English & Afrikaans Forums
Total Topics: 21 648
Total Replies: 236 949
Total Views: 82 693 616
topics: 11 039
replies: 129 070
views: 39 034 319
In this section we advise you, and provide assistance to others on various industry topics.

Klein kapasiteit engins die toekoms?

replies: 47
views: 807
31 Oct 2019 @ 10:48:52 am
Zack
Platinum Member
85% Profile Strength
Posts: 291
Joined: 02 Mar 2015
Experience: 33 years

Jare terug as kind kan ek nog onthou hoe Datsun die pas aangegee het op die Rally's.  Almal wou 'n Stanza SSS ry. Rally en Formule 1 voertuig tegnologie het die rigting uitgewys waar vervaardigers voertuie kon vervaardig wat mense wou hê.

Deesdae is die neiging na kleiner kapaiteit engins wat baie meer krag lewer as hulle groter ewekniee met dieselfde of beter lewensduur.  Tegnologie op voertuie verander daaglis.  Ons wat glo aan groot sterk engin pas maar moeilik aan.

Deesdae se Formule 1 engin is beperk tot 1.6 L vierslag engins wat 15 000+ rpm kan doen.  Spoed word deur rekenaars beheer en is aangepas per baan.  320km/h is niks en word binne sekondes gedoen.  Saam met dit is die engin betroubaar om te kan hou.  Vir ure en ure word die engin gemartel om maks performance te kry in enige weeromstadighede.  In my boekies is dit hoe betroubaarheid gemeet word.  'n Voertuig wat vir 10 jaar 60km/h dorp toe ry meet nie betroubaarheid nie.  

Die Duitsers is aan top van hierdie tegnologie ontwikkeling.  Deesdae sien ons dit in allerdaagse voertuie.  "n 1L voertuig kan gemaklik 170+km/h handhaaf.   Bakkies wat gebou word om te werk gebruik 2.0 engins wat groot engins skaammaak.  Selfs die betroubare 6.3L AMG V8 verander na 'n 4L V6 met beter werksverrigting.  Die internet is vol toetse wat wys die kleiner engins het 'n beter lewensduur as die groter ewekniee.  

Hoe meer ek lees en met kundiges praat hoe meer kom dit na vore dat kleiner engins die pas aangee wat werksverrigting en betroubaarheid betref.   Ons Suid Afrikaners is maar hardekwas mense wat moeilik aanpas by nuwerwetse idees en tegnologie.

Betroubaarheid verskil van persoon tot persoon.   Op die ou einde is dit maar nog steeds kW en NM wat praat saam met betroubaarheid maar 'n feit bly 'n feit.  Kleiners engins is die toekoms.

Be a good person, but don't waste time to prove it
👍
0
💔
0
😮
0
🙂
0
31 Oct 2019 @ 13:01:20 pm
JeffA
Silver Member
88% Profile Strength
Posts: 72
Joined: 31 Jul 2019
Experience: 1 year

Die neiging na kleiner engins word genoodsaak deur wetgewing in Europa. Die motorvervaardigers moet maar inpas. Maar as jy twee engins het, sê maar 'n 2liter wat 'n turbo op het wat 200kw uitskop, gaan hy regtig so lank hou as 'n 3.5liter wat ook 200kw uitskop sonder moeite? Ek is nie oortuig nie.

👍
0
💔
0
😮
0
🙂
0
31 Oct 2019 @ 13:11:39 pm
Chris L
Mars Member
100% Profile Strength
Posts: 1239
Joined: 31 Jul 2011
Experience: 41 years

Zack jy praat nou so in DR DRAKE GP not a Doctor nor a GP se kraal. Sy sienswyse ook, en hy sleep ook so. Lanklaas iets gehoor David.

AMAZING
👍
0
💔
0
😮
0
🙂
0
31 Oct 2019 @ 13:15:02 pm
Brommer
Pluto Member
77% Profile Strength
Posts: 5248
Joined: 13 Sep 2013
Experience: 30 years

Die neiging na kleiner engins word genoodsaak deur wetgewing in Europa. Die motorvervaardigers moet maar inpas. Maar as jy twee engins het, sê maar 'n 2liter wat 'n turbo op het wat 200kw uitskop, gaan hy regtig so lank hou as 'n 3.5liter wat ook 200kw uitskop sonder moeite? Ek is nie oortuig nie.

Stem, mens sien dit in die bakkies. Jy ry afdraende en probeer met engine rem, die 2liter sukkel maar waar die 3liter dit beter hanteer.

Idling torque is juis vir my belangrik, hoe sterk is daai engine terwyl hy basies nie revs het nie, net idle.... Daai tel groot punte. Hoe hard trek hy oor daai klip, hoe hard werk daai engine om daai wa te sleep...

Jy voel gemaklik binne jou sitplek en op die stuurwiel, maar wat gaan in die engine aan wat jy nie self voel nie?

👍
0
💔
0
😮
0
🙂
0
31 Oct 2019 @ 13:20:59 pm
Leon
Luhman 16 Member
96% Profile Strength
Posts: 15013
Joined: 12 Jun 2007
Experience: 56 years

Dit is waar.  Die neiging is nou maar na kleiner enjins wat groot werk verrigting het.

Die groot dink is seker ons eie koppe.  Dit is die gedeelte wat in die samelewing 'n skuif moet maak.  My broer het laas Saterdag sy nuwe 2.0 Liter Raptor gaan haal.  Hy is baie baie impress met die enjin.

Dit is sy 4de Ford Ranger na mekaar en tans na 'n week is hy steeds baie gelukkig.

Sonder Jesus is ek niks! ! ! !
👍
0
💔
0
😮
0
🙂
0
31 Oct 2019 @ 14:16:27 pm
Brommer
Pluto Member
77% Profile Strength
Posts: 5248
Joined: 13 Sep 2013
Experience: 30 years

Dit is waar.  Die neiging is nou maar na kleiner enjins wat groot werk verrigting het.

Die groot dink is seker ons eie koppe.  Dit is die gedeelte wat in die samelewing 'n skuif moet maak.  My broer het laas Saterdag sy nuwe 2.0 Liter Raptor gaan haal.  Hy is baie baie impress met die enjin.

