English & Afrikaans Forums
Total Topics: 22 307
Total Replies: 250 380
Total Views: 83 153 050
topics: 149
replies: 2 389
views: 346 046

Grawe van Gate en Slote op kampplek

replies: 33
views: 1069
21 Jul 2018 @ 11:56:22 am
Proffie
Jupiter Member
100% Profile Strength
Posts: 1819
Joined: 04 Aug 2017
Experience: 30 years

Ek sien mense toenemend gate grawe vir vuurmaak op die grond en dit ooplos, vol as wanneer hulle vertrek.

Dieselfde vir mense wie gate en slote grawe vir hulle gryswater van storte in karavaan.

Almal los hulle slote en gate net so wanneer hulle vertrek. Het wel iemand met Sensation gesien wat sy gat en slote toegegooi het, maar dit het in 'n moddergat vir die volgende persoon geword. Hy kon net 'n deel van die kampplek gebruik en moes in die so kamp.

Waarvoor? Dit is selfsugtig teenoor die volgende kamper. Selfs al is die gat toegegooi. Dit bly sagte grond.

Nou kom ek met my wa in, gebruik my movers om die wa te posisioneer en my jockeywiel voeter in die gat in wat toegegooi is. Nou is dit my probleem. Ek sit moontlik met skade. Dit sit nie in elke ou se broek om 'n gelaaide wa uit 'n nat gat op te tel nie.

Gryswater besoedel ook grond en loop nie af na die oord se afvalwater sisteem waar dit behandel kan word nie.

'n Oord soos Eiland het uitstekende ablusiegeriewe, waarvoor 'n eie gat grawe om vir ander te los om mee te sukkel? Gebruik die fasiliteit voorsien en ingesluit in jou prys.

Ek gaan nie noodwendig my wa soos jy parkeer nie. Dalk is jou gat in my pad.

Net vanoggend gesit en kyk hoe 'n man 'n sloot vir sy motorhome afvalwater grawe deur die buur staanplek wat wel tans oop is.

Is ek onnodig vol nonsens of grief dit ander ook?

Jesus saves all who do the will of the Father Matt 7:21-23
👍
2
💔
0
😮
0
🙂
0
21 Jul 2018 @ 13:34:59 pm
Relaxed Camper
Luhman 16 Member
100% Profile Strength
Posts: 17161
Joined: 05 May 2015
Experience: 7 years

ARTIKEL WAT SO 2 JAAR TERUG IN WEG WAS {Ge-copy & Paste}

Dit is alles goed en wel dat jou nuwe wa volledig uitgerus is met stort en al. Maar wat gebeur met jou stortwater op jou staanplek? Dit is jóú verantwoordelikheid om te sorg dat jou gerief nié ander se ongerief beteken nie.


Ons het onlangs ’n brief ontvang van ’n leser wat hoogs ontstoke was oor hoe min sy medekampeerders ag geslaan het op die gryswater wat hulle elke dag op die kampterrein gemors het.

Hy skryf dat hy gedurende ’n onlangse kampvakansie van drie weke opgemerk het hoeveel kampeerders hulle gryswater van die stort en wasbak uit die woonwa bloot onder hulle wa laat uitloop. Die leser meen ’n mens sou verwag dat hulle minstens die water met ’n emmer of bak sou opvang. Hy sê van die ouens grawe selfs ’n gat in die grond waarin hulle die water laat afloop.

Dit het hom dwars in die krop gesteek en hy sê hy moes eers noodgedwonge na ’n graaf gryp om die gat toe te gooi.

’n Mens kan sy frustrasie verstaan. Dit is ook duidelik dat dit ’n groter probleem word as jy jou wa nie op presies dieselfde plek staanmaak as die ou wat vóór jou op daardie staanplek gekamp het nie. Die kans is goed daar gaan ’n nat, onwelriekende kol onder die grondseil wees.

Hoe maak jy dus met jou gryswater om seker te maak jy veroorsaak nie sonde met die bure nie?

Die grootmenere


As jy by ’n plek soos die ATKV-oord by Klein-Kariba kamp, moet jy regtig hard probeer om te sorg dat jou gryswater vir jou bure ’n probleem raak. Walt Scholtz, ATKV-Klein-Kariba se instandhoudingsbestuurder, sê dit is omdat daar by die meeste van hulle staanplekke voorsorg getref is vir gryswater.

“Ons het ’n stelsel by ons staanplekke wat ons in staat stel om al die gryswater én selfs die swartwater uit kassettoilette te herwin. Al die water, of dit nou uit jou skottelgoed, stort of kassettoilet kom, vloei na dieselfde punt toe en van daar af na ons eie rioolaanleg,” sê Walt.

“Waar dit by die rioolaanleg invloei, word die water van die vaste stowwe geskei – en die giftige afval gaan eenkant toe en die water anderkant toe.

Die water gaan dan in ’n afbreekproses waar daar deur middel van bakterieë van die ammoniak en ander gifstowwe ontslae geraak word. Die laaste stap behels ’n belugter – hier word die water met lug gemeng voor dit in’n opgaardam beland.

Dié water gebruik ons om die krieket- en rugbyveld en die gholfbaan te besproei.”

Walt sê hulle tref nie onderskeid tussen grys- en swartwater nie en die voordeel vir hulle is dat die water totaal en al herwin word.

En dit kan nie makliker vir die kampeerder nie. “By jou staanplek is daar ’n punt wat uit die grond kom waarin jy jou afvoerpyp laat lê, so maklik soos dit.

Die punt het ’n gietystermangatdeksel bo-oor; dus kan niemand in hom trap of seerkry nie. Al wat jy doen, is om die deksel oop te maak jou pyp in hom af te gooi.” Walt sê egter dit is nie by al die staanplekke die geval nie. In sommige gevalle is daar aparte punte vir swartwater uit kassettoilette.

 

Wat is die probleem?


Walt sê die grootste probleem wat kampeerders nié besef oor gryswater nie, is dat dit ’n blatante vermorsing van water is. “Mense gooi dit op die gras of dit loop op die plaveisel uit en daardie water dien geen doel nie.

“Ons het besef ons kan slimmer te werk gaan en terselfdertyd meer omgewingsvriendelik wees. En dan spaar dit ons ook ’n astronomiese bedrag geld, want ons het nie nodig om ons boorgate te laat loop wanneer ons besproei nie.”

Besparing – of dit nou water, geld of albei is – was egter nie Walt-hulle se enigste oorweging nie. “Ons het ook die netheid van ons kampterrein in ag geneem.

