English & Afrikaans Forums
Total Topics: 21 426
Total Replies: 232 949
Total Views: 82 454 573
topics: 935
replies: 12 712
views: 3 208 413
In this section we discuss industry businesses and product reviews.

Solar grid-tie toevoegging tot my stelsel

replies: 21
views: 428
22 Mar 2019 @ 10:22:34 am
Danie-SLK
Neptune Member
92% Profile Strength
Posts: 4360
Joined: 08 Sep 2009
Experience: 42 years

Wel na 'n klompie maande wat ek my back-up stelsel in plek het en tot 3 yskaste op die stelsel kon gebruik vir kort rukkies was daar altyd die probleem dat mens die heeltyd 'n ogie moes hou op die stand v d battery. Dae soos vandag was juis 'n probleem waar mens minder solar inkry as wat die las vereis. Dit het tot gevolg dat die battery net moes pap word. Ek het my battery met valk ogies dopgehou en gereeld die stelsel eerder op "bypass" gesit eerder as om my battery se lewe te verkort. Ja met 'n goeie inverter wat maklik sy 100% verhoogse kapasiteit kon lewer vir die aansit van motors en goeie batterye kan mens wel yskaste aansit.

Juis weens die beperkings om die heeltyd jou las dop te hou en solar laer as 125W het ek 'n grid-tie bygevoeg wat niks te doen het met die werklike las nie. Die grid-tie lewer die heeltyd krag na gelang van wat gebruik word op die DB. Jammer vir die wat reeds weet wil ek net noem dis die beste manier om sonkrag te gebruik vir mens se krag verbruik. Die grid-tie se krag kry voorkeur om gebruik te word voor die krag v d grid gebruik word.  d.w.s. as die geyser/stoof/mikro sou aansit word die hoeveelheid wat jou panele kan gee 1e gebruik en slegs die res word v d grid af getrek - mits mens natuurlik 'n grid het.

Ek was lank onder die indruk dat grid-tie net bedoel was vir uitvoer en dan na sontyd terug gebruik. Dit wil egter voorkom asof "verkoop" via solar nie maklik gaan werk in SA weens die admin koste. Ek sien dat party stadsrade tot soveel as R300 wil he net om "net metering" toe te pas en dan moet mens boonop nog die meters koop en jy word in meeste gevalle beperk tot 'n 3.5kVA inverter wat beteken mens kan nie die R300 admin oorkom nie.

Aangesien die grid-tie jou eie kragopwekker is werk dit slegs as daar grid teenwoordig is. Ons moet darem sorg dat ons nie mens aan die grid kan doodskok nie. Deur die Goodwe hybrid te gebruik het die inverter 2 dele en kan mens grid-tie en back-up via batterye gebruik.

So hiermee het ek nou my eie probleem oorkom wat nooit van battery krag wou werk nie. Selfs met die beste batterye kos dit op die goedkoopste R2 per eenheid om krag op te wek en te stoor. Ons praat nie eers v d tyd om die goed die heeltyd te monitor nie. Ja weens las afgooi het mens steeds 'n back-up stelsel nodig.

Hiermee so bietjie inligting oor grid-tie. Dis egter onnodig om 'n hybrid aan te skaf aangesien mens die grid-tie maklik kan bybring by 'n back-up.

Laastens jammer vir die lang plasing maar met parke wat ons vir krag wil laat betaal wat ek geen probleem mee het nie dink ek dit is kamp verwant.

Diegene wat nie opstelle wil lees nie kan maar net verby blaai na die volgende onderwerp.

 

👍
1
💔
0
😮
0
🙂
0
22 Mar 2019 @ 20:51:59 pm
Dries
Silver Member
77% Profile Strength
Posts: 54
Joined: 20 Sep 2017
Experience: 36 years

Gee meer spesifikasies van jou stelsel. Hoevelheid batterye (amps), inverter, ens. Asook kostes van die stelsel. Wou al verlede jaar sonkrag stelsel insit maar met dogter se troue......

👍
0
💔
0
😮
0
🙂
0
22 Mar 2019 @ 22:04:32 pm
Danie-SLK
Neptune Member
92% Profile Strength
Posts: 4360
Joined: 08 Sep 2009
Experience: 42 years

Dries mens kry van 700W tot 4600W inverters wat die nuwe generasie Solis is. Anders as v d vorige grid-tied het hierdie maak slegs 60V nodig om te begin krag opwek. Sodra dit begin opwek kan due volts daal tot 50V. Die Inverter sorg dat mens die maksimum uit die panele kry.