Dit is sy 4de Ford Ranger na mekaar en tans na 'n week is hy steeds baie gelukkig.

As mens so baie karre kort kort ruil kan niks seker skeefloop nie, daars nie tyd vir iets om skeef te loop nie. Gaan ook nie omgee as iets skeefloop nie, more kry ek nuwe een... Maybe easy come, easy go?

👍
0
💔
0
😮
0
🙂
0
31 Oct 2019 @ 14:32:49 pm
Paddyandpaul
Platinum Member
92% Profile Strength
Posts: 266
Joined: 23 Oct 2017
Experience: 57 years

Give me greater capacity rather than a smaller capacity turbo driven engine any day. The smaller capacity engine in my opinion is made with smaller bearings to distribute the load and i honestly believe a larger capacity engine will outlast a high performance smaller engine.

I tow with a 2.5 litre Subaru and it is much less strain on the engine than towing with a 1600 vvt Hyundai i have. Remember the days 16yr olds could legally only ride a 50cc motorbike. Mine used to seize with long distance and i never had that problem with larger capacity motor cycles. I hear technology has changed but still believe low capacity engines work harder than higher capacity engines.

 

 

 

👍
1
💔
0
😮
0
🙂
0
31 Oct 2019 @ 15:33:08 pm
Dansan
Titanium Member
96% Profile Strength
Posts: 679
Joined: 05 Jul 2013
Experience: 40 years

Ek het die afgelope naweek weer van 'n Amaroc-eienaar gehoor "onthou, ek ry maar n klein engine-kar."  Hy sleep 'n 1,3 ton boswa en hy sê hy bars maar teen die bulte en teen die wind. Hoe kan dit anders met 'n 2,1L engine? Julle moet gaan oplees waar daai kar se torque-kurwe lê. Ek stem saam met Brommer, my Cruiser het op 900 revs oor die moeilikste klip-berge gery. Ek kon op 400 revs net my voet in vyfde rat neersit. Met die agt en tienspoed-karre WERK daai ratkas om maksimum torque te lewer. Die tien-spoed Ford bereik reeds in sy sewende rat n 1:1 ratio, enige rat daarbo is 'n overdrive met minimum TREK-krag. Die ratte van eerste tot vierdie is feitlik net 'n low range ratkas.

Ek neem aan dat die kleiner engines die mark uiyteindelik gaan oorneem, maar totdat ek geforseer word hou ek van cubes.

You'll never never know if you never never go
👍
0
💔
0
😮
0
🙂
0
31 Oct 2019 @ 15:42:28 pm
Hurricane
Mars Member
74% Profile Strength
Posts: 1429
Joined: 25 Apr 2014
Experience: 21 years

Kleiner engines word deur niks anders as brandstof verbruik (en dus omgewings impak gedryf) Om vergelykende uitsette te kry met die kleiner engine vra vir meer tegnologie (en ook duurder materiale). Kyk ook gerus na die "torque curve" van byna alle klein engines, die goed skop maks torque uit oor 'n baie kort ("peaky") bestek van omwentelinge terwyl die grotes dit oor 'n baie groter bestek doen (maak vir beter "driveability"). Die klein outjies omseil dit tot 'n mate deur duurder ratkaste (met baie meer ratte) te gebruik, weereens groter koste. Kyk gerus na die klein engine voertuie se pryse.....Maar ja, die toekoms is versekier by die kleiner engines maar dit kom teen 'n prys....

👍
0
💔
0
😮
0
🙂
0
31 Oct 2019 @ 15:45:35 pm
Zack
Platinum Member
85% Profile Strength
Posts: 291
Joined: 02 Mar 2015
Experience: 33 years

Danie jy sal hiervan hou

https://www.caradvice.com.au/718845/2019-ford-ranger-raptor-v-2019-toyota-landcruiser-troopy/

Be a good person, but don't waste time to prove it
👍
0
💔
0
😮
0
🙂
0
31 Oct 2019 @ 16:04:38 pm
Fred
Uranus Member
100% Profile Strength
Posts: 2657
Joined: 09 Mar 2016
Experience: 52 years

Dis 'n onderwerp wat my ook boei.  Ons mense is maar van geaaardheid konserwatief wat beteken ons hou daarvan dat dinge moet bly soos dit altyd was en dit lyk my hoe ouer ons word (ek is ook maar in die groep) hoe moeiliker word aanpassings.  Om te dink groot laekrag masjiene is meer betroubaar as klein hoëverrigting eenhede is 'n sprekende voorbeeld daarvan.  Ons glo dit omdat ons dit graag wil glo, nie omdat dit waar is nie, want dit is nie waar nie.  Materiale en veral metale, is ontwikkel om maklik die hoë verrigting te hanteer.  So 'n paar dekades gelede was binnebrand masjiene, insluitende die silinders, van gietyster wat maar bros was en vinnig geslyt het en min krag kon hanteer.  Sommige masjiene gebruik nou selfs 'n keramieklagie om wrywing te verminder en dit slyt vir alle praktiese doeleindes nie, ook nie silinders van nuwe metale nie.

Vroeër jare, voor sê maar voor die 50er jare, het laers 'n lagie sagte metaal gehad en as hulle uitgeslyt het, wat vinnig gebeur het, het jy eenvoudig van die metaal gesmelt en die laer weer opgebou. Dis darem bietjie voor my tyd, maar dit kennis wat ek van ouer mense gekry het. Die 50cc motorfietsies wat so maklik ringe gemelt het, is nog 'n voorbeeld hiervan.  Dit gebeur net nie meer nie. 

Die argument dat groot masjiene goed teen 'n afdraende rem, is juis 'n bewys dat hulle nie ekonomies is nie.  Dit is juis hulle interne weerstand wat die remming veroorsaak en ook dus die weerstand wat die masjien moet oorkom voor hy enige nuttige krag na die wiele kan stuur.  En natuurlik is elke kilogram wat die masjien weeg, 'n kilogram waarvoor brandstof gebruik moet word om dit voort te dryf.  Tienspoedratkaste werk wel hard maar hulle is ontwerp daarvoor.  Dat 2 liter ballies sukkel is ook nie heeltemal waar  nie.  As dit 'n outomatiese ratkas het, sal jy nie juis agterkom hoe dit terugskakel as dit swaar trek nie.  As dit 'n handratvoertuig is en jy meen die voertuig sukkel, is dit juis omdat jy nie aanpas by nuwe tegnologie nie en nie die rathefboom genoeg gebruik nie.  As jy nie daarvan hou nie, koop 'n outomatiese voertuig waar die rekenaar beter as ek en jy weet wanneer om terug te skakel.

