English & Afrikaans Forums
Total Topics: 21 484
Total Replies: 234 553
Total Views: 82 529 630
topics: 10 934
replies: 127 609
views: 38 952 381
In this section we advise you, and provide assistance to others on various industry topics.

Elektriese voertuie

replies: 64
views: 749
page 1 of 2
13 Sep 2019 @ 11:51:55 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Baie deskundiges meen die toekoms van die binnebrandmasjien is maar duister en dat ons dalk almal oor nie te lank nie, elektriese motors sal gebruik.  Sjina beoog om binne 'n paar jaar 60% van hulle motorverkope aan elektriese  motors te hê.  Miskien is dit die deurbraak waarvoor gewag is.  Die feit is dat elektriese  motors op die oomblik net te duur is om alledaags te wees.  500 kilometer reikafstand en 300k/u en met 'n bakwerk wat Ferrari in die skadu stel, is nie die soort motor wat Jan Publiek nodig het om werk toe en terug te ry nie. 

Die binnebrandmotor het eers werklik populêr geword toe daar baie goedkoop eenhede beskikbaar geword het soos die Beetle, die Citroen 2CV  en die klein Austin.  Voorheen was dit maar 'n rykmansspeelding.  Die motortjies was geensins gesofistikeerd nie maar kon jou van punt A tot punt B neem, nie noodwendig in gerief nie.  Ons is nou baie beter gewoond en sal nie weer met sulke bokwaens wil ry nie, maar ek dink daar sal wel 'n goeie mark wees vir goedkoop elektriese motors.  Hoekom hulle nie stroop van meeste luukshede en outomatisering nie en hulle as stadsmotors bemark.  Ek dink meeste mense wat per motor werk toe en terug pendel, ry minder as 100 kilos per dag.  'n Tweede motor wat dit kan bereik, sal dus geskik wees vir die doel. Ek dink aan iets regtig klein en eenvoudig soos die heel klein motortjies wat nou beskikbaar is.  Mammie kan dit as 'n kindervervoermiddel gebruik en mense kan daarmee werk toe ry. Ons twee werk nie meer nie, maar ek dink ons sal beslis daarin belangstel as 'n tweede motor was maar net in ons omgewing gebruik word.  As 'n deurbraak met sulke motors gemaak word, sal al meer gesoftikeerdes mettertyd ook populêr raak. Met laaipunte oral in die land sal dit netso prakties wees om lang afstande met hulle te ry as met binnebrandvoertuie. Van die huidige duur elektriese motors kan reeds 400 tot 500 kilometer op 'n lading doen en dit sal metteryd beslisl nog verbeter.

Het is beter rijk te leven dan rijk te sterven
👍
0
💔
0
😮
0
🙂
0
13 Sep 2019 @ 12:29:24 pm
Leon
Luhman 16 Member
96% Profile Strength
Posts: 14761
Joined: 12 Jun 2007
Experience: 55 years

Soos op ander draad genoem het ek in die klein BMW elektriese motortjie gery.  Dit is verbasend hoeveel krag hy het en hoe vinnig dit beskikbaar is.

Ek sou eerder een van hulle vir ma koop as 'n daaglikse voertuig maar die prys is buitespoorig duur.

So Ma moet maar met die klein Renault Kwid oor die weg kom.  Hy is darem baie lig op brandstof.

Sonder Jesus is ek niks! ! ! !
👍
0
💔
0
😮
0
🙂
0
13 Sep 2019 @ 12:49:10 pm
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Leon, Sou jy wel 'n elektriese motor oorweeg as dit werklik goedkoop is, sê onder 200 duisend rand?  Met die loopkoste wat aansienlik minder behoort te wees, sal die koste per afstand waarskynlik laer as die Kwid s's wees.

Het is beter rijk te leven dan rijk te sterven
👍
0
💔
0
😮
0
🙂
0
13 Sep 2019 @ 13:01:19 pm
Leon
Luhman 16 Member
96% Profile Strength
Posts: 14761
Joined: 12 Jun 2007
Experience: 55 years

Dit is waar wat jy sê.  Maar help my reg tans is die E voertuie se pryse baie hoog.  Ek kyk na die ou Toyota Prius (spelling) en dan die BMW E1 en selfs die E8.