Hier is nie ’n klomp water wat staan en vir ’n moddergemors sorg nie. Selfs afspoelwater veroorsaak maar later van tyd onaangename reuke en daar is die gevaar dat dit oorspoel in ’n ander kampeerder se staanplek. En sulke situasies moet vermy word,” sê Walt.


Maak anderkant nat

Nie alle oorde is só goed ingerig soos Klein-Kariba nie, en by die meerderheid kampterreine word daar van kampeerders verwag om bloot net goeie buurmanskap toe te pas.

Martie Beukes van die Bosfonteinwoonwaoord tussen Bela-Bela en Modimolle sê hoewel hulle nie geriewe vir gryswater as sulks het nie, het hulle nog nie probleme met onbedagsame gaste gehad nie. “Die meeste mense wat hier kom kamp, het gewoonlik pype wat hulle aan hulle woonwa se uitlaat koppel. Hulle laat die water dan in die beddings om die staanplekke inloop,” sê Martie.

“Ons het nie ’n stelsel wat spesiaal vir gryswater ontwerp is nie, maar hier is darem ’n drein by elke staanplek. Dis egter ’n klein Franse drein wat omtrent ’n kubieke meter groot is. Hy is dus nie baie diep nie en is hoofsaaklik daar om te keer dat daar modder onder die krane vorm.

“Daarom vra ons vir kampeerders om hulle gryswater na die beddings te lei, want dit gee darem die plante water.

Maar oor die algemeen vind ons mense neem hulle medekampeerders in ag.

“Die enigste ding wat die menere met die ingeboude badkamers soms wel doen, is om die kraan tussen twee staanplekke te annekseer. Ons kry dit soms dat die ou sy waterpyp aan die kraan gekoppel het en hom sommer daar los. Dis ’n bietjie selfsugtig en ek verkies dit as kampbure sulke gevalle self onder mekaar uitsorteer, want die oomblik as ons betrokke raak, word ons daarvan beskuldig dat ons onvriendelik is.

“Maar in terme van gryswater wat in ’n ander ou se staanplek inloop, moet ek sê ons het in sewe jaar nog nie ’n enkele klagte ontvang nie.”

Chris Ochse, van die Bergrivieroord buite die Paarl, sê hy vermoed probleme met gryswater duik meestal op vir mense wat lank op een plek kamp.

“Ons het nie regtig sulke probleme nie, want mense kom kamp gewoonlik nie vir weke aaneen by ons nie.”

Chris sê wel die oord het ook onlangs sy rioolstelsel oorgedoen en ’n sogenaamde Bubbler-stelsel geïnstalleer. “Dit is ’n stelsel wat swartwater afbreek en behandel tot op ’n gryswatervlak. Die water word dan onder die grond weggesyfer.”

Wat kan jy doen?


Die eerste ding wat jy kan doen, is om jou ingesteldheid oor gryswater te verander. En om dan jou gesonde verstand te gebruik. Gesels ook met die oordpersoneel oor jou gryswater.

Begin deur minstens ’n opvangbak of -emmer onder die uitlaat te sit en hom daagliks leeg te maak... hetsy in ’n drein of by ’n boom of plant (met die oordbestuur se toestemming, natuurlik).

As jy hier ook jou skottelgoedwater wil gebruik, maak net seker daar is nie klein stukkies kos in die water nie. Kies ook elke keer ’n ander boom en kies plekke wat verkieslik verder van ander kampeerders af is.

Gebruik ’n emmer en vang die water op terwyl jy wag vir jou stort of wasbak se water om warm te word. Hierdie water kan jy weer gebruik om die skottelgoed af te spoel.

Wegsleep sê: Die minste wat jy kan doen, is om jou gryswater op te vang en dan weer in die drein te gooi as die emmer vol is.

WAARSKUWING:

Kampeer is aansteeklik en verslawend 😁
👍
0
💔
0
😮
0
🙂
0
21 Jul 2018 @ 14:51:31 pm
Butts
Mars Member
92% Profile Strength
Posts: 1188
Joined: 15 Dec 2012
Experience: 7 years

Die mense irriteer my ook.   By Shingwedzi grawe die mense slote om die afvalwater na die grensdraad te herlei maar dis waar sy water stop en dan terugstoot want sy slootjie gaan nie buite die draad aan nie.  Sy sloot los hy ook vir die volgende kampeerder om mee te sukkel.

By Onder-Sabie parkeer die twee Exclusives langs mekaar en loop die water in die rybaan af. 

Onbedagsame klomp mense.

Oorde moet reëls hieroor opstel en mense verplig om hulle water op te vang en behoorlik daarmee te handel.

👍
0
💔
0
😮
0
🙂
0
21 Jul 2018 @ 16:18:01 pm
W J
Pluto Member
100% Profile Strength
Posts: 6454
Joined: 03 May 2007
Experience: 55 years

Klagtes en klagtes wees maar geduldig die parke word al hou minder waar gaan ons kamp,as die oorde meer reels instel kan ons maar terug army toe, ja koperaal .

How great is our GOD
👍
0
💔
0
😮
0
🙂
0
21 Jul 2018 @ 17:49:24 pm
Anonymous

By Dube gedurende Maart het ek geen keuse gehad nie.

Dit het 24/7 gereen vir 2 dae lank.

Ek neem nooit ń graaf saam nie, maar die braai tang moes inspring.

Ek het darem weer toegemaak met vertrek.

👍
0
💔
0
😮
0
🙂
0
21 Jul 2018 @ 23:52:39 pm
Proffie
Jupiter Member
100% Profile Strength
Posts: 1819
Joined: 04 Aug 2017
Experience: 30 years

By Dube gedurende Maart het ek geen keuse gehad nie.

Dit het 24/7 gereen vir 2 dae lank.

Ek neem nooit ń graaf saam nie, maar die braai tang moes inspring.

Ek het darem weer toegemaak met vertrek.

DK, reënwater is 'n ander saak. Dis skoon, natuurlik en almal is ewe nat. (Terloops, netjiese praktiese slootjie vir die water, en dit met die braaitang!)

Ek praat van groot gate vir vuur en diep gate of slote vir gryswater. Dan word dit vir die volgende persoon gelos om mee te sukkel.

Hier by Eiland het mense vir 2 weke naby ons gekamp. Gat van so 1,5m in deursnee en so 15cm diep gegrawe, nogal met my graaf wat hulle geleen het, en daarin vuur gemaak. Klippe om die gat gepak wat hulle grootliks verwyder het toe hulle ry, nie alles nie.