Ek voorspel, nee eerder ek weet, dat masjiene al kleiner en kragtiger sal word totdat elektriese masjiene oorneem.

Het is beter rijk te leven dan rijk te sterven
👍
0
💔
0
😮
0
🙂
0
31 Oct 2019 @ 17:30:19 pm
Chuck Norris
Alpha Centauri Member
100% Profile Strength
Posts: 8549
Joined: 13 Jan 2014
Experience: 40 years

Baie Interressant onderwerp.

 

As jy wil he jou drome moet waar word, moet jy eers wakker word.

Die jonge Fransies. (Parys - Frankryk)
👍
0
💔
0
😮
0
🙂
0
31 Oct 2019 @ 19:01:17 pm
Badger
Platinum Member
92% Profile Strength
Posts: 259
Joined: 28 Jun 2017
Experience: 64 years

For Myself there are three main factors in choosing between a large powerful  engine and a smaller  high tech engine. 

Does the motor have the power I need to do what I I need done ?

Can I afford the purchase price comfortably ?

Does the running and service costs suite my pocket ?

Don't get me wrong......... I love the sound and feel of a big V8 and a 4 Liter straight 6 under my backside, but I like to think I am pretty practical at the end of the day.

 

 

 

 

 

👍
0
💔
0
😮
0
🙂
0
31 Oct 2019 @ 21:42:20 pm
Campervan
Uranus Member
96% Profile Strength
Posts: 2830
Joined: 27 Oct 2013
Experience: 42 years

Amarok het swak verkoop met die 2 L engine, maar nou dat die Ford hom gebruik is dit die beste ding nog ontwerp.

Miskien doen die Amerikaaners wat die Duitsers nie kon doen nie.

Ek Het die Amarok gery en weet hoe jy engine revs moet opbou, om te probeer wegtrek, veral op 'n bultjie.

Dit is 'n feit dat kleiner enjines die toekoms is, maar dis na my tyd. Waar iets kleins verkeerd gaan, is die wet van Transvaal van toepassing, met die hele voertuig.

Gelukkig met my voertuig se 3 L enjine, wat 'n 20 jaar projek is, sal maar sien hoe lank hou sy...

On The Road Again
👍
0
💔
0
😮
0
🙂
0
31 Oct 2019 @ 21:42:56 pm
Butts
Mars Member
92% Profile Strength
Posts: 1108
Joined: 15 Dec 2012
Experience: 7 years

I like to think that the small engines have greater wear and tear to produce the torque required for a heavy pull.   In a flat country like Germany or the USA small engines on quality roads may work, but I doubt that in a country such as the RSA, the small engines will last long.

Look at ships.   The bigger the ship, the bigger the engine or the more engines and thus shafts and propellors are installed. 

 

👍
0
💔
0
😮
0
🙂
0
01 Nov 2019 @ 06:48:37 am
Leon
Luhman 16 Member
96% Profile Strength
Posts: 15013
Joined: 12 Jun 2007
Experience: 56 years

Die Navara het begin met die 2.5 Tdi enjin. Die eerste het 402Nm krag gehad waar die naaste 3liter op 380Nm gestaan het en die upgrade daarna 420 Nm.

Toe kom Amarok met die 2liter wat se torque in daai omgewing was.  

Behalwe vir die koop syfers vandat hulle ingebruik is het ek nog geen pyne gehoor van enige van die kleiner enjins nie.  Ook nie Ford se aanvanklike 2,2 Liter nie.

Nou die Vlagskip Ranger in 'n 2 liter is ek gemaklik mee.  Soos met Amarok en Navara tyd sal wys en leer.  Oor 5 jaar van nou af praat ons weer en kyk hoe het die 2 liter homself gedra.

Sonder Jesus is ek niks! ! ! !
👍
0
💔
0
😮
0
🙂
0
01 Nov 2019 @ 08:16:53 am
Zack
Platinum Member
85% Profile Strength
Posts: 291
Joined: 02 Mar 2015
Experience: 33 years

Die ou generasie Formule F1 V8 engins het in die omgewing van 2 ure gehou.   Dit was net genoeg tyd om een race te voltooi.   Met die nuutste Formule F1 1.6L regulasies word net 4 engins per bestuurder toegelaat vir die hele seisoen.   DIt sluit oefen en kwalifiseerende rondtes in.  Dit maak dat die 1.6L engines langer moet hou tot ongeveer 20ure teem max werksverrrigting.  Betroubaarheid is al wat hier punte tel.

Kleiner engins het meer betroubaarder geword met meer werksverrigting en betroubaarheid.  Petrol verbranding het met 35% verbeter.  Wanneer laas het iemand op Formule F1 sonder petrol gaan staan?  Onthou julle in die ou dae was dit 'n groot probleem.

Daar is maar min goed in die lewe wat 'n man se ego so goed streel soos 'n fris groot engin wat net wil wegbreek.  Jy hoor hom, voel hom en ervaar hom. 

Met die kleiner engins kry jy dieselfde ervaring maar teen 'n laer verbruikskoste.  Jy spaar op dienste met intervalle van 20 to 25 000 km, petrol en sluitasie.  Daar is geen rede waarom 'n kleiner engin nie net so lank of beter kan hou as sy groter maatjies nie onder normale gebruik nie.  

 

 

Be a good person, but don't waste time to prove it
👍
0
💔
0
😮
0
🙂
0
01 Nov 2019 @ 08:20:01 am
Louvan
Moon Member
88% Profile Strength
Posts: 967
Joined: 07 Aug 2016
Experience: 30 years

My natural tendency is also that there is no substitute for cubic inches. That said I have no doubt that modern technology will prove me wrong.

Never too old to have a happy childhood
👍
0
💔
0
😮
0
🙂
0
01 Nov 2019 @ 09:11:19 am
Brommer
Pluto Member
77% Profile Strength
Posts: 5248
Joined: 13 Sep 2013
Experience: 30 years

Nou imagine hoe lekker sal 'n 4liter V8 nou wees as hulle dieselfde tech toepas..... 