Tans is die lewens siklusse van batterye 'n bekommernis.  Wat gemaak as die battery bank van die tipe voertuie einde van lewensduur bereik. Ek dink dan is al die diens gelde wat jy gespaar het eensklaps weg.

Mens moet maar kyk hoe staan sake vorentoe. Ek is iemand wat tengunste is van tegnologie maar op so manier dat die gewone man opstraat kan uitwerk dat dit koste effektief is om 'n verandering te maak.

 

Sonder Jesus is ek niks! ! ! !
👍
0
💔
0
😮
0
🙂
0
13 Sep 2019 @ 13:09:27 pm
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Die batterye is beslis 'n faktor, maar ek het gelees daar is reeds batterye, ek dink van Jaguar, wat 'n baie lang verwagte leeftheid het.  Ek het 'n Philips herlaaibare skeermes wat ek in 2000 begin gebruik het en omtrent daagliks gebruik (behalwe as en die dag bietjie lui is). Die battery- slegs een- hou steeds en hou sy lading steeds sowat ses weke- ek hou rekord. My skoonseun wat een het wat dieselfde as myne lyk maar nuuter is, is jare gelede reeds op die ashoop.  Dit is sekerlik 'n vorige generasie battery wat ek  heeltemal laat leeg loop voor ek herlaai, maar my punt is 'n lang leeftheid is onder die regte omstandighede wel moontlik, selfs met verouderde batterye so ek het baie hoop vir nuwe ontwikkelings.

Het is beter rijk te leven dan rijk te sterven
👍
0
💔
0
😮
0
🙂
0
13 Sep 2019 @ 13:12:00 pm
Leon
Luhman 16 Member
96% Profile Strength
Posts: 14761
Joined: 12 Jun 2007
Experience: 55 years

Ek vat bv die elektiese motorfietse Elek SA waaroor ons onlangs gesels het.  Ek dink regtig om so iets aan te skaf om werk toe mee te ry.  Want daar is 'n model wat op die pad geregistreer kan word. Teen R40 000.

Met daai geld kan ek naasteby drie Jonway scooters koop met brandstof verbruik van 22km/l.

Die krag pak vervanging van daai E motorfiets is R12000 as ek reg onthou.  Ek gaan redelik ver kan ry met R12000 se brandstof op drie scooters. En dit aan een met ongeveer 10min branstof aanvul tyd tussen in.

Dan seker die krag verbruik vir laai van battery, tyd wat dit neem, so ja mens moet eintlik baie meer detail navors om vergelyking te maak.

Vinnig gesê die batterye het nog so bietjie tegnologie  nodig om my by die elektriese kant uit te bring.

Sonder Jesus is ek niks! ! ! !
👍
0
💔
0
😮
0
🙂
0
13 Sep 2019 @ 13:54:17 pm
Chuck Norris
Alpha Centauri Member
100% Profile Strength
Posts: 8371
Joined: 13 Jan 2014
Experience: 39 years

Sal moet baie geduld hê vir so motor.

 

As jy wil he jou drome moet waar word, moet jy eers wakker word.

Die jonge Fransies. (Parys - Frankryk)
👍
0
💔
0
😮
0
🙂
0
13 Sep 2019 @ 14:05:24 pm
Bak oor
Saturn Member
100% Profile Strength
Posts: 2041
Joined: 05 Sep 2013
Experience: 39 years

En as daardie karre breek verwys hulle ook seker na  "load shedding"

To all forum members. May you be surrounded by your precious family. May you have the warmest thoughts and best wishes for a wonderful holy Christmas and a New Year blessed with Gods grace. May peace, love, and prosperity follow you always in the name of Jesus our saviour.
👍
0
💔
0
😮
0
🙂
0
13 Sep 2019 @ 17:31:30 pm
Chuck Norris
Alpha Centauri Member
100% Profile Strength
Posts: 8371
Joined: 13 Jan 2014
Experience: 39 years

En as daardie karre breek verwys hulle ook seker na  "load shedding"

Jy is reg, hier is nie eers krag in die land nie, nou nog vir voertuie ook.

 

As jy wil he jou drome moet waar word, moet jy eers wakker word.

Die jonge Fransies. (Parys - Frankryk)
👍
0
💔
0
😮
0
🙂
0
13 Sep 2019 @ 17:53:21 pm
BrianB
Neptune Member
74% Profile Strength
Posts: 4157
Joined: 10 Sep 2011
Experience: 40 years

I saw at the BP service station on the N2 at Buffeljagsrivier that they are installing a charge point saw the Jaguar badge there not sure if it's only for Jaguar or for other makes as well.