Mens kan dus met panele wat 190W en meer is begin met so stelsel as jy 2 panele gebruik in serie. Maak net seker dat die panele se oop stroombaan volts meer as 30V is. Die Solis kan tot 500V inset lewer so mens kan baie panele in serie gebruik en ook bv 'n klomp // bane skep en maklik uitbrei met tyd. 

Hierdie stelsel het nie batterye nie en neem net so krag wat gebruik word voor daar van Eskom se krag gebruik word. Dus maak dit nie saak watter toerusting die krag nodig het nie want wat die panele nie voorsien word net v d Eskom kant saamgegooi. Verder omdat dit eintlik 'n kragopwekker van solar is mag dit net werk as Eskom wel krag lewer. As die krag af is stop die inverter ook sodat mense nie geskok word wat op die Eskom netwerk werk. Dis dan net soos 'n kragstasie wat eers self krag moet hê voor daar opgewek kan word.

Minimum wat benodig word is R2600 vir 2 panele. R4400 vir 'n 700W inverter. Dan slegs 'n DC 2pool switch en 'n 2pool isoleer der tussen die bestaande DB en die Inverter. Wat ook fantasties is is die feit dat jy meer as 1 kan in // laat werk en by koop sonder dat die kleiner model vervang moet word.

4000W inverter sal omtrent R10 000 kos wat mens tot 33x300W panele kan gebruik wat op goeie dag 50 eenhede krag sal kan opwek. 

Vra maar verder dat ek weet in watter lyn jy meer info benodig. 

 

👍
0
💔
0
😮
0
🙂
0
23 Mar 2019 @ 20:13:53 pm
Chuck Norris
Alpha Centauri Member
100% Profile Strength
Posts: 8244
Joined: 13 Jan 2014
Experience: 37 years

Dink om dit maar te doen. 

Kry teveel skade met die baie krag wat af gaan.

Dankie vir die inligting  

 

As jy wil he jou drome moet waar word, moet jy eers wakker word.

Die jonge Fransmannetjie. (Parys - Frankryk)
👍
0
💔
0
😮
0
🙂
0
24 Mar 2019 @ 18:02:13 pm
Danie-SLK
Neptune Member
92% Profile Strength
Posts: 4360
Joined: 08 Sep 2009
Experience: 42 years

Jin hierdie nuwe deel werk ongelukkig net as daar krag is. Natuurlik met genoeg panele kan mens ook so 'n oord se krag inset gebruik en jou eie krag op te wek deur die dag sonder dat mens batterye hoef te gebruik. Dan gebruik mens net die oord se krag as daar nie son is nie. Of soos meeste off grid stelsels is maak mens staat op jou batterye as die son weg is.

Darem lekker om te sien met die son wat skyn en die krag aan is dat daar net 20W Eskom krag gebruik word.

👍
0
💔
0
😮
0
🙂
0
24 Mar 2019 @ 18:13:43 pm
Fred
Saturn Member
100% Profile Strength
Posts: 2565
Joined: 09 Mar 2016
Experience: 51 years

Dit klink heel interessant Danie- plaas gerus jou opstelle.  Dis 'n nuwe tegnologie vir my soek sal bietjie verder gaan oplees.  Nuwe tegnologie in heel interessant al gebruik mens dit nie noodwendig nie.

Het is beter rijk te leven dan rijk te sterven
👍
0
💔
0
😮
0
🙂
0
25 Mar 2019 @ 12:11:16 pm
Leon
Luhman 16 Member
96% Profile Strength
Posts: 14556
Joined: 12 Jun 2007
Experience: 55 years

Dit is dus nie 'n vervanging van die Eskom krag nie maar wel 'n bespaarder van Eskom krag. 

In die dag gaan jy dus eers Solar krag deur die inverter gebruik en as jou gebruik hoër raak as dit wat die sonpanele kan verskaf dan eers kom daar Eskom krag by om jou behoefte vir daai stadium te bevredig.