👍
0
💔
0
😮
0
🙂
0
01 Nov 2019 @ 09:20:00 am
Skolopad
Platinum Member
70% Profile Strength
Posts: 371
Joined: 28 Feb 2018

And the caravans are getting bigger , and there is a law regulating towing unite and  caravan ratio,  so is this the new caravan revolution, light weight material, fold up, inner colapsebable, next regulation will be a SIZE to towing unite regulation, or does it already exists ? 

👍
0
💔
0
😮
0
🙂
0
01 Nov 2019 @ 09:58:31 am
Louvan
Moon Member
88% Profile Strength
Posts: 967
Joined: 07 Aug 2016
Experience: 30 years

Nou imagine hoe lekker sal 'n 4liter V8 nou wees as hulle dieselfde tech toepas..... 

Jou karavaan sal net hier en daar grond vat...😂

 

Never too old to have a happy childhood
👍
0
💔
0
😮
0
🙂
0
01 Nov 2019 @ 11:58:26 am
Lennie
Jupiter Member
96% Profile Strength
Posts: 1837
Joined: 19 Jul 2012
Experience: 51 years

Ek is geen kenner nie en kan dus nie deeglike kommentaar lewer nie.  Ek het wel ervaring en dit kan ek met julle deel :-

  • My eerste SUV was 'n Nissan Sani met 'n 6-silinder 3-liter petrol-enjin wat my destydse Penta met gemak gesleep het.  Wringkrag was 310Nm en die petrol verbruik was astronomies - 20 liter per 100km !
  • My tweede SUV was 'n 2006 Nissan Pathfinder met 'n 4-silinder 2.5 diesel enjin (400Nm) waarmee ek 'n 2-ton Exclusive sleep - diesel verbruik redelik goed  -  16 liter per 100km.
  • My derde, huidige SUV is 'n 2013 Nissan Pathfinder met 'n 4-silinder 2.5 diesel enjin wat 450Nm ontwikkel waarmee ek my 2-ton Exclusive sleep.  Diesel vebruik 'n redelike 16 liter per 100km.

Ek sleep die wêreld vol oor berge en dale, in ons erge Kaapse winde of in windstiltes sonder enige probleme.  Daar is geen bergpas waar ek ongemaklik voel nie, selfs al benodig ek soms 3de van my 6 ratte  -  ek het nie nodig om 'n bergpas uit te jaag nie en kom gemaklik bo-uit.

Terwyl die wêreld na kleiner enjins neig, is ek dood tevrede dat ek reeds nou al 13 jaar daaraan gewoond is.  Dat ek in hierdie periode geen enjin of ratkas probleme gehad het nie terwyl ek my Exclusive nou al vir 72 000km gesleep het, is vir my die bonus.

 

👍
0
💔
0
😮
0
🙂
0
01 Nov 2019 @ 13:24:47 pm
Frikadel
Platinum Member
96% Profile Strength
Posts: 333
Joined: 08 Apr 2014
Experience: 24 years

As motor vervaardigers eendag n bakkie bou wat 4l/100km brandstof verbruik koop ek hom onmiddelik.

Sal even n Ford (spoeg) koop as hy daai syfers gee.

Die lewe en brandstof is gans te duur om n brandstoholic voertuig te ry.

Vat vas manne!!!!
👍
0
💔
0
😮
0
🙂
0
01 Nov 2019 @ 14:10:27 pm
JeffA
Silver Member
88% Profile Strength
Posts: 72
Joined: 31 Jul 2019
Experience: 1 year

Met dieselde tegnologie   gaan 'n goeie grote altyd beter wees as 'n goeie kleinkie. Eintlik werk dit orals so. Dieselfde met 'n aircon. 'n 9000BTU kan 'n kamer net so koel hou as 'n 18000BTU. Watse een gaan minder werk en langer hou?

👍
0
💔
0
😮
0
🙂
0
01 Nov 2019 @ 15:55:38 pm
Fred
Uranus Member
100% Profile Strength
Posts: 2657
Joined: 09 Mar 2016
Experience: 52 years

JeffA, bietjie van 'n skewe vergelyking dan nie?  As jou argument gelyk aan die oor voertuie is,  sal beide 18,000 BTU lewer maar die een sal net kleiner wees en minder krag gebruik.  Ek verstaan gladnie waarom 'n goeie grote altyd beter sal wees as 'n goeie kleintjie nie- miskien in rugby voorry, maar beslis nie in tegnologie nie.  Wanneer het masjiene dan nou hulle hoogtepunt bereik?  Toe 7 liter V8 motors minder as 200 Kw ontwikkel het? Voor Amarok 'n kragtige 2 liter uitgebring het?  Ek het 'n statiese stoommasjien in 'n museum gesien wat reusagtig groot was, en seker naby vyf ton of meer geweeg het maar slegs 20 Kw ontwikkel het.  Is dit ook beter as 'n klein elektriese  motor van dieselfde krag?  Ek kan vandag 'n 2Kw boor in my hand hou en gebruik.

Soos ek hierbo gesê het, ons is maar almal konserwatief in ons denke en aanvaar nie altyd vernuwings geredelik nie, maar dit gaan nie vooruitgang stop nie.  Ek dink ons moet eerder oopkop wees en elke vernuwing krities beskou en probeer objektief oordeel of dit vir my 'n verbetering sal wees of nie.  Geen rede waarom ons ons betroubare bakkies met groot masjiene moet verkoop en van die nuwe kragtige klein masjiene moet koop nie.  Koop maar die nuwe voertuig as jy moet, maar wees gereed om te aanvaar dat dit nuwe tegnologie sal wees.

Het is beter rijk te leven dan rijk te sterven
👍
0
💔
0
😮
0
🙂
0
02 Nov 2019 @ 09:32:56 am
Campervan
Uranus Member
96% Profile Strength
Posts: 2830
Joined: 27 Oct 2013
Experience: 42 years

Twee pelle ry met dubbelkajuit voertuie, so vergelyk oorals wat hulle voertuie in staat is om te doen.

Een het 2.0 L en die ander met 3.0 L.