Wonder if these are popping up all over the country?

👍
0
💔
0
😮
0
🙂
0
13 Sep 2019 @ 19:40:05 pm
Bak oor
Saturn Member
100% Profile Strength
Posts: 2041
Joined: 05 Sep 2013
Experience: 39 years

Soos ek n vorige keer gesê het. Sien as daar so 15 karre by n one stop n recharge soek. 

Kan maar daar naby rond kyk vir n b&b want dit gaan lank vat.

To all forum members. May you be surrounded by your precious family. May you have the warmest thoughts and best wishes for a wonderful holy Christmas and a New Year blessed with Gods grace. May peace, love, and prosperity follow you always in the name of Jesus our saviour.
👍
0
💔
0
😮
0
🙂
0
14 Sep 2019 @ 08:34:38 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

I read somewhere Jaguar and another company, I rather think Volkswagen, will cooperate on the charging points.  According to the article, it was intended for the N1 and N3.  Swellendam is on the N2 which shows the project has been expanding.  According to the article, the facilities will be for the use of all makes.  I would assume there would be standardisation on the sockets on the cars to make it possible for any car to be charged at any charging point- just stands to reason.

Bak-oor, die laaipunte word sekerlik nie as slegs 'n publieke diens verskaf nie, maar as 'n geldmaakgeleentheid, soos 'n brandstofvulstasie.  Daar is vanselfsprekend die oorweging dat sonder sulke fasiliteite, sal mense dalk nie belangstel om elektriese voertuie te koop nie, so dis beslis 'n oorweging.  Ek dink ons kan ook aanvaar dat hierdie maar die begin is.  As die aanvraag by 'n spesifieke punt groter raak, sal daar sekerlik nog laaipunte verskaf word- dis mos maar hoe dit werk.  Dit klink in elkgeval vir my nie of dit 'n vreelike groot poging sal neem om ekstra punte te verskaf nie.

Dit vir my al asof daar 'n bietjie negatiwiteit by sommige mense oor die idee van elektriese voertuie is.  Dis te verstane- mense is vertroud met wat hulle ken en moet eers oortuig word van nuwe tegnologieë.  Daar is maar altyd mense wat van die begin af nuwe idees ondersteun en ander wat dit teenstaan.  Seker ook maar toe die eerste selfaangedrewe motors verskyn het- hulle sou nooit 'n perdekar kon vervang nie!  Soos die nuwe tegnologie homself egter bewys, verdwyn die teenstand.  Wie onthou nog hoe binnebandlose bande deur sommiges as belaglik afgemaak is maar wie gebruik vandag nog binnebande op hulle wiele?  Of loodvrye petrol? Elektriese motors sal nie op ons afgedwing word nie maar ek meen die voordele sal so vanselfsprekend wees dat binnebrandvoertuie mettertyd maar van die mark sal verdwyn.  Ek glo ons sal maar bietjie tranerig wees oor ons "twin turbo's" met hulle mooi klank en ons "ten speeds" en dies meer wat nie meer met ons is nie, maar ons sal daar oor kom.

Het is beter rijk te leven dan rijk te sterven
👍
0
💔
0
😮
0
🙂
0
15 Sep 2019 @ 16:16:34 pm
Karoo Klong
Jupiter Member
88% Profile Strength
Posts: 1509
Joined: 22 May 2014
Experience: 6 years

Die hoe spoed laaiers van kraggereedskap is seker n soortgelyke vir die batterye van die voertuie in wording geen lankwag by laaipunte nie,net enkele minute dan is jy weer op pad

👍
0
💔
0
😮
0
🙂
0
15 Sep 2019 @ 17:26:36 pm
Danie-SLK
Neptune Member
92% Profile Strength
Posts: 4428
Joined: 08 Sep 2009
Experience: 42 years

Ek dink vir stads gebruik is die huidige reikafstand heel voldoende. Mens kan meestal werk toe en terug op 1 keer se laai ry. Dit raak dan amper soos vandag se super selfone. Sodra jy by 'n laaipunt kom dan laai jy want die fone kan meestal ook nie 12 ure goed gebruik word sonder om te laai nie.