Die oordpersoneel het die as kom uitskep en weer grond oorgegooi. Mooi toegemaak. Kan dit nie eers sien nie. Toe ek daarop gaan trap, sak ek weg in die sagte los grond. Dis die gevaar.

As dit mens se jockey wiel was, had mens groot probleem om hom daar uit te kry sonder skade.

 

Jesus saves all who do the will of the Father Matt 7:21-23
👍
0
💔
0
😮
0
🙂
0
22 Jul 2018 @ 08:38:49 am
Anonymous

Gelukkig hou ek nie van vuur maak nie omrede ek aan sinus ly.

👍
0
💔
0
😮
0
🙂
0
22 Jul 2018 @ 10:09:36 am
Grumpy/Hannes
Uranus Member
100% Profile Strength
Posts: 3105
Joined: 24 Aug 2011
Experience: 30 years

Kyk dit is n probleem.

Moet ons van Oord Eienaars verwag om dreinering stelsels in te sit?

Wie gaan daarvoor betaal?

Ek en jy wat nie storte, wasmasjiene en skottelgoed wassers in ons waens het nie.

Miskien moet Oorde n Stort Belasting instel, op waens wat n stort in het, of jy hom gebruik of nie! Klink ek nou soos die regering?

Daar is mos ablusie geriewe by al die oorde!

 

At last !!!!
👍
0
💔
0
😮
0
🙂
0
22 Jul 2018 @ 10:19:59 am
Anonymous

Het wel desember met my gebeur dat ek in ander se slote moes ploeg met die jockey wiel... Ek het toe die karavaan so geksuif en dit het goed gewerk oor die slote van die vorige kampeerder waar die reenwater uit tent gebly het. Gelukkig kon ek die wa so maak pas.

Vuurgate en gryswater gate sal sekerlik nie lekker wees nie. Het myself nie in daai situasie gehad nie maar verstaan die ploeg in die vorige slote.. Die movers moes maar net die werk doen op daai stadium om die slote maar dieper te ploeg met jockey wiel, selfs met die 3-wiel jokey was dit maar 'n sloot grawery.....

👍
0
💔
0
😮
0
🙂
0
22 Jul 2018 @ 11:44:47 am
Hurricane
Jupiter Member
74% Profile Strength
Posts: 1558
Joined: 25 Apr 2014
Experience: 21 years

Het die afgelope vakansie 'n buurman met 'n Exclusive gehad wat dit goedgedink het om sy gryswater (en ook sy skottelgoed water!) tussen ons staanplekke te laat uitloop. Na sowat 'n week was die grond versadig en ook agv die vet en oorskiet kos stukke het die water begin poel en nie meer weg gesyfer nie. En boonop begin stink. Hoe hanteer mens dit sonder om kwaaivriende met jou buurman te raak? My wa het slegs 'n klein wasbakkie maar ek sit altyd 'n emmer onder die wa en vang die bietjie gryswater op en raak behoorlik daarvan ontslae. Wat mense nie verstaan nie is dat gryswater in jou tuin OK is (jy kamp/slaap nie daar waar jy dit laat uitloop nie. Boonop is daar heelwat wetenskaplike publikasies wat die mikrobiologie van gryswater uitspel, een het bv gevind dat meeste gryswater organismes soos Staphylococcus (wat vel aandoenings veroorsaak), Shigella ( wat diaree en erger veroorsaak) en Salmonella (wat Gastro veroorsaak) bevat. Een mikrobioloog het gevind dat gryswater wat langer as 4 ure in warm weer poel tot 4000 keer meer baketeriee bevat as swart water! En moenie vir my vertel dat daai gryswater "skoon" is nie, dis vol van daai ander ou se toonjam en ook gatjam!

Ek het laas week aan sowat 6 KZN oorde 'n epos gestuur en gevra wat, indien enigiets, hulle doen om mense te dwing om hulle gryswater beter te hanteer terwille van die volgende ou wat sonder enige waarskuwing met sy tent op daai biologiese gryswater "bom" moet kamp. Tot datum absoluut geen reaksie gekry nie....beteken dit dus dat oorde ook nie juis omgee nie? Sekerlik is 'n eenvoudige ding soos gepaste reels (wat toegepas word!) sonder enige koste vir die oord eienaar? Die probleem raak ook nie kleiner nie meer waens het storte in en party ouens monteer selfs skottelgoed wassers in hulle s'n. Ons probeer minstens om nooit 'n kamp staanplek agter te laat sonder dat dit beter is as toe ek kamp opgeslaan het nie....en dit sluit die toemaak van enige slote wat ek vir reen moes grou (en ek grou nooit 'n sloot as daar gras is nie). Miskien is ek te ordentlik?

👍
1
💔
0
😮
0
🙂
0
22 Jul 2018 @ 12:27:30 pm
Anonymous

Ek kan my net indink watter skade so gat kan veroorsaak.

Ek het so 3 jaar gelede met my voertuig se agter wiel in ń meerkat gat beland.

Die slag was so skrikwekkend en toe wonder ek net watter skade dit aan ń karavaan kan doen as jy so onverhoeds so gat raak ry.

👍
0
💔
0
😮
0
🙂
0
22 Jul 2018 @ 15:38:01 pm
Bak oor
Uranus Member
100% Profile Strength
Posts: 2988
Joined: 05 Sep 2013
Experience: 40 years

Nou vir once is hierdie n baie goeie onderwerp. Hurricane het goeie punt beet. Ek self nooit gate gegrou tot dusver maar die laat mens dink. Stem dat jy jou grys water by ablusie blokke van ontslae raak. So lok dit nie vlieë, miere en pes nie stink ook nie. Klein kinders kan gastro so optel hulle speel daar. So heeltemal reg gestel as jy nie tevrede is met morsjorse. Mens moet so kamp sodat ander ook kan kamp. Ek dink die is n ding wat jy maklik in n strik kan trap en oortree dus is dit uitstekend om daar oor te gesels en do mekaar te leer en verstaan Goeie draad die.