Altwee sleep die selfde Bushlap karavaan met twee kinders elk van die selfde ouderdomme (hulle speel saam, vergeluik en laai saam want die trip is saam beplan). Hulle toer vanaf die kaap, deur Namibia tot Epupa Valle teen die Kunene rivier en terrug.

By elke vulstasie het die groter enjine minder brandstof ingegooi.

Verduidelik die beter tegnologie van die voertuie op die trip...

On The Road Again
👍
0
💔
0
😮
0
🙂
0
02 Nov 2019 @ 10:57:32 am
Fred
Uranus Member
100% Profile Strength
Posts: 2657
Joined: 09 Mar 2016
Experience: 52 years

Ek weet nie.  Op een dag het ek op my eie voertuig ook al 'n verskil van tot 0.8l/100 km gekry. 

Die kraglewering van die onderskeie voertuie speel sekerlik ook 'n rol, as dit handratvoertuie is, ry mens nie altyd op die mees ekonomiese nie omdat jy soms die voertuig te swaar laat trek in 'n rat voor jy terugskakel.  Daar is nog baie ander faktore.

Ons en vriende het eenmaal seker so 20 jaar gelede van die Rand af Suidkaap toe gery, ons met 'n 2,1l Kombi van 82 Kw wat behalwe die aansienlike vrag in die voertuig, nog  'n swaar sleepwa gesleep het.  Die vriende het 'n 2.3 L vyfsilinder Kombi gehad wat ek meen 92 Kw ontwikkel het.  Dit was ewe swaar gelaai.   Ons het elkeen drie kinders van ongeveer dieselfde ouderdomme gehad . Telkens as ons vir petrol gestop het, het sy Kombi aansienlik meer petrol geneem as myne en teen die opdraendes was my Kombi duidelik sterker as syne.  Hoe verklaar mens dit?  Ek weet nie.  Hierdie storie asook joune, Edge, is egter maar anekdoties en beslis nie wetenskaplike bewyse een of ander kant toe nie.  Ons sal seker nog lank oor hierdie onderwerp stry en moontlik nooit saamstem nie.  Daar is nou nog mense wat sweer karre van so vyftig jaar gelede was beter as vandag s'n.  In sommige opsigte was hulle seker beter, in ander nie.

Het is beter rijk te leven dan rijk te sterven
👍
0
💔
0
😮
0
🙂
0
02 Nov 2019 @ 15:02:13 pm
Bak oor
Saturn Member
96% Profile Strength
Posts: 2137
Joined: 05 Sep 2013
Experience: 40 years

Hoe betroubaar gaan hierdie klein engins wees na 300 000 km.

Kom ons nie nader aan n tyd waar jy karre gaan weg gooi as dit begin met sy streke.

 

👍
0
💔
0
😮
0
🙂
0
02 Nov 2019 @ 16:06:18 pm
Zack
Platinum Member
85% Profile Strength
Posts: 291
Joined: 02 Mar 2015
Experience: 33 years

Hoe betroubaar gaan hierdie klein engins wees na 300 000 km.

Kom ons nie nader aan n tyd waar jy karre gaan weg gooi as dit begin met sy streke.

 

Verseker Bak Oor.  My groot vriend doen ratkaste en herstel.  Hy was twee jaar terug Duitsland toe op n toer.  Ratkaste is volgens hom een van die dae n item wat vervang gaan word as dit probleme gee.  Dis goedkoper en vinniger.   Hy het sy besigheid uitgebrei en aangepas .  

Be a good person, but don't waste time to prove it
👍
1
💔
0
😮
0
🙂
0
02 Nov 2019 @ 16:11:20 pm
Zack
Platinum Member
85% Profile Strength
Posts: 291
Joined: 02 Mar 2015
Experience: 33 years

Die ander ding is wie ry nog voertuie wat 300 000km op het?  Aan MBenz se kant is 80 000 km al baie.  Bmw word vinnig ingeruil op 100 000.  Ek begin ook glo 150 000 is die sweet spot of max om van n voertuig ontslae te raak.  Van daar af verloor jy baie op inruilling.  Ek self het n Ranger tans met amper 200 00km probleemvry.

Be a good person, but don't waste time to prove it
👍
0
💔
0
😮
0
🙂
0
02 Nov 2019 @ 16:34:50 pm
Ockert
Gold Member
92% Profile Strength
Posts: 131
Joined: 26 May 2017

Ek vra net, moes die flywheels van daai groot enjins daai jare na die Newtons omsien en nou se tyd moet die twee turbos op die nuwe enjins die werk doen? 

👍
0
💔
0
😮
0
🙂
0
02 Nov 2019 @ 16:35:53 pm
Fred
Uranus Member
100% Profile Strength
Posts: 2657
Joined: 09 Mar 2016
Experience: 52 years

As jy jou voertuig op 300,000 km wegmaak, is daar altyd iemand wat hom met 'n seer hart wil hê, so die duursaamheid van ratkaste is steeds 'n faktor, en een waaroor ek ook bietjie bekommerd raak.  Toe my Kuga so 'n paar maande gelede onder waarborg probleme gegee het, was die aanvanklike diagnose dat dit die ratkas is en die oplossing om dit envoudig te vervang, teen 'n koste van sowat R150,000.  Dit was toe uiteindelik net die dubbelkoppelaar wat ook maar R60,000 gekos het. Ek het self verskeie ratkaste herbou, maar dit is bietjie lank gelede en ek kon dit nog self doen.  Nou lyk dit my hulle is so ingewikkeld dat daar nie eers deskuniges is wat hulle ekonomies kan herbou nie.  As ek R150,000 vir 'n ratkas moet betaal, gaan dit my mos bankrot maak.

Het is beter rijk te leven dan rijk te sterven
👍
0
💔
0
😮
0
🙂
0
02 Nov 2019 @ 17:19:02 pm
Bak oor
Saturn Member
96% Profile Strength
Posts: 2137
Joined: 05 Sep 2013
Experience: 40 years

Zack ek self doen nie 300 000.