Sonder Jesus is ek niks! ! ! !
👍
0
💔
0
😮
0
🙂
0
25 Mar 2019 @ 15:24:30 pm
Danie-SLK
Neptune Member
92% Profile Strength
Posts: 4360
Joined: 08 Sep 2009
Experience: 42 years

Dis korrek Leon. Met tye is die sonkrag gelyk aan wat my normale goed in die huis gebruik. Dit sluit 4 yskaste in. Geen batterye om te vervang nie.

Lekker om te sien mens betaal op hierdie stadium toe die foto geneem amper niks vir krag nie. (20W)

 

👍
0
💔
0
😮
0
🙂
0
25 Mar 2019 @ 17:54:36 pm
Fred
Saturn Member
100% Profile Strength
Posts: 2565
Joined: 09 Mar 2016
Experience: 51 years

Danie, Ek dink ek verstaan jou stelsel redelik.  Net een vragie: Die sonpanele lewer krag enigetyd wat die son skyn.  As daar toevallig geen verbruik by jou huis is nie, wat dan?  Met 'n batteryopgaarstelsel sou die krag opgegaar word, maar wat nou as daar nêrens is om die krag te voer nie?  Ek aanvaar dan gaan dit nêrens heen nie, maar kan dit skade aan die panele doen?  Dit sou ideaal wees om sulke krag in die grit terug te sit en daarvoor vergoed te word, maar ek dink nie dit huidiglik moontlik nie.

Het is beter rijk te leven dan rijk te sterven
👍
0
💔
0
😮
0
🙂
0
25 Mar 2019 @ 19:51:12 pm
Danie-SLK
Neptune Member
92% Profile Strength
Posts: 4360
Joined: 08 Sep 2009
Experience: 42 years

Danie, Ek dink ek verstaan jou stelsel redelik.  Net een vragie: Die sonpanele lewer krag enigetyd wat die son skyn.  As daar toevallig geen verbruik by jou huis is nie, wat dan?  Met 'n batteryopgaarstelsel sou die krag opgegaar word, maar wat nou as daar nêrens is om die krag te voer nie?  Ek aanvaar dan gaan dit nêrens heen nie, maar kan dit skade aan die panele doen?  Dit sou ideaal wees om sulke krag in die grit terug te sit en daarvoor vergoed te word, maar ek dink nie dit huidiglik moontlik nie.

Fred mens gebruik 'n stroomklamp wat keer dat krag nie teruggaan in die grid nie. Sou mens egter in Kaapstad of Wellington of Mosselbaai wees waar jy krag kan terugploeg kan dit wel uitvoer. Ander plekke is dit teen die reels maar as mens nie die stroomklamp sou gebruik om die inverter te laat ophou opwek dan kan dit na jou bure gaan.My inverter is wel op die lys van goedgekeurde inverters van Kaapstad. Hulle het mos aangedring dat mense moet hul stelsels registreer en sou jy versuim is die boete oor die R6 000 en hul verwyder jou toerusting.

Die huidige probleem is dat die stadsrade soos ek dit verstaan 'n admin fooi hef wat maak dat jy amper nie genoeg panele kan opsit om hierdie fooi die hoof te bied nie. Nee die panele sal nie beskadig word nie. Vir die panele sal dit wees soos 'n battery wat jy niks opgekoppel het nie maar die krag is wel daar as jy dit sou wou gebruik. Verder verkoop jy bv vir 44c 'n eenheid en as jy dit wil terugkoop kos dit jou 4 maal meer. Dan moet daar ook meting ingesit word wat albei rigting kan meet en ja hulle kos meer as 'n 2 weke vakansie in piek tyd.

Hierdie stelsel het 'n terugbetaal tydperk van minder as 4jr maar dit hang ook af van hoe groot dit is en of mens wel die maksimum panele gebruik. Battery stelsels kan in baie gevalle nie hulself terug betaal nie en is meer vir gerief van altyd krag he.

 

👍
0
💔
0
😮
0
🙂
0
13 Oct 2019 @ 15:34:38 pm
Danie-SLK
Neptune Member
92% Profile Strength
Posts: 4360
Joined: 08 Sep 2009
Experience: 42 years

Net 'n opvolg nou dat ek die winter verlaagde son-energie syfers kan plaas. Gedurende die winter is my sonkrag omtrent 26% laer as in die somer maande. Junie was die laagste maand en wel 32% laer as wat in Sep gelewer is. Die winter met geen wolke lewer 'n baie konstante dag vir dag lewering. 8-17/08/2019 het die lewering skielik gestyg met 30% maar weer teruggeval en 25-29/08/2019 was weer goeie dae.