🌪️ Worry ends where faith begins 🌪️
👍
0
💔
0
😮
0
🙂
0
22 Jul 2018 @ 17:25:10 pm
PietG
Saturn Member
88% Profile Strength
Posts: 2174
Joined: 12 May 2015
Experience: 48 years

Ek gaan nou verseker op tone trap......daarom vra ek verskoning voor julle hier lees. My oorwoe mening is dat die jonger geslag vrouens nie meer wil kamp as hulle nie al die geriewe het wat hulle by die huis aan gewoond is nie. Nou koop almal n woonstel om saam te sleep anders weier mammie om te gaan kamp. Om die probleme wat hierbo genoem word op te los en almal tevrede te hou moet die arme oordeienaar groot onkostes aangaan. Om net die elektrisiteit op te gradeer om al die "noodsaaklikke" items te trek het reeds enorme bedrae geld uit die oordeienaar se sak gejaag. Nou vra ons rioolstelsels om die grys en swartwater te laat ontsnap. Wat kos dit? Skielik styg oorde se kampeerpryse die hoogte in.Hoeveel oorde het in die laaste paar jaar gesluit omdat dit kostegewys nie meer lonend is nie. Die eienaar verdien meer aan rente in die bank as wat sy oord kan inbring. Hoekom? Om daardie selfsugtiges te akkommodeer. My groot vraag.....hoekom wil jy dan hoegenaamd kamp.......is jy nie n woonstel mens wat nie behoort te kamp nie.? Is kamp dan nou nie juis om terug te keer aarde toe soos ons voorouers met die wa nie. Ek besef tegnologie het vooruitgegaan en ons ry nie meer met n ossewa nie. Maar dit beteken nie ons moet die kampeerder wat nog wil "kampeer" te na kom nie. Jy gooi nie jou afval buite jou woonwa rond nie. Daar is n houer voor. Bring dus jou houer en maniere as jy in luuksheid wil kamp en raak self daarvan ontslae. Jammer ouens nou sal ek my pak ook vat want wat ek nou gese het gaan my nie gewild maak nie. 

Ons drink uit die piering want ons koppie loop oor.
👍
0
💔
0
😮
0
🙂
0
22 Jul 2018 @ 18:20:27 pm
Jan Meyer
Saturn Member
96% Profile Strength
Posts: 2207
Joined: 31 May 2014
Experience: 53 years

Gun al die mense hulle luuksheid maar nie hulle gemors nie. Wonder hoe hulle reageer as hulle op ' n staanplek kom en vorige kampeerders het plek slordig en nat gelos. 

Los 'n plek soos jy dit graag wil kry. 

By Drakensville 'n dubbel wiel wa lang sloot gegrawe vir sy wiele om sy wa waterpas te kry. Sloot oopgelos toe hy ry. As hy so 'n wa kan bekostig kan by seker blokke koop.

Ook mense met tente gesien wat hulle skottelgoed water op gras gooi waar kinders speel. 

👍
0
💔
0
😮
0
🙂
0
22 Jul 2018 @ 18:38:05 pm
Hurricane
Jupiter Member
74% Profile Strength
Posts: 1558
Joined: 25 Apr 2014
Experience: 21 years

Geen probleem met die ouens wat verkies om in sy Exclusive te stort nie. MAAR vang jou gryswater op en raak ontslae daarvan op 'n aanvaarbare manier. Het onlangs by een van die KZN suidkus oorde gesien dat party mense dit wel doen, en dan natuurlik dan ook die meneer wat nie 'n dinges omgee vir die mense rondom hom nie of vir die ou wat na hom daar kamp opslaan nie. Het ook 'n klomp gesien wat dit eenvoudig onder die wa laat uitloop, een ou was so erg dat plasse stink water orals onder sy wa te sien was....dink net as jy daarna daarop moet staan! Gastro en sulke dinge is erg vir veral kleintjies wat so erg kan ontwater dat hulle in die hospitaal kan opeindig en wie betaal daarvoor? En wat van Hepatitis A, B en C? Die goed maak jou een of ander tyd dood. Dalk moet ons 'n druk groep vorm om oorde op die gevare te wys? (Terloops oorsee is dit ontoelaatbaar om grys water te laat uitloop op die staanplek, en as die oord nie fasiliteite het om daarvan ontslae te raak nie verwag van hulle dat jy dit saamneem en by die huis in jou eie riool stelsel laat wegloop (pary waens en veral motor homes het selfs grys water tenks oorsee. Hou ook bietjie dop hoe party ouens probeer om die feit dat hulle grys water net laat uitloop op die staanplek probeer wegsteek (veral ook die wat wasmasjiene en skottelgoed wassers in hulle wa instaleer - juis so 'n maand terug 12V modelle by Comet in Boksburg gesien duidelik bedoel om in 'n wa geinstalleer te word.)

👍
2
💔
0
😮
0
🙂
0
22 Jul 2018 @ 18:47:40 pm
Proffie
Jupiter Member
100% Profile Strength
Posts: 1819
Joined: 04 Aug 2017
Experience: 30 years

Ek gaan nou verseker op tone trap......daarom vra ek verskoning voor julle hier lees. My oorwoe mening is dat die jonger geslag vrouens nie meer wil kamp as hulle nie al die geriewe het wat hulle by die huis aan gewoond is nie. Nou koop almal n woonstel om saam te sleep anders weier mammie om te gaan kamp. Om die probleme wat hierbo genoem word op te los en almal tevrede te hou moet die arme oordeienaar groot onkostes aangaan. Om net die elektrisiteit op te gradeer om al die "noodsaaklikke" items te trek het reeds enorme bedrae geld uit die oordeienaar se sak gejaag. Nou vra ons rioolstelsels om die grys en swartwater te laat ontsnap. Wat kos dit? Skielik styg oorde se kampeerpryse die hoogte in.Hoeveel oorde het in die laaste paar jaar gesluit omdat dit kostegewys nie meer lonend is nie. Die eienaar verdien meer aan rente in die bank as wat sy oord kan inbring. Hoekom? Om daardie selfsugtiges te akkommodeer. My groot vraag.....hoekom wil jy dan hoegenaamd kamp.......is jy nie n woonstel mens wat nie behoort te kamp nie.? Is kamp dan nou nie juis om terug te keer aarde toe soos ons voorouers met die wa nie. Ek besef tegnologie het vooruitgegaan en ons ry nie meer met n ossewa nie. Maar dit beteken nie ons moet die kampeerder wat nog wil "kampeer" te na kom nie. Jy gooi nie jou afval buite jou woonwa rond nie. Daar is n houer voor. Bring dus jou houer en maniere as jy in luuksheid wil kamp en raak self daarvan ontslae. Jammer ouens nou sal ek my pak ook vat want wat ek nou gese het gaan my nie gewild maak nie. 

PietG,

Jy vat die kern van die probleem mooi raak asook die oplossing. Ek glo die lede wat tot nou reageer het stem saam en sal nie slae uitdeel nie.

Niemand het dit teen iemand wat geriefliker wil kamp nie, maar nie ten koste van ander nie.