Maar soos bo gesê die wat genootsaak is om so n voertuig te ry of wil ry gaan swaar kry en dood sukkel. Dit sluit Toyota in vir die komentaar wat nou gaan volg

 

 

👍
0
💔
0
😮
0
🙂
0
02 Nov 2019 @ 18:16:09 pm
Zack
Platinum Member
85% Profile Strength
Posts: 291
Joined: 02 Mar 2015
Experience: 33 years

Fred jy verbaas my gereeld met jou kennis.  Jy is regtig n all rounder. 

As n voertuig nie probleme gee nie kan mens maklik baie geheg raak aan hom.

Be a good person, but don't waste time to prove it
👍
0
💔
0
😮
0
🙂
0
02 Nov 2019 @ 18:56:34 pm
Badger
Platinum Member
92% Profile Strength
Posts: 259
Joined: 28 Jun 2017
Experience: 64 years

Very interesting to read the very differing opinions, it cannot however be denied.

Technology will advance at an ever increasing pace.

Increasing costs will always be a determining factor in our decision Making.

There will always be "Petrol heads" to whom nothing is more important than the feel of a high power motor under the bonnet, with the smell of petrol and exhaust fumes in there nostrils ..... whatever the cost!  (Bless them. )

👍
0
💔
0
😮
0
🙂
0
03 Nov 2019 @ 09:02:40 am
Fred
Uranus Member
100% Profile Strength
Posts: 2657
Joined: 09 Mar 2016
Experience: 52 years

Zak, Hoewel ek 'n sogenaamde "white collar worker" was, was ek van kleintyd af lief vir tegniese dinge.  Dit, tesame met armoede wat mens dwing om self dinge te doen, bring hopelik maar 'n bietjie kennis. Daar is egter baie ander lede op hierdie Forum met soortgelyke ingesteldhede en ek geniet dit om met hulle oor tegniese sake te argumenteer.  Ek weet ek is nie altyd reg nie, maar so leer ons van mekaar.

Na aanleiding van Badger se laaste bydrae, is dit vir my nogal ook interessant hoe smake in voertuie ontwikkel het.  Toe ek my eerste karretjie, 'n skuinsruit Anglia, gery het, was die mode sogenaamde "freeflow exhausts" wat eintlik maar beteken het die kar bly maar stadig maar dit maak 'n helse lawaai, die sogenaamde "beat".  Deesdae hoor jy bykans nie meer die masjien nie, maar die krag is daar, selfs met baie klein karretjies.  Dis nie te sê 'n mooi klank vanaf die masjien is nie nog steeds aangenaam nie.  My BMW 320i met 'n ses silinder masjien, (wat my dogter nou ry) het darem 'n besondere klank wat my steeds beïndruk.  My Kuga is maar stillerig en dit klink nie eers meer soos 'n diesel nie, maar snaaks dit hinder nie meer nie.

Ook was dit 'n bewys van krag as jy kon wegstrek met tollende wiele.  Nou keer die elektronika dat wiele kan tol, selfs op 'n sandpad, maar dit maak nie meer saak nie- jy hoef nie meer te probeer aantoon dat jou voertuig krag het nie- jy weet dit.  Dit wil my ook voorkom asof die hoeveelheid Kilowatt nie meer so belangrik is nie, eerder dat die voertuig voldoende krag het. Ons het destyds presies geweet hoeveel perdekrag jou voertuig uitgeskop het terwyl meeste jong manne deesdae nie weet wat hulle motors ontwikkel nie, en dit maak ook nie meer saak nie, solank dit genoeg is, wat in so te sê alle voertuie deesdae die geval is.

Het is beter rijk te leven dan rijk te sterven
👍
0
💔
0
😮
0
🙂
0
03 Nov 2019 @ 16:48:29 pm
Karoo Klong
Jupiter Member
88% Profile Strength
Posts: 1516
Joined: 22 May 2014
Experience: 7 years

Om veilig te speel ,stem ek met al die argumente saam,MAAR dit was darem lekker om die v8 so n bietjie ekstra petrol te voer en jy hoor die enjin brul

👍
0
💔
0
😮
0
🙂
0
03 Nov 2019 @ 20:04:53 pm
Hurricane
Mars Member
74% Profile Strength
Posts: 1429
Joined: 25 Apr 2014
Experience: 21 years

Twee pelle ry met dubbelkajuit voertuie, so vergelyk oorals wat hulle voertuie in staat is om te doen.

Een het 2.0 L en die ander met 3.0 L.

Altwee sleep die selfde Bushlap karavaan met twee kinders elk van die selfde ouderdomme (hulle speel saam, vergeluik en laai saam want die trip is saam beplan). Hulle toer vanaf die kaap, deur Namibia tot Epupa Valle teen die Kunene rivier en terrug.

By elke vulstasie het die groter enjine minder brandstof ingegooi.

Verduidelik die beter tegnologie van die voertuie op die trip...

Dis een trip met sy eie 'geite. Vanuit 'n ontwerpsoogpunt gaan dit oor die verbruik tydens die voertuig se hele lewens siklus. Binne die siklus gaan jy verskille, party klein en party groot kry. Ekself is nie 'n groot liefhebber van klein engines nie, daaro dat ek weer 'n 3.2 Ranger gekoop het toe die vorige een gesteel was. Op die langpad sleep glo ek die 3.2 sal byna altyd die 2.0 uitstof wat verbruik en sleep gemak aanbetref. In die dorp en sonder 'n sleepsel op die langpad sal die 2.0 definitief wen. Seker maar 6 van een of halfdosyn van die ander.....As die Ranger met 'n V8 beskikbaar sou wees het ek eerder daarvoor gegaan...niks wat 'n V8 se geluid wen nie, te duiwel met brandstof verbruik, mens moet darem ook iets geniet al is dit teen 'n prys! Darem klink die 3.2 se 5 silinders darem ook chapperig as hy getrap word!

👍
0
💔
0
😮
0
🙂
0
04 Nov 2019 @ 10:08:54 am
Brommer
Pluto Member
77% Profile Strength
Posts: 5248
Joined: 13 Sep 2013
Experience: 30 years

Die ander ding is wie ry nog voertuie wat 300 000km op het?  Aan MBenz se kant is 80 000 km al baie.  Bmw word vinnig ingeruil op 100 000.  Ek begin ook glo 150 000 is die sweet spot of max om van n voertuig ontslae te raak.  Van daar af verloor jy baie op inruilling.  Ek self het n Ranger tans met amper 200 00km probleemvry.