Weens die wolke wat ongelukkig nie reen bring nie is die lewering darem meer as in die winter. Ek het verwag dat die winter 'n baie laer lewering sou gee as wat wel die geval was.

Alhoewel my vaste koste hoog is vir so 'n klein stelsel kan ek bevestig dat die eenmalige kostes binne 3.5 jaar terugbetaal sal word en daarna spaar mens elke dag sonder verdere kostes.

👍
0
💔
0
😮
0
🙂
0
13 Oct 2019 @ 16:10:45 pm
Brommer
Pluto Member
77% Profile Strength
Posts: 5126
Joined: 13 Sep 2013
Experience: 29 years

Ek het ook al baie vir mense gewys dat in die winter kan jy baie beter lewering van krag kry as wat jy verwag (gauteng area).

Op die ou einde gaan jy wel batterye nodig kry in gevalle wanneer eskom wel af is en daar is weer dreigemente van onderbrekings in die baie nabye toekoms.

 

Ons krag in Pretoria Noord was so rukkie terug baie af.. Vir lang tye, soms selfs 6+ure.. Nou ja nietemin ek en my buurman het battery backup maar die res van die buurt het nie eers meer generators wat loop nie?? Als pikdonker.

Meeste keer was krag af so vanaf die laatmiddag tot laatnag.

Ek het ook agtergekom dat die krag in die dag afgaan daarby, van so 9uur of 10uur die oggend tot so 2uur / 3 uur die middag.. Ek wat tuis werk het dit duidelik opgemerk en besef iets is nie lekker nie.

Tans het ek 16x groot 150Ah AGM Solar batterye en 3x inverters waarvan 1x5000W en die ander 2x 3000W is. Vir my huis is normaalweg die 5000W meer as genoeg, omdat ek nie baie krag trek in my huis nie.

Dis slegs as stoof (gewone) en die geyser moet loop wat ek dan nou moet wakker staan. Ek sal die geyser bv dan eers laat loop vir die 20min voor kiddies ens moet bad en dan kan my vrou stoof of oond gebruik..

Sodra ek verhuis sal ek gas stoof in die nuwe huis installeer en sommer gas geysers ook. Dan is ek gesort. Het tans 13x sonpanele van 270W elk maar sal nog so 10 byvoeg vir die noodsaaklikheid van my werk. Heatgun trek bykans 1800W ens. So mens wil darem genoeg he.

My kleinste huis installasie loop nou presies 'n jaar waar die huis 16x panele en 16x batterye het, GEEN ESKOM LYNE EERS NA DIE HUIS TOE NIE. Ek hou dit gedurig dop en die gesin doen nie te sleg nie, hulle het nog nie nodig gehad om generator te start nie ;-) (Alhoewel ek die funksie gegee het omdat dit die kleinste installasie off-grid was sover vir my). So ja, hulle volg my raad en doen baie goed (was en stryk in oggend as son op panele skyn dat krag nie uit batterye werk nie). Batterye self nog nie onder 60% gewees in 'n jaar nie. Gemiddeld elke oggend so bykans 80-85% kapasiteit - dit wil gedoen wees.

Dis nie 'n slegte ding om batterye in die stelsels te he nie, dis net sleg as jy dit nie goed gedoen het en nie goeie stelsels in plek het nie. Maar dis gesprek vir ander saak. Dan gaan dit nie oor hoe vinnig betaal jy die stelsel af nie, maar hoe gemaklik en veiliger jy voel en is met al jou sisteme wat werk, bv alarms, elektriese heinings, beligting in die nag, die feit dat jou hekmotors en garagemotors werk en betroubaar kan bly werk en watter back-up in plek is ens. Dit klop meeste argumente van afbetalingstyd vir 99% van my kliente vir wie ek stelsels doen.

Alhoewel grid-tied in lande sonder krag onderbrekings ideaal is, is daar nou die wolk wat hang oor die netwerk koste en jou maadelikse levy wat gaan verhoog wat eskom graag wil toepas. Dit sal die grid-tied stelsels klein bietjie op hul sommer verander en dan gaan mens radikaal kan begin dink oor batterye en om maar heeltemal vry van die grid te wees. Ek dink selfonderhoudende stelsels bly maar die toekoms. 