As mense hulle gryswater kan bestuur soos die gereëlde skoonmaak van die chemiese toilet, dan het ek nie 'n probleem nie. Eie houer, eie afvalwater hanteer en in oord se afvalwatersisteem in weggooi. Dit verg egter 'n bietjie werk om onselfsugtig te kamp.

Gate vir vuurmaak dieselfde. My buurman het 'n ou asblikdeksel waarom hy 'n paar bakstene pak. Maak daarin vuur. Word elke dag skoongemaak en wanneer hy ry, is daar nie 'n gat in die grond nie. 

Daar is 'n oplossing vir alles. Net eiegeregtigheid en eiegemak bietjie opsyskuif en dink aan ander langs jou of wie na jou daar kamp.

Piet, ek dink nou soek ek vir slae!

Jesus saves all who do the will of the Father Matt 7:21-23
👍
1
💔
0
😮
0
🙂
0
22 Jul 2018 @ 18:51:43 pm
Global Traveller
Platinum Member
92% Profile Strength
Posts: 352
Joined: 28 Apr 2013
Experience: 37 years

Maak soos in die VSA - vol ingeboude riool en gryswater sisteem vir elke staanplek - skoon, veilig en gesond. As n kampterrein nie n ingeboude sisteem het nie mag jy nie jou vuil water op die grond laat vlooi nie - jy kan jou ingeboude greis en swart tenke gebruik of die kamp se ablusies gebruik - ook skoon, veilig en gesond.

Slower and lower is better than higher and faster!
👍
0
💔
0
😮
0
🙂
0
22 Jul 2018 @ 19:07:48 pm
Relaxed Camper
Luhman 16 Member
100% Profile Strength
Posts: 17161
Joined: 05 May 2015
Experience: 7 years

Ek weet van iemand wat karavaan met stort gekoop het want dit walg hulle om in n stort te staan waar iemand anders gestort het (ablusie blokke)....maar hy dump sy stort water daar waar volgende ou sy ontbyt en aandete moet geniet....en sy kinders moet speel

WAARSKUWING:

Kampeer is aansteeklik en verslawend 😁
👍
0
💔
0
😮
0
🙂
0
22 Jul 2018 @ 19:44:32 pm
Anonymous

Ek gaan nou verseker op tone trap......daarom vra ek verskoning voor julle hier lees. My oorwoe mening is dat die jonger geslag vrouens nie meer wil kamp as hulle nie al die geriewe het wat hulle by die huis aan gewoond is nie. Nou koop almal n woonstel om saam te sleep anders weier mammie om te gaan kamp. Om die probleme wat hierbo genoem word op te los en almal tevrede te hou moet die arme oordeienaar groot onkostes aangaan. Om net die elektrisiteit op te gradeer om al die "noodsaaklikke" items te trek het reeds enorme bedrae geld uit die oordeienaar se sak gejaag. Nou vra ons rioolstelsels om die grys en swartwater te laat ontsnap. Wat kos dit? Skielik styg oorde se kampeerpryse die hoogte in.Hoeveel oorde het in die laaste paar jaar gesluit omdat dit kostegewys nie meer lonend is nie. Die eienaar verdien meer aan rente in die bank as wat sy oord kan inbring. Hoekom? Om daardie selfsugtiges te akkommodeer. My groot vraag.....hoekom wil jy dan hoegenaamd kamp.......is jy nie n woonstel mens wat nie behoort te kamp nie.? Is kamp dan nou nie juis om terug te keer aarde toe soos ons voorouers met die wa nie. Ek besef tegnologie het vooruitgegaan en ons ry nie meer met n ossewa nie. Maar dit beteken nie ons moet die kampeerder wat nog wil "kampeer" te na kom nie. Jy gooi nie jou afval buite jou woonwa rond nie. Daar is n houer voor. Bring dus jou houer en maniere as jy in luuksheid wil kamp en raak self daarvan ontslae. Jammer ouens nou sal ek my pak ook vat want wat ek nou gese het gaan my nie gewild maak nie. 

Eks nie so seker of dit oorhoofs die jonger geslag is nie, daar is baie ou tannies wat nie wil stap na die opwasplekke nie.. Gooi ook maar hul water langs die wa uit?

👍
0
💔
0
😮
0
🙂
0
22 Jul 2018 @ 19:50:03 pm
Leon
Luhman 16 Member
96% Profile Strength
Posts: 16008
Joined: 12 Jun 2007
Experience: 56 years

My opinie is dat mens glad nie sloote of gate grawe op enige staanplek nie. Maak nie saak of die water onder deur jou tent loop as dit storm reen nie.

Die korrekte manier is om die oord bestuurder te nader en probleem wat jy het uit wys.

As hy dan die sloot grawe goed en wel. Ek vat ook nie eers 'n graaf saam net vir ingeval nie.

Water deur die tent is deel van kamp as dit reen......... dis hoe ek dit sien.  Ek kamp my lewe lank engoed wat deur water beskadig kan word staan nie op die grond nie. Dis nou maar hoe my pa my geleer het.

Sonder Jesus is ek niks! ! ! !
👍
0
💔
0
😮
0
🙂
0
23 Jul 2018 @ 06:18:01 am
Leon
Luhman 16 Member
96% Profile Strength
Posts: 16008
Joined: 12 Jun 2007
Experience: 56 years

Die redes waarom ek die standpunt het is 1. Uit respek vir die grasperke van die oord. As daar nie 'n wa op die staanplek is nie is dit mos eintlik maar net deel van die tuin.

Tweedens is die oord bestuurder verantwoordelik vir "Water Management" op die staanplekke en tussen die staanplekke.  Hier kan ek Bass Lake Lodge gebruik as 'n voorbeeld.  Hulle staanplekke is hoër as die paaie, staanplekke is of gelyk of dit is effens geboë sodat water wat van die tent af loop selfs wegloop van die tent af, maak nie saak hoe jy jou wa op die staanplek getrek het nie.

Derdens as jy die bestuurder nie inlig van 'n water probleem nie kan hy nie iets doen omtrent die probleem nie en bly dit daar vir kampeerders vorentoe.