Dis ons doel, al my ouers se voertuie het almal 300,00km gedoen voor hul die voertuie wegmaak. Ons is ook so grootgemaak, en dus my moerigheid met die Mazdas. Ek self het my Renault Megane op 200,000km eers verkoop bloot omdat ek nuwe voertuie gekoop het om die werk te doen, wat hul toe nie eers kon nie. Mazda 6 het by my 55,000km gehou toe laat ek dit waai en BT-50 net 43,000km.

My Fortuner het die naweek 46,000km geslaan in 2.5jr en ek glo ek sal my 300,000km met dit doen, die Rav4 is nou 3 jaar en het maar 27,000km, so vroutjie gaan nog LAAAAANK ry met hom.

Ek het nie in gesin grootgeword waar ons elke 3-5jr nuwe kar kry nie. Ons ry hulle 10-20jr solank hulle hou en solank hulle werk, of as daar geleentheid is of noodsaaklikheid is om ander aan te skaf.

Nie almal is behep met nuutste tech voertuig elke jaar om te ruil nie. Ek weet hier is 'n paar, maar ek dink hul moet nie dink almal is soos hulle nie.

👍
0
💔
0
😮
0
🙂
0
04 Nov 2019 @ 11:12:39 am
Zack
Platinum Member
85% Profile Strength
Posts: 291
Joined: 02 Mar 2015
Experience: 33 years

Brommer daar is niks fout met jou siening nie, elke man maak maar self sy eie somme en sy eie redes bepaal sy finale besluit.  'n Feit wat bly staan is dat 'n afbetaalde voertuig 'n beter opsie is as een met baie skuld.

Meeste mense wat elke paar jaar 'n voertuig inruil glo die beste tyd is onder 100 000km.  Jou herverkoop mark vir voertuie in SA is beter onder 100 000km as bo 200 000km.  Ek persoonlik dink 150 000 is die afsnypunt.   Jou boekie waarde neem baie af hoe hoer jou km's is.  As jy besluit jy hou die voertuig (Niks fout daarmee nie) dan moet jy maar jou hand op jou voertuig hou met onvoorsiene sluitasie en breuke.  

Wat ek geleer het uit alles is dat jy nie sekere voertuie uit motorplan ry nie.   MBenz is een van hulle.  As ietsie klein breek buite motorplan dan sit dit jou hele beplanning baie ver terug wat finansies betref.  Onderdele is mal duur en inruilings is ondergemiddeld.    

 

Be a good person, but don't waste time to prove it
👍
0
💔
0
😮
0
🙂
0
04 Nov 2019 @ 13:56:15 pm
Frikadel
Platinum Member
96% Profile Strength
Posts: 333
Joined: 08 Apr 2014
Experience: 24 years

My BMW platkar is gekoop April 2013, hy is uit sy diensplan want hy is meer as 5 jare oud.

Maar, die kar het nou eers 62 000 kilos op die klok, die handelaar gee jou boggerol, hy makeer niks, stink nog nuut, lyk nog nuut, is laankal klaar betaal, is nog nuut vir daai fact.

As ek daai kar nou inruil vir n nuwe een wat nie veel verander het nie gaan dit my amper naby R 750 000 uit die sak jaag met al sy specs.

Die persoon wat my kar gaan koop gaan al die pad score en ek gaan al die pad verloor.

Die Hilux aan die ander kant is eers ingeloop op 250 000 kilos, maar ek sal hom retire op 150 000 kilos en slegs aanwend om te sleep.

Ek sal dan vir my gewone DKW lewe iets soos n CH-R of so iets aanskaf om my gat te verskuif van punt A na punt B.

Vat vas manne!!!!
👍
0
💔
0
😮
0
🙂
0
04 Nov 2019 @ 15:06:54 pm
Anonymous

I don"t know why you guys are discussing small or large engines, with or without turbo, Diesel or Petrol, etc etc. For guys over 60 or 70 it is most likely the last oil guzzler they will own

You can bet your last pair of trousers that in 10 to 15 years years time you will have a huge problem of buying a large engined car and even a smaller engined car.

What you will get is Hybrids and full electrical.... !!! Get used to the idea .....

And enjoy large turbo charged Petrol or Diesel engines for they will be extinct sooner than we might think......

👍
0
💔
0
😮
0
🙂
0
04 Nov 2019 @ 15:36:58 pm
Fred
Uranus Member
100% Profile Strength
Posts: 2657
Joined: 09 Mar 2016
Experience: 52 years

I agree Gert.  I also agree with Brommer.

Ek is baie positief oor nuwe tegniese ontwikkelinge maar nie soveel dat ek altyd die nuutste wil hê nie.  My Kuga is nog splinternuut op vyf jaar, my vrou se Corolla is 12 jaar, my dogter se BMW wat eers myne was, is 16 jaar en ek het my Kombi op 27 jaar verkoop omdat ons lang afstande met hom gery het en ons is ook al in die bejaarde kategorie, so ons het gevoel 'n moderner voertuig is dalk veiliger.  Al die genoemde voertuie is/was steeds in 'n uitstekende toestand en ek het met hartseer van die Kombi en vorige voertuie afskeid geneem. Al die kopers was verheugd om die voertuie oor te neem. 

Om die sommetjies te maak sal jy dit oor 'n leeftheid moet neem wat die werk van 'n aktuaris is, wat ek nie is nie.  Nogtans glo ek dat dit die ekonomieste is om 'n voertuig lank te ry eerder as om dit elke drie jaar te vervang.

Het is beter rijk te leven dan rijk te sterven
👍
0
💔
0
😮
0
🙂
0
04 Nov 2019 @ 15:59:25 pm
Brommer
Pluto Member
77% Profile Strength
Posts: 5248
Joined: 13 Sep 2013
Experience: 30 years

Brommer daar is niks fout met jou siening nie, elke man maak maar self sy eie somme en sy eie redes bepaal sy finale besluit.  'n Feit wat bly staan is dat 'n afbetaalde voertuig 'n beter opsie is as een met baie skuld.