 

 


👍
0
💔
0
😮
0
🙂
0
13 Oct 2019 @ 16:53:42 pm
Fred
Saturn Member
100% Profile Strength
Posts: 2565
Joined: 09 Mar 2016
Experience: 51 years

Pieter, Ek verstaan dat jy die sonstelsel het omdat jy nie kan bekostig om vir jou werk sonder krag te wees nie en die koste dus van sekondêre belang is. Maar het jy dalk omvattende berekening gemaak hoe die koste per eenheid van die stelsel vergelyk met ESKOM krag?  Dit behoort die koste van die batterye oor hulle verwagte leeftheid in te sluit. En ook wat is jou verwagting van die bruikbare leeftheid van die batterye?

Het is beter rijk te leven dan rijk te sterven
👍
0
💔
0
😮
0
🙂
0
13 Oct 2019 @ 19:50:45 pm
Danie-SLK
Neptune Member
92% Profile Strength
Posts: 4360
Joined: 08 Sep 2009
Experience: 42 years

Pieter dankie vir jou inligting. Ja ek het vir bystand ook 'n nood klein stelsel maar dis nogal eienaardig om te hoor van dele in Centurion wat baie tye sonder krag sit. Een v d dele is tussen die golf estate en Irene. 'n Ander deel is net langs Wierdapark. Waar ek is ken ons dit eintlik nie behalwe as daar loadshedding is.

Ek stem 100% saam 'n back up stelsel gee jou gerief en in gevalle soos jy wat altyd krag moet he is dit die beste uitweg.

My eie verbruik patroon het oor die jare sodanig verander dat my krag koste nou in Rand terme minder as 50% is van wat dit my gekos het 6 jaar gelede. Die solar lewer net die krag vir deur die dag vir yskaste en PC's en geiser en as mens wel so paar uur iets in die garage doen.

Fred ek dink steeds dat eie opwekking en stoor via batterye se aangaande koste baie naby aan die Eskom prys kan wees. Selfs as mens die mees effektiewe Li-Ion familie batterye gebruik.

Soos Pieter genoem het waar jy bv 'n vaste koste van Eskom het vir uitrbreiding v d netwerk en soos baie van hul kliente in die dorp ook R1000 heffing moet betaal vir die gerief van 'n kragpunt dan verander die prentjie baie.  Sover ek weet vra Eskom R25.20 min vir die gerief. Nuwe konneksies kan baie duisende kos elke maand voor mens nog 'n lig aangesit het.

👍
0
💔
0
😮
0
🙂
0
13 Oct 2019 @ 21:01:55 pm
Brommer
Pluto Member
77% Profile Strength
Posts: 5126
Joined: 13 Sep 2013
Experience: 29 years

Pieter, Ek verstaan dat jy die sonstelsel het omdat jy nie kan bekostig om vir jou werk sonder krag te wees nie en die koste dus van sekondêre belang is. Maar het jy dalk omvattende berekening gemaak hoe die koste per eenheid van die stelsel vergelyk met ESKOM krag?  Dit behoort die koste van die batterye oor hulle verwagte leeftheid in te sluit. En ook wat is jou verwagting van die bruikbare leeftheid van die batterye?

Ek gebruik nie Lithium batterye nie, maar die AGM solar batterye wat ek wel gebruik kan tot 15jr gaan. Op die stadium is die oudste installasie van die tipes nou nog net omtrent tussen 7 en 8 jr aan die gang. So ek sal sien hoe ver hul in werklikheid gaan.  Die wat hul batterye op pas en nie onder die 70% vlakke daal nie sal moontlik hul 10jr maklik kan kry...

Die koste is maar by elke huis anders agv verskillende behoeftes ens. In my geval, is dit irrelevant. As ek nie kan werk nie agv kragonderbreking, verloor ek baie meer per uur as wat my maandelikste kragrekening sou wees.

In besighede, kan jy basies jou hele sonkragstelsel in 1 jaar afskryf teen belasting en daarom maak dit vir mense met besighede baie sin. 