 

Sonder Jesus is ek niks! ! ! !
👍
0
💔
0
😮
0
🙂
0
23 Jul 2018 @ 15:47:51 pm
Heindrich
Jupiter Member
96% Profile Strength
Posts: 1829
Joined: 21 May 2013
Experience: 20 years

Ons het vanoggend hier by die Eiland vergadering gehad oor volgende jaar se langblytariewe. Oorde sit met hul hande in die hare oor die eise van "somtyds gemagsugtige kampeerders" (ek wil geensins veralgemeen nie) rakende gryswater. Hulle wil nie stap om van dit onslae te raak nie. Die mense besef nie watse gevaarlike bakterië hulle loslaat deur gryswater net so op die grondoppervlak uit te laat nie. Die uiteinde is dat die ooreienaar afvoerdreins by elke staanplek moet insit, en ons gewone kampers moet daarvoor betaal. 

👍
0
💔
0
😮
0
🙂
0
31 Jul 2018 @ 12:39:50 pm
Leon
Luhman 16 Member
96% Profile Strength
Posts: 16008
Joined: 12 Jun 2007
Experience: 56 years

Ons het vanoggend hier by die Eiland vergadering gehad oor volgende jaar se langblytariewe. Oorde sit met hul hande in die hare oor die eise van "somtyds gemagsugtige kampeerders" (ek wil geensins veralgemeen nie) rakende gryswater. Hulle wil nie stap om van dit onslae te raak nie. Die mense besef nie watse gevaarlike bakterië hulle loslaat deur gryswater net so op die grondoppervlak uit te laat nie. Die uiteinde is dat die ooreienaar afvoerdreins by elke staanplek moet insit, en ons gewone kampers moet daarvoor betaal. 

Ek is van opinie dat wanneer 'n oord beplan word dat daar so drein in elkgeval by elke kraan wees.  As die oord nagelaat het om so iets te doen was dit fout aan hulle beplannings kant.

Kyk bv na Buffelspoort, Klein kariba om twee te noem. Dit is reeds lankal daar.  Ja die oord sal seker maar die koste wil verhaal van die kampeerder waar gaan hy anders die geld vandaan kry.  Maar aanvanklik was dit swak beplanning van hulle kant af om mee te begin.

Wat maak mense met hulle skottelgoed water. Dis ook grys water. Dit het veterigheid en stukkies kos en dies meer in goed wat meer deel het aan bakterië. My grys water wat uit my stort kom bestaan uit water, seep en die stof wat ek af was. As ek dit in die bosveld op 'n plant uitgooi of oor 'n stowerige pad sprei is dit net die bietjie seep daarin wat nie as normaal deel van die natuurlik is nie. Daar is minder tot geen bakterië daarin nie in vergelyking met die skottelgoed water nie.

Hieraan moes lankal aandag aan gegee gewees het, selfs voordat byvoorbeeld stort water deel van die sogenaamde probleem geraak het.

 

Sonder Jesus is ek niks! ! ! !
👍
0
💔
0
😮
0
🙂
0
31 Jul 2018 @ 14:35:31 pm
Karoo Klong
Jupiter Member
88% Profile Strength
Posts: 1554
Joined: 22 May 2014
Experience: 7 years

Sal dit uitvoerbaar wees,indien daar spesifieke plekke met afspoel  geriewe  opgerig word vir die persone  wat dit benodig.Aanpassing aan die dagtariewe om ekstra kostes te regverdig sal van toepassing wees.Ek vra maar net om die probleem te hanteer vir die 'onskuldige' kamper en die tegemoed te kom.

👍
0
💔
0
😮
0
🙂
0
31 Jul 2018 @ 14:55:28 pm
Hurricane
Jupiter Member
74% Profile Strength
Posts: 1558
Joined: 25 Apr 2014
Experience: 21 years

Ek is van opinie dat wanneer 'n oord beplan word dat daar so drein in elkgeval by elke kraan wees.  As die oord nagelaat het om so iets te doen was dit fout aan hulle beplannings kant.

Kyk bv na Buffelspoort, Klein kariba om twee te noem. Dit is reeds lankal daar.  Ja die oord sal seker maar die koste wil verhaal van die kampeerder waar gaan hy anders die geld vandaan kry.  Maar aanvanklik was dit swak beplanning van hulle kant af om mee te begin.

Wat maak mense met hulle skottelgoed water. Dis ook grys water. Dit het veterigheid en stukkies kos en dies meer in goed wat meer deel het aan bakterië. My grys water wat uit my stort kom bestaan uit water, seep en die stof wat ek af was. As ek dit in die bosveld op 'n plant uitgooi of oor 'n stowerige pad sprei is dit net die bietjie seep daarin wat nie as normaal deel van die natuurlik is nie. Daar is minder tot geen bakterië daarin nie in vergelyking met die skottelgoed water nie.

Hieraan moes lankal aandag aan gegee gewees het, selfs voordat byvoorbeeld stort water deel van die sogenaamde probleem geraak het.

 

Daai grys water met net bietjie seep in is alles behalwe dit! (Tensy jy natuurlik skoon water neem en net bietjie seep daarin oplos!). Daai "water met net seep en stof" in is NADAT dit van jou lyf afgespoel is. In die proses word heelwat grillerige goed bygevoeg soos sweet, dooie vel, skilfers, "toon jam", "agterent jam", party ouens se skeer reste, tande pasta en bek uitspoel....en so aan, en dis allesbehalwe net stof. As dit slegs water met bietjie seep is ja maar ongelukkig was/stort jy mos om skoon te kom! Het self min probleme as jy 'n skottel op 'n stofpad uitgooi, of selfs direk by 'n boom naby jou staanplek. Waarteen ek dit wel het is daai ou wat sy grys water netso onder sy wa laat uitloop en dit na 'n paar dae begin plasse vorm op die staanplek self. En dan dink daai ou dis maar reg so, die volgende ou kan maar op sy gemors tent opslaan of sy grondseile oop gooi.

Ek hou nie 'n oord verantwoordelik dat hulle nie daarvoor voorsiening maak deur by elke staanplek 'n uitloop te voorsien nie (toe meeste van daai oorde uitgele was het karavane nie goed soos storte gehad nie). Waarteen ek dit wel het is daai luigat ou wat nie die moeite wil doen om sy grys water op te vang en weg van die staanplek of dan ablusie weg te gooi nie. En ja, as die oord wel die besluit neem om uitlope te installeer sal die prys sekerlik moet styg...ook geen probleem daarmee nie.

 

👍
0
💔
0
😮
1
🙂
0
01 Aug 2018 @ 07:31:01 am
Andre Smit
Platinum Member
96% Profile Strength
Posts: 407
Joined: 23 Sep 2011
Experience: 43 years

Môre Jorg en ander Maters,

"  Daai "water met net seep en stof" in is NADAT dit van jou lyf afgespoel is. In die proses word heelwat grillerige goed bygevoeg soos sweet, dooie vel, skilfers, "toon jam", "agterent jam", party ouens se skeer reste, tande pasta en bek uitspoel....en so aan, en dis allesbehalwe net stof."