Selfs die 30 jaar oue tegnologie waar groot vurkhysers wat 20 ton staal spoele van dun plaat vervoer was wat battery aangedrewe was was 'n positiewe stap om nie die besoedeling binneshuis te he nie. Seksies het self staal rollers vervoer op sulke bakkies. Sou die battery(loodsuur) pap word dan gaan ruil jy net die battery.

Soos Dirk genoem het werk die nuwe gereedskap darem 5 maal plus beter as die ou Ni-Cads en laai ook net so vinnig.

Ek glo die feit dat mens batterye dalk net "lease" en nooit koop nie verwyder dalk die koste van battery vervanging.

Ek glo dis net die prys wat nog 'n negatief is maar dit kom vinnig af en ons kleinkinders sal seker amper deur die bank EVs ry.

👍
0
💔
0
😮
0
🙂
0
15 Sep 2019 @ 17:30:48 pm
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Dinge gaan nie meer dieselfde wees as waaraan ons gewoond is as ons elektriese voertuie ry nie.  Op die oomblik het jy geen keuse as om na 'n vulstasie te ry om jou tenk vol te maak nie.  Met elektriese voertuie sal meeste van die herlaaiery waarskynlik by jou eie huis geskied, en/of waarskynlik ook by jou kantoor.   Dit sal dus beteken dat daar  weinig voertuie by 'n vulstasie, of dan seker 'n herlaaistasie, sal tou staan.  Eintlik slegs mense wat lang afstande ry sal miskien so elke 400 kilometer moet stop om te herlaai.  Ons kan aanvaar op die hoofweë sal daar voldoende punte, waarskynlik by die parkeerarea reg voor die restaurant wees, waar jy kan inprop.  'n Pomp soos ons dit nou ken waar jy binne vyf minute kan opvul, sal nie meer prakties wees nie.  Dit klink ook nie vir my so erg nie want as ons twee op die oomblik ver ry, stop ons in elkgeval ongeveer elke 200 kilos om bene te rek en koffie te drink.  Hoekom dan nie ook die tyd benut om in te prop en vir die tien minute of so te herlaai nie.  Dit sal seker nie nodig wees om op so 'n lang reis elke keer 100% te laai nie want die volgende laaistasie sal sover wees as die volgende vulstasie op die oomblik.  En soos Dirk hierbo sê, die laaistasies sal waarskynlik hoëspoedfasiliteite hê.

Die toekoms wat voertuie betref, is dus na my mening nie bedreigend nie maar eerder bevrydend. Ek dink nie enigiemand sal gedwing word om oor te skakel nie- dis sal eenvoudig nie nodig wees nie- ons sal dit graag doen soos ons vrese verdwyn en die nuwe tegnologie homself bewys..

Het is beter rijk te leven dan rijk te sterven
👍
0
💔
0
😮
0
🙂
0
15 Sep 2019 @ 21:24:26 pm
Danie-SLK
Neptune Member
92% Profile Strength
Posts: 4428
Joined: 08 Sep 2009
Experience: 42 years

Fred daar is wel sekere laaiplekke op snelwee waar 'n kleiner battery soos die Leaf binne 45 vol gelaai kan word. Ek dink egter die groter voertuie soos vir sleepdoeleindes sal seker 2 ure of meer neem. Ek stop ook minstens elke 2 ure so dit sal my wel pas sonder om my te laat voel ek mors te veel tyd. Al probleem is ek stop nooit so lank nie. Rek net bene. Stap so entjie en ook met tye die kamer verlaat :)

👍
0
💔
0
😮
0
🙂
0
16 Sep 2019 @ 08:06:30 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Danie, wat ek aanvaar is dat daar maniere gevind sal word om die nuwe tegnologie prakties te maak.  Ek het êrens gelees een van die vervaardigers meen hulle kan hulle motor se battery binne 20 minute tot 80% laai. As jy op die N1 stop om te laai, sal jou battery nie 0% wees nie en jy sal ook nie nodig hê om dit 100% te laai nie. Ek dink dit sal dalk voldoende wees om dit vir sê 10 of 15 minute te laai solank jy koffie drink.  Dit behoort jou veilig tot by die volgende laaistasie te bring.

Soos ek ook al genoem het, klink dit vir my of 'n elektriese motor die ideale stadsmotor sal wees en as jy dit meestal vir pendel gebruik, verval al die komplikasies wat ons hierbo bespreek het, ook.