👍
0
💔
0
😮
0
🙂
0
13 Oct 2019 @ 21:14:25 pm
Brommer
Pluto Member
77% Profile Strength
Posts: 5126
Joined: 13 Sep 2013
Experience: 29 years

Fred ek verstaan eintlik dat mense die vrees van batterye het oor die koste, en omdat al die riller stories van batterye wat net 'n jaar of 2 hou hul die som laat maak dat hul nie vir dit sal gaan nie.. Dit is wel waar dat sommige stelsels net 'n jaar of 2 ens oms minder hou, dit het baie te doen met die ontwerp van die stelsel en jy sal sommer sien dit is gewoonlik die all in one hybrid stelsels wat hierby betrokke is en die hele stelsel is gewoonlik so by die R100k - R120k.. Maar ok, dis nou maar elkeen se keuse, maar wanneer mense maar vir die goedkoop goedte gaan dan wil hul kla en almal onder dieselfde kam skeer omdat hul die goedkoopste kwotasie aanvaar het, maar hul het nie ondervinding van die ander duurder stelsels nie, en daarom is hul nou eintlik R100k teruggesit.. Dis maar erg, want hoe regverdig jy nou om weer geld te moet uithaal..

Die beste is om so iets reg te doen en klaar te kry die eerste keer, vir die kostes wat mens aangaan, is daar nie geld om weer te moet begin nie.. En ek sien dit BAIE. 90% van daardie tipe werk is om ander stelsels uit te sorteer en baie keer oor te begin.. Dis dan baie erg as mens weer moet betaal want nou is die ROI baie ver...

Dis net so met die kamera stelsels ook, het nou weer kamera stelsels uitgehaal en moes als oor begin, net omdat die klient verkeerd besluit het die eerste keer......... Nou wat kos dit nou? Want nou is dit ou stelsel uithaal kostes, iets maak om die lelike gate toe te maak, nuwe bedrading oor in te sit, ens ens.. Dis baie hartseer. Nou dink net aan 'n huis, as jy eers die ou gemors moet uithaal, dis klomp arbeid en geld wat daar gemors word.... Net om die voorbereidings te tref vir die nuwe stelsel, en as jy dan batterye verkeerd hanteer het en nog nuwes moet bykoop, dis baie eina, en baie mense kry maar finansieel seer so, maar ek kan niks doen nie, gewoonlik 20% van daardie gevalle het ek die kliente so 2 jaar terug gewaarsku............


👍
0
💔
0
😮
0
🙂
0
14 Oct 2019 @ 07:56:38 am
Fred
Saturn Member
100% Profile Strength
Posts: 2565
Joined: 09 Mar 2016
Experience: 51 years

Wat jy sê klink reg Pieter.  Ek oorweeg nie so 'n stelsel nie- ek het net gewonder oor die relatiewe koste.

'n Ding het nou op die horison verskyn wat dalk baie negatief kan wees vir eie kragopwekking.  Dit is dat munisipaliteite dalk die basiese koste van elektrisiteit baie sal verhoog maar die per eenheid koste sal verlaag om die totaal per verbruiker ongeveer dieselfde te hou. (Op my laaste munisipale rekening op Pietersburg is die basiese koste ongeveer 1/7 van die totale, op Stilbaai is dit vyfmaal so hoog as in Pietersburg maar dis waarskynlik omdat 90% van die huise net vir vakansies bewoon word en geen elektrisiteits buite vankansies beteken verliese vir die munisipaliteit.)  As jy 'n munisipale ansluiting het, betaal jy die basiese koste al gebruik jy geen ESKOM krag nie.  Dit wil my voorkom asof die besparing indien enige, op eie opwekking, maar klein is.  As hierdie stelsel deurgaan, gaan dit heel waarskynlik beteken dat jy beslis meer vir jou eie opgewekte krag sal betaal as wat jy dit van die munisipaliteit sal kan koop.  Dis nou indien jy nie heeltemal van Eskomkrag afgesny is nie, en dit sal waarskynlik nie in meeste huise die geval wees nie.

Ek verstaan nie die logika agter so 'n stelsel nie.  Die totale ontvangste van munisipaliteite gaan tog nie styg nie maar dit gaan mense ontmoedig om self 'n bydrae te lewer.  As elkeen sê maar soos Danie, so 'n bietjie krag bydra, verlig dit tog die opwekkingsprobleem.  Kan dit dalk wees dat ESKOM dit wil teëwerk om te keer dat die aanvraag na hulle krag minder word?  Saammet die beoogde belasting op eie opwekkers, wil dit vir my na die verklaring lyk.