Ek kon dit nie beter gestel het nie.

Hierdie morsigheid kom al 'n paar jaar saam met ons op hierdie forum en elke keer wat dit ter sprake kom het die ouens wat verkies om die lewe vir die volgende kamper onaangenaam te maak 'n nuwe stel verskonings vir hulle varkerigheid.

Nou blyk die nuutste voorstel/eis te wees, dat die parke opgegradeer moet word vir sy luigatgeid, en almal sal moet betaal vir die enkeles wat te lui is om sy eie morsigheid op te ruim.

Vang jou gryswater ALLES self op en gaan gooi dit uit waar dit hoort.

Nie OP staanplekke, LANGS staanplekke, OP plantjies of bome nie.

IN DIE FASILITEITE WAT DAARVOOR GESKEP WORD.

 

👍
0
💔
0
😮
0
🙂
0
01 Aug 2018 @ 07:44:38 am
Leon
Luhman 16 Member
96% Profile Strength
Posts: 16008
Joined: 12 Jun 2007
Experience: 56 years

Wel dan is ek 'n vark wat my seep watertjies in die bosveld teen 'n boom gaan uitgooi.

Darem nie op die staanplek waar dit direk 'n ander ou wat die staanplek na my wil gebruik hinder nie.

Sonder Jesus is ek niks! ! ! !
👍
0
💔
0
😮
0
🙂
0
01 Aug 2018 @ 14:03:15 pm
Chris Boucher
Mars Member
100% Profile Strength
Posts: 1240
Joined: 30 Apr 2015
Experience: 34 years

Ek het heeltemal begrip vir Proffie se aanvanklike inset wat handel oor gate en slote vir gryswater en vuurmaakplekke. En laat ek openlik erken, ek was ook in die verlede skuldig aan die maak van 'n gat vir vuurmaak. Ek het dit elke keer toegemaak en so goed moontlik gekompakteer, maar waarskynlik nie goed genoeg nie. Ek het kennis geneem en sal beslis in die toekoms 'n ander plan maak.

Ek het ook nie 'n stort in my 1993 model Caravette 6B nie. Ek het wel 'n wasbak wat bykans uitsluitlik gebruik word vir handewas. By my uitlaatpyp het ek 'n opvangemmer wat daagliks leeggemaak word. Maar hier kom my skuld alweer. Ek gooi gewoonlik daardie gryswater by 'n boom wat ek reken kan doen met 'n bietjie water.

Glo my - ek word nét so geïrriteer deur 'n ou wat sy stort se gryswater net so op die grond (of gras laat uitloop). Ek was in 2015 by Eiland Spa nie bewus daarvan dat my buurman in sy Classique daaraan skuldig is nie, tot die dag wat hy vertrek het en ek die modderpoel waargeneem het waar sy karavaan gestaan het. Dit was een groot pappery waarop die volgende ou moes kom staan.

Maar is ons nie besig om die hoender se gatkant heeltemal uit te ruk t.o.v. al die kieme en sogenaamde "toonjam" en "gatjam" wat besig is om die plot te "besoedel" nie. Persoonlik reken ek jy moet meer bekommerd wees oor die "toon- en gatjam" wat in die ablusies voorkom. Dit is nou nie juis bekend dat hierdie plekke gereeld ontsmet word nie. Hoeveel van al hierdie "jam" is nie in die ablusies se storte teenwoordig nie? Of ontsmet jy persoonlik die stort en wasbak as jy klaar is?

Miskien het van die ander deelnemers aan hierdie draad in 'n ander era as ek grootgeword. Maar ons het maar ons badwater met mekaar gedeel toe ek 'n kind was. Soms was ek eers die derde of selfs vierde een wat in die voriges se water moes bad. En so groot en uitgevreet soos wat ek is, lyk dit waaragtig nie of ek andere se kieme ingekry het nie. Met die droogte hier in die Kaap het ek al van verskeie gesinne verneem wat weer op hierdie manier van bad aangewese is.

Tensy jou gryswater probleme vir jou bure of die ou wat na jou kom kamp skep, kan ek nie sien dat die wegdoen van sodanige water op 'n plant of boom juis probleme kan veroorsaak nie. Moenie dat ons die kind saam met die badwater uitgooi nie.

Ek onderneem om 'n ander plan te maak met my vuurmaakplek, maar ek sal my ou gryswater-emmertjie bly uitgooi by 'n waarderende plant of boom. 

👍
0
💔
0
😮
0
🙂
0
01 Aug 2018 @ 16:47:52 pm
Proffie
Jupiter Member
100% Profile Strength
Posts: 1819
Joined: 04 Aug 2017
Experience: 30 years

Chris,

Dankie oor die vuur gat respons. 'n Ronde sinkplaat of staalplaat of vuurbak waarop/in jy vuurmaak los die gat probleem op. Soos voorheen genoem, my buurman gebruik 'n ou sink asblikdeksel en dit werk 100%.

Dit is grootliks die doel van die draad om bewustheid te skep en alternatiewe planne en voorstelle te maak.

Jy skryf aan die einde dat jy jou gryswateremmer daagliks by die boom leegmaak. As elke kamper dit doen kry daardie boom 365 sekerlik halwe emmers water per jaar met die meegaande sepe se soute en suur.

Ek sou reken dit sal beter wees indien ons almal ons gryswater opvang soos jy maak, en in die oord se sisteem gaan uitgooi sodat die water behandel kan word vir gebruik in tuine ens soos bv. Eiland Spa wat gryswater suiwer en op rugbyveld en grasveld (perdekamp waar ook die bokke kom wei in die winter)  uitspuit.

Dat ons mede kampers en volgende staanplek gebruikers moet ag, bly 'n feit.

Net soos mens die toilet, wasbak en stort netjies agterlaat vir die volgende gebruiker (wat nie almal doen nie), moet ons die staanplek netjies en ten volle bruikbaar los vir die volgende kamper (wat nie almal doen nie).

Jesus saves all who do the will of the Father Matt 7:21-23
👍
0
💔
0
😮
0
🙂
0
02 Aug 2018 @ 06:42:40 am
Leon
Luhman 16 Member
96% Profile Strength
Posts: 16008
Joined: 12 Jun 2007
Experience: 56 years

Ek het heeltemal begrip vir Proffie se aanvanklike inset wat handel oor gate en slote vir gryswater en vuurmaakplekke. En laat ek openlik erken, ek was ook in die verlede skuldig aan die maak van 'n gat vir vuurmaak. Ek het dit elke keer toegemaak en so goed moontlik gekompakteer, maar waarskynlik nie goed genoeg nie. Ek het kennis geneem en sal beslis in die toekoms 'n ander plan maak.