Ons het nog nie al die antwoorde nie- die vervaardigers ook nie.  Tyd sal leer.  Maar soos jy kan aflei, is ek heel opgewonde oor die nuwe tegnologie.

Het is beter rijk te leven dan rijk te sterven
👍
0
💔
0
😮
0
🙂
0
16 Sep 2019 @ 08:26:10 am
Brommer
Pluto Member
77% Profile Strength
Posts: 5196
Joined: 13 Sep 2013
Experience: 29 years

Ek dink die karre van die toekoms sal nie eintlik "batterye" gebruik soos ons batterye ken nie, maar eerder kapasitors/kapsitore. Kapasitor kan BAIE vinnig laai en ontlaai, en met super capacitors kan jy BAIE krag laai en stoor. Die verwagte siklusleeftyd is oor 1miljoen+ en dus sal dit baie ver kan gaan voor jy jou "battery" moet vervang.. Om nie eers van die massiewe gewigsvoordeel te praat nie.... Dit word reeds in huise ook gebruik.... Daar is wel ook risikos daaraan verbonde maar mens moet maar alles oorweeg.

Dit is al baie nader as wat mens dink, maar ja die koste is nog probleem. 


👍
0
💔
0
😮
0
🙂
0
16 Sep 2019 @ 08:51:48 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Pieter, Dis ook 'n onderwerp wat vir my heel interessant en bruikbaar lyk.  Ja-nee, die toekoms gaan beslis nie dieselfde lyk as waaraan ons gewoond is nie, maar dit was ook waar vir vorige geslagte.  Interessant the geleerde wat lank gelede, seker 150 of 200 jaar gelede, verklaar het dat alles wat uitgevind kon word, reeds uitgevind is.

Het is beter rijk te leven dan rijk te sterven
👍
0
💔
0
😮
0
🙂
0
16 Sep 2019 @ 16:51:49 pm
Hurricane
Mars Member
74% Profile Strength
Posts: 1383
Joined: 25 Apr 2014
Experience: 20 years

Henry Ford is op rekord dat op 'n vraag hoekom hy nie die "kopers" vra wat hulle in sy motors wil hê nie, hy geantwoord het: "If I asked them what they want they would have answered, a faster horse"! Dit was aan die beginjare van die Model T en ons weet almal dat dit die begin was van massa produksie en bekostigbare voertuie. Gesien die massiewe hoeveelhede geld wat aan battery navorsing spandeer word is dit net 'n kwessie van tyd voordat Jan Publiek na E-voertuie sal begin oorswaai (mits pryse saamspeel). Die probleem is natuurlik dat wat vandag deur petrol en diesel aangedryf word na Eskom se netwerk sal oorswaai...en dit terwyl hulle skaars kan lewer wat vandag nodig is....Die hemel behoede ons dan

👍
0
💔
0
😮
0
🙂
0
16 Sep 2019 @ 20:16:45 pm
Danie-SLK
Neptune Member
92% Profile Strength
Posts: 4428
Joined: 08 Sep 2009
Experience: 42 years

Ek dink die karre van die toekoms sal nie eintlik "batterye" gebruik soos ons batterye ken nie, maar eerder kapasitors/kapsitore. Kapasitor kan BAIE vinnig laai en ontlaai, en met super capacitors kan jy BAIE krag laai en stoor. Die verwagte siklusleeftyd is oor 1miljoen+ en dus sal dit baie ver kan gaan voor jy jou "battery" moet vervang.. Om nie eers van die massiewe gewigsvoordeel te praat nie.... Dit word reeds in huise ook gebruik.... Daar is wel ook risikos daaraan verbonde maar mens moet maar alles oorweeg.

Dit is al baie nader as wat mens dink, maar ja die koste is nog probleem. 

Sover met die voordele v d super cap sal daar baie meer volume moet kom om die prys af te kry. Huidiglik is dit nog nie koste doeltreffend nie maar dit kan moontlik saam met Li-Ion gebruik word vir daai vinnige laai as jy stop om koffie te drink.

Verder die super cap is swak om energie te stoor en word gou "pap" as dit bv vergelyk word met die Li-Ion wat baie min ontlaai as dit nie in gebruik is nie.

Volgens 'n bespreking is daar bv 'n besigheid in Kaapstad wat op 'n 7kWh super cap werk vir van hul behoeftes tydens loadshedding.