 

Het is beter rijk te leven dan rijk te sterven
👍
0
💔
0
😮
0
🙂
0
14 Oct 2019 @ 10:19:14 am
Brommer
Pluto Member
77% Profile Strength
Posts: 5126
Joined: 13 Sep 2013
Experience: 29 years

Eskom erken dit Fred. Hulle reken die infrasturktuur is gebou en moet nou vir ewig en ewig betaal word (gehuur word teen hoë koste omdat hul winste nou minder is)..

Daar is baie navrae oor huise heeltemal van eskom af te sny....


👍
0
💔
0
😮
0
🙂
0
14 Oct 2019 @ 12:21:01 pm
Dansan
Titanium Member
96% Profile Strength
Posts: 661
Joined: 05 Jul 2013
Experience: 39 years

Shoe julle manne praat heeeeeeltemal bo my brein-kapasiteit. Ek het begin lees en gedog julle praat van krag vir karre .... eers later gelees dit is vir jou huis. Dit klink vir my na heel spiekeries-ding. 

Net een probleem. (Ai daar is altyd maar n dr.... in die drinkwater) Hoe MINDER krag ons gebruik om geld te spaar, hoe MINDER geld kry Eskom. Hoe minder geld hulle kry .... hoe hoër word die tarief om hulle "budget" te laat klop. My mening is dat as ons HEELTEMAL, soos in 100% SONDER Eskom kan klaarkom (geen tarief) sal dit die beste wees.

Ek het n huis naby Laingsburg ontwerp wat GLAD NIE van Eskom gebruikmaak nie. Totaal onafhanklik. Dan kan Eskom maar tariewe opjaag soos hulle wil, daai kliënt het geen probleem. Om so n stelsel in my eie huis aan te bring sal my sowat R70 000 kos. Met my huidige maandelikse kragrekening sal dit my sowat vier jaar wees om in te haal, daarna is my krag gratis.

You'll never never know if you never never go
👍
0
💔
0
😮
0
🙂
0
14 Oct 2019 @ 13:20:38 pm
Danie-SLK
Neptune Member
92% Profile Strength
Posts: 4360
Joined: 08 Sep 2009
Experience: 42 years

Danie kan jy dalk 'n idee gee van wat jy sou gebruik om met net R70 000 onafhanklik te wees van Eskom. Dit klink aan die lae kant.

Dui dalk ook aan hoeveel krag deur elektriese toestelle gebruik kan word - ?? kWh per dag of per maand?

👍
0
💔
0
😮
0
🙂
0
14 Oct 2019 @ 15:03:38 pm
Dansan
Titanium Member
96% Profile Strength
Posts: 661
Joined: 05 Jul 2013
Experience: 39 years

Sorry man, ons argitekte maak maar gebruik van spesialiste, ons gaan bloot op tender uit en stel iemand aan wat aan die behoefte kan voldoen. Ek weet net dat die installasie naby Laingsburg het n groot aantal batterye behels wat teen die hele een muur van die motorhuis aangebring was. Daar was ook n windlaaier wat gehelp het. Die yskaste het ook voltyd geloop. Warmwater is voorsien deur sonpanele, maar daar was ook n donkie vir lang winter-tyd. Alle ligte was 12V LED's. Al die waterpompe op die plaas het van sonpanele gewerk. Hulle het basies non-stop gewerk en alhoewel hulle klein strome water gelewer het het was al die damme vol en het oorgeloop omdat die pompe nooit afgeskakel is nie.  

You'll never never know if you never never go
👍
0
💔
0
😮
0
🙂
0
15 Oct 2019 @ 12:18:54 pm
Brommer
Pluto Member
77% Profile Strength
Posts: 5126
Joined: 13 Sep 2013
Experience: 29 years

Sjoe, net die batterye wat ek in sommige installasies gebruik is oor R200k en dan sekerlik nog so R60k+ se sonpanele en dan nog inverters van R30l - R50k elk.... Wat nog van 'n hele stelsel vir slegs R70k??? Wow..

Baie van die minimum stelsels wat ek sien is maar rondom R130k tot R150k... Maar dan kry jy ook net die average...

 


👍
0
💔
0
😮
0
🙂
0
Reply to Topic
Anonymous
Sign In Required