Ek het ook nie 'n stort in my 1993 model Caravette 6B nie. Ek het wel 'n wasbak wat bykans uitsluitlik gebruik word vir handewas. By my uitlaatpyp het ek 'n opvangemmer wat daagliks leeggemaak word. Maar hier kom my skuld alweer. Ek gooi gewoonlik daardie gryswater by 'n boom wat ek reken kan doen met 'n bietjie water.

Glo my - ek word nét so geïrriteer deur 'n ou wat sy stort se gryswater net so op die grond (of gras laat uitloop). Ek was in 2015 by Eiland Spa nie bewus daarvan dat my buurman in sy Classique daaraan skuldig is nie, tot die dag wat hy vertrek het en ek die modderpoel waargeneem het waar sy karavaan gestaan het. Dit was een groot pappery waarop die volgende ou moes kom staan.

Maar is ons nie besig om die hoender se gatkant heeltemal uit te ruk t.o.v. al die kieme en sogenaamde "toonjam" en "gatjam" wat besig is om die plot te "besoedel" nie. Persoonlik reken ek jy moet meer bekommerd wees oor die "toon- en gatjam" wat in die ablusies voorkom. Dit is nou nie juis bekend dat hierdie plekke gereeld ontsmet word nie. Hoeveel van al hierdie "jam" is nie in die ablusies se storte teenwoordig nie? Of ontsmet jy persoonlik die stort en wasbak as jy klaar is?

Miskien het van die ander deelnemers aan hierdie draad in 'n ander era as ek grootgeword. Maar ons het maar ons badwater met mekaar gedeel toe ek 'n kind was. Soms was ek eers die derde of selfs vierde een wat in die voriges se water moes bad. En so groot en uitgevreet soos wat ek is, lyk dit waaragtig nie of ek andere se kieme ingekry het nie. Met die droogte hier in die Kaap het ek al van verskeie gesinne verneem wat weer op hierdie manier van bad aangewese is.

Tensy jou gryswater probleme vir jou bure of die ou wat na jou kom kamp skep, kan ek nie sien dat die wegdoen van sodanige water op 'n plant of boom juis probleme kan veroorsaak nie. Moenie dat ons die kind saam met die badwater uitgooi nie.

Ek onderneem om 'n ander plan te maak met my vuurmaakplek, maar ek sal my ou gryswater-emmertjie bly uitgooi by 'n waarderende plant of boom. 

Dis net soos jy noem Chris.  Ek dink daar is ander plekke waar die "JAM" 'n groter effek kan hê op ander kampeerders. Ablusie geriewe want daar staan jy in 'n ander man se stort water. Nog 'n plek is die gemeenskaplike swembad waar jy dalk n bekvol van die "JAM" kan kry en tussen dit baljaar. Ja daar is chemikalië.

Mens kan seker die situasie diep ontleed en daaroor koukus swembad water ontleed na 'n lekker somers dag en forensiese monsters neem na 'n aand se stort sessie.  Verskil is niemand loop in die water met my "JAM" nie en die chemikalie wat ek gebruik is bietjie seep. 

Ek vat dit so dat, solank ek dit teen die waarderende boompie in die bosveld uitgooi gaan dit niemand pla nie.  En as my my sien sal ek die swembad "JAM" saam met almal daar geniet.............vuil gat sien! ! !

 

Sonder Jesus is ek niks! ! ! !
👍
0
💔
0
😮
0
🙂
0
16 Sep 2018 @ 08:56:17 am
Koos
Bronze Member
29% Profile Strength
Posts: 26
Joined: 02 Dec 2012

Eienaar gaan nie daarvan hou dat iemand sy plek omdolwe nie.

Wat "gryswater" betref, dink ek die kampeerder moet sorg dat die water in die drein kom,  (hy het die skoon water daar gekry, sorg dat die vuil water daar wegkom.) Of kampeer langs die ablusie as loop 'n probleem is. Karavaanpark is nie daar vir kampeerders se vuil water nie.

 

👍
0
💔
0
😮
0
🙂
0
16 Sep 2018 @ 09:02:50 am
Koos
Bronze Member
29% Profile Strength
Posts: 26
Joined: 02 Dec 2012

Kampeer park eienaar kan seker maar voorsiening maak om selfoon te laai ens. Enige iets wat meer krag trek, moet "trip".  Kragproppe in badkamers vir haar droeer is vir my voldoende.

 

👍
0
💔
0
😮
0
🙂
0
16 Sep 2018 @ 09:32:06 am
Fred
Uranus Member
100% Profile Strength
Posts: 3319
Joined: 09 Mar 2016
Experience: 52 years

As jy 'n badkamer met stort in jou woonwa het, hoe maak jy dan met die groot hoeveelheid grys water as jy stort?  Ek het meestal waargeneem dat dit maar net uitloop langs die karavaan.  Ek het nog nie gesien dat sulke ouens 'n houer het om dit op te vang nie.

En van die lelike "jams" gepraat: Ek het in die verlede maar kaalvoet in die parke se storte gestort en toe kry ek infeksie in my toonnaels.  Om dit te genees is 'n lang proses: dit neem ongeveer ses maande.  Sederdien het ek plakkies waarmee ek stort. Die "toonjam" klink nie maar net vieslik nie- dis gevaarlik ook.

Het is beter rijk te leven dan rijk te sterven
👍
0
💔
0
😮
0
🙂
0
17 Sep 2018 @ 08:09:56 am
Proffie
Jupiter Member
100% Profile Strength
Posts: 1819
Joined: 04 Aug 2017
Experience: 30 years

Fred

Vroulief sorg dat elkeen 'n klein botteltjie ontsmetmiddel (Dettol of Savlon) saamdra om net 'n paar druppels te gooi voor jy in die stort inklim.

Nog nooit probleem opgetel nie.

Ek stem saam, die 'jam' in die gesprek lei aandag weg van die gate af.

Jam blootstelling kan deur die individu bestuur word, maar 'n gat in die grond is 'n gat in die grond.

Jesus saves all who do the will of the Father Matt 7:21-23
👍
0
💔
0
😮
0
🙂
0
Reply to Topic
Anonymous
Sign In Required
View First
Stay home and stay safe, visit the official website: sacoronavirus.co.za