👍
0
💔
0
😮
0
🙂
0
17 Sep 2019 @ 07:33:32 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Voldoende elektrisiteit is op die oomblik 'n probleem, maar elektriese karre is ook nog nie 'n realiteit nie.  Die huidige regering toon tekens dat hulle 'n nuwe rigting wil inslaan wat dit betref waarin hernubare bronne al belangriker sal word, veral windkrag. Op die oomblik is sonkrag ietwat duur omdat die opgaar van die opgewekte krag duur is, maar as jy dit tuis direk in jou elektriese voertuig sou kon voer, raak dit baie goedkoper en jy slaan met ander woorde drie vlieë met een klap dood: spaar op opgaarbatterye, verlig die druk op ESKOM en laai gratis. (en dan ook: waarom sou dit nie moontlik wees om vanaf die voertuig se battery items in jou huis te dryf nie?)  Dit sal dan ook om dieselfde redenasie vir ondernemings die moeite werd raak om sonpanele op geskikte plekke op te rig om krag te verskaf vir die laai van hulle personeel se elektriese voertuie gedurende werksure. En sulke elektrisiteit sal dus aansienlik goedkoper wees as ESKOM krag omdat grotendeels net die oprigtingskoste die prys sal betaal.  Sonpanele en omsetters is nie die duur deel van so 'n stelsel nie- die opgaarbatterye is.

Ek vind hierdie gesprek stimulerend.  Hoe meer mens aan die onderwerp torring, hoe meer word dit altans vir my, duidelik dat elektriese motors 'n baie aanvaarbare alternatief vir binnebrandmotors sal wees en dat ons uiteindelik verbaas sal staan dat ons op 'n stadium van sulke voertuie gebruik moes maak.

Het is beter rijk te leven dan rijk te sterven
👍
0
💔
0
😮
0
🙂
0
17 Sep 2019 @ 14:23:57 pm
Leon
Luhman 16 Member
96% Profile Strength
Posts: 14761
Joined: 12 Jun 2007
Experience: 55 years

Soos ek reeds genoem het was ek baie beindruk met die klein elktriese BMW.  Soos wat mens die dinge bespreek en moontlikhede opper raak dit aansienlik aantrekliker.

Sonder Jesus is ek niks! ! ! !
👍
0
💔
0
😮
0
🙂
0
17 Sep 2019 @ 19:07:53 pm
Danie-SLK
Neptune Member
92% Profile Strength
Posts: 4428
Joined: 08 Sep 2009
Experience: 42 years

Fred dit lyk my gerief bly net aantrekliker as om finansiele sin te maak. Meer battery solar stelsels word geinstalleer as bv gried tied waar mens direk krag van Eskom kan spaar en indien dit 'n groterige stelsel is kan die terugbetaal periode vir omsetter so min as 2.25jaar wees. Die koste van sonpanele is nie ingereken omdat hulle moontlik 'n 15-20jr leeftyd het om krag te genereer.

Met grid tied hoef jy ook geen verdeling van krag op die verdeelbord te doen nie en word krag v d son af eerste gebruik en slegs die res word van Eskom af gebruik. Geen rondspring as dit bewolk is want dan wek jy net minder van jou EIE krag op.

Verder as mens sou moes betaal teen bv R2.20 per kWh is die besparing op lopende koste met die stywe prys van EV teenoor bv 'n turbo diesel dalk nog nie die moeite werd nie maar ek hou van die stilte van EV. Net jammer as jy slegs 'n battery stelsel het en jy is te ver van 'n laaipunt af kan dit nogal ongemaklik wees. Daar hou ek v d BMW i3 wat ook die petrol enjin bykomstig het wat dan ook die reikafstand verbeter.

Ons sal maar dinge dophou soos dit verander vorentoe.