Meeste mense wat elke paar jaar 'n voertuig inruil glo die beste tyd is onder 100 000km.  Jou herverkoop mark vir voertuie in SA is beter onder 100 000km as bo 200 000km.  Ek persoonlik dink 150 000 is die afsnypunt.   Jou boekie waarde neem baie af hoe hoer jou km's is.  As jy besluit jy hou die voertuig (Niks fout daarmee nie) dan moet jy maar jou hand op jou voertuig hou met onvoorsiene sluitasie en breuke.  

Wat ek geleer het uit alles is dat jy nie sekere voertuie uit motorplan ry nie.   MBenz is een van hulle.  As ietsie klein breek buite motorplan dan sit dit jou hele beplanning baie ver terug wat finansies betref.  Onderdele is mal duur en inruilings is ondergemiddeld.    

 

Dis hoekom ek nou maar besluit het om die Toyotas te koop. Ek het albei kontant gekoop (soos my ander voertuie ook maar) en ek dink dis anders as jy vaste salaris dalk het en voertuie koop en jy betaal maar elke maand die paaiement.

Ek glo ek spaar baie as ek die kar kontant kan koop en lank kan ry. My renault 10 jaar gery en in daai 10 jaar het ek weer genoeg bymekaar gemaak om my mazda 6 en my Bt-50 kontant te kon koop, en 3 jaar later elkgeval die Toyotas te kon koop. As ek moes paaiemente en rente betaal sou ek dit sekerlik dan nie kon doen nie.

Mens maak maar die som en leef met dit. So bietjie seëninge help ook ;-)

Ek is baie lief vir mercs, maar ek wil nie een koop nie en ook nie een besit nie. Het altyd gedink dis nou die kar om te hê maar die laaste reekse hoor ek net van duur onderhoud.

En nou nie om Toyota so te adverteer nie, die enigste rede hoekom ek my kop gedraai het soontoe was die feit dat ek moeg was vir nonsens, en dat 90% van al my kliente in die bedryf Toyotas ry en elkeen het my nou al vertel en gewys hoekom, en toe maak ek maar die sprong en doen dit. Sover darem nie issues nie en dit maak my gelukkig.

Toyota het reeds stappe geneem met kleiner engine, ek sou eerder uit Toyota 'n 3.2 wou he, maar ek moet sê die 2.8 se idling torque is net so lekker so op die stadium gee ek nie om nie, ek wil net nie die 2.4 he nie, of 'n 2.0 nie. Daarom is ek dankbaar ons het maar die 2.0 Rav4 en nie die nuwer engine met die 1.2T nie (ek dink eerder die turbo sal roes met die min kms wat ons met daai kar doen).

Elkgeval, as ek gespaar bly gaan ek nog so 40-50 jaar rondry en wie weet waarmee ons teen daai tyd rondry (of vlieg)

👍
0
💔
0
😮
0
🙂
0
04 Nov 2019 @ 17:13:46 pm
Paddyandpaul
Platinum Member
92% Profile Strength
Posts: 266
Joined: 23 Oct 2017
Experience: 57 years

What kms can you expect from present day car engines compared to cars in the 70s and 80s?

I drive a 2003 Subaru, had the heads and timing belt redone at 200000km and am now sitting at 240000 kms. My Subaru mechanic said he serviced a vets Subaru at 600000km without it being overhauled. This car is now old technology being 16 years old but its 2.5l and pushes out more kw than my friends 2yr old Subaru 2.0l Forester because of the capacity. What mileage do you guys think a  car like this is good for and what do you think the new generation are good for? Mine will be driven till its death and then we will use my wifes 2007 Hyundai 1600 Accent after that as it can also tow our Skipper being 360kg only. No option other than that as im retired and cannot aford R300-R400K on another car.

👍
0
💔
0
😮
0
🙂
0
04 Nov 2019 @ 18:03:56 pm
PietG
Jupiter Member
88% Profile Strength
Posts: 1979
Joined: 12 May 2015
Experience: 48 years

Vir my persoonlik is dit maar n kwessie van waarvoor gebruik jy die voertuig en wat verwag jy daarvan. Ek het n klein 1300cc Bantam bakkie wat die afgelope Augustus 22jaar oud was. Hy het twee weke gelede sy 150000km diens gehad. Alles werk nog 100%. Hy het n volledige diensrekord en was nooit in n ongeluk betrokke nie. As jy op sy nommer druk dan ry ons. Ek is wyd met hom bekend as die oom met die blou bakkie. Nou vra ek hoekom sal ek nou van hom ontslae wil raak. Daar is geen rede nie en hy doen presies wat enige halfton bakkie doen. Ek laai my sakkie sement of wat ookal ek benodig. Dit is ons alledaagse ryding..........selfs Sondae Kerk toe. Ek het ongelukkig een probleem. Almal wil hom HE met die klem op HE!!!!!!! Ek moet so versigtig wees want dit is geen kuns om hom te steel nie. Nou ja ek doen maar wat ek kan en vertrou dit sal nie gebeur nie.

Ons drink uit die piering want ons koppie loop oor.
👍
1
💔
0
😮
0
🙂
0
04 Nov 2019 @ 19:49:29 pm
Leon
Luhman 16 Member
96% Profile Strength
Posts: 15013
Joined: 12 Jun 2007
Experience: 56 years

My Pa het ook so klein Tippertjie gehad.  Met 'n canopy.  Die klein kinders was mal daaroor om in oupa se bakkie te ry.

Sonder Jesus is ek niks! ! ! !
👍
0
💔
0
😮
0
🙂
0
05 Nov 2019 @ 06:48:06 am
Leon
Luhman 16 Member
96% Profile Strength
Posts: 15013
Joined: 12 Jun 2007
Experience: 56 years

Nou ja terug by die 2.0 liter enjins wat hoë krag lewer.  Ek dink as jy die enjin so onder alles daagse omstandighede gebruik, hulle baie goed gaan vaar.  Netso nou en dan die krag gebruik om te sleep en ander voertuig verby te gaan sal tog nie die enjin "Moor" nie.

VW se Tipper gaan goed aan tot op hede.  Sal maar kyk hoe stap die Fordjie met sy 2 liter.

Sonder Jesus is ek niks! ! ! !
👍
0
💔
0
😮
0
🙂
0
Reply to Topic
Anonymous
Sign In Required