatkamp, ook langs die Breederivier wat blykbaar goed is maar ons was nog nie daar nie.  Voorheen sou ek die munisipale kamp op die dorp self aanbeveel het. As 'n basis sou dit perfek wees,  maar dit het intussen agteruitgegaan.  Dit was heel gesellig met ou maar skoon ablusies.  Ek weet nie of daar dalk intussen aandag aan gegee is nie. 

Vanaf Swellendam af is De Hoop sowat 50 km op 'n goeie grondpad.  Ons het al Bontebok as 'n basis gebruik om dit te besoek.  Die park is besonder mooi maar die fasiliteite is uitgekontrakteer aan 'n privaart maatskappy wat hulle visier op ryk oorsese besoekers stel en die kampplek afskeep maar buitensporige tariewe vra so 'n dagbesoek is miskien beter.

Silwerstrand by Robertson asook Montagu is beide puik maar ver van Swellendam af, so dit hang af waar julle besoek wil aflê.  Daar is baie goeie wynplase in die Robertson-omgewing.  Daar is ook ander parke langs die Breederivier naby Roberson wat glo goed is.  Dalk moet hulle maar van meer as een park gebruikmaak om makliker by plaaslike besienswaardighede uit te kom.

Dankie vir die terugvoering. Skurwekop by Robertson lyk na ‘n goeie opsie. Ook deur Flip en Tilla aanbeveel😂

Ons het onlangs by Bontebokpark oorgestaan. Ek sal eerder Robertson of Montagu aanbeveel, tensy julle naby Swellendam wil wees. 

Bontebok vir Swellendam omgewing se besienswaardighede. Is lekker sentraal, ablusies skoon met Generator tot 22h00 teen beurtkrag.