👍
0
💔
0
😮
0
🙂
0
18 Sep 2019 @ 08:15:03 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Jy is reg Danie- gerief is die belangrike aspek wat ook 'n belangrike faktor met elektriese motors sal wees.  Maar as die finansiële aspek baie aantreklik sal word, sal die gerief dalk minder belangrik word.  Maar ek dink ook nie ongerief met elektriese motors behoort besonder groot te wees nie.  Saans prop jy dit bloot by 'n prop in jou garage in en more oggend is die kar reg om werk toe te ry.  Lang afstand ry is natuurlik 'n ander saak maar ek dink die deurbraak sal eerder met stadsmotors kom.  As 'n persoon byvoorbeeld in Pretoria woon en in Johannesburg werk, soos dit die geval is met baie duisende mense, betaal jy hier by drie duisend rand per maand aan brandstof.  Ek weet nie wat elektrisiteit sal kos nie, maar sê maar dis 'n duisend rand, dan kan die besparing van R2000 per maand dalk deurslaggewend wees.  Op die oomblik is elektriese motors nog heeltemal te duur- meer as 'n halfmiljoen rand vir die Leaf on die BMW, en Volkswagen se komende elektriese motor sal waarskynlik in dieselfde prysklas wees.  As daar werklik goedkoop motors van miskien onder tweehonderd duisend rand beskikbaar sal wees, sal die prentjie aansienlik verander.  En ek dink nie dis vergesog nie. Kyk maar hoe het die prys van LED ligte of SSD's gedaal.  Jy kan ook nou 'n selfoon koop vir R500 wat baie meer gevorderd is as 'n heelwat duurder selfoon van vyf jaar gelede.  Dit is slegs die tegniese onderdele wat elektriese motors tans so duur maak en dit is juis die tegnologie wat geneig is om vinnig te daal soos die "economy of scale" toeneem.

Het is beter rijk te leven dan rijk te sterven
👍
0
💔
0
😮
0
🙂
0
18 Sep 2019 @ 13:39:50 pm
Brommer
Pluto Member
77% Profile Strength
Posts: 5196
Joined: 13 Sep 2013
Experience: 29 years

Soos enige nuwe produk moet jy maar die rykes eerste tackle want die armes en suiniges gaan jou nie ondersteun nie. Ek dink elektriese motors kyk nie noodwendig na die goedkoper opsies nie, want die batterye en tegnologie is reeds duur dat hul vir die moeite darem hul wins kan maak.

Daar is ook natuurlik 'n "toets" tydperk in die mark waar jy ook nie te veel van 'n nuwe ding wil laat gaan teen goedkoop prys nie want jy moet nog sien hoe die mark die eenhede hanteer en watter probleme die kliente veroorsaak in baie gevalle......

Maar soos dinge loop sal dit makliker word en goedkoper met tyd, die manne met die kennis hul gelde en royalty ooreenkomste afgehandel het en meeste onvoorsiene probleme ontdek is en uitgesorteer word  dan sal massaproduksie loop


👍
0
💔
0
😮
0
🙂
0
18 Sep 2019 @ 15:03:42 pm
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Jy is waarskynlik reg Pieter. Ek is redelik seker elektriese voertuie is die vervoermiddel van die toekoms.  Fossielbrandstofvoertuie kan om verskeie redes nie onbepaald aanhou loop nie en ander opsies soos die sogenaamde "fuel cell" lyk nie soos 'n sukses nie. Miskien is daar iets beter agter die horison, maar op die oomblik lyk dit nie so nie. Daar is wel verskeie moontlikhede op die batteryfront wat ondersoek word (kyk bv na https://www.pocket-lint.com/gadgets/news/130380-future-batteries-coming-soon-charge-in-seconds-last-months-and-power-over-the-air)

Maar nou wonder ek oor iets: wat gaan van vervoer weg van die gebaande weë word? Ek bedoel nou dinge soos in die Namib rondry met 'n 4X4.  Op die oomblik sou jy, as jy wel 'n elektriese 4X4 gehad het, maar 'n kragopwekker saamgeneem het om die batterye te laai. Ek twyfel of sonpanele voldoende stroom sal lewer (wat sê jy Danie). Maar as binnebrandmasjiene in voertuie verdwyn, gaan ons nog diesel of petrol kragopwekkers kry en belangrikste, gaan ons nog vloeibare brandstof vir hulle kan kry?  Gaan die noodwendige uitfassering van fossielbrandstof dalk ook langafstand swaar voertuie se uitfassering en die herlewing van spoorvervoer beteken ? Of sou daar voldoende grootte batterye wees om die monsters op die langpad te hou of gaan so-iets net te duur wees?  Kort afstand vragvervoer lyk nie vir my te onprakties nie.

 

En van sonpanele gepraat, is dit prakties om 'n elektriese voertuig se battery met hulle te laai?  Sê 'n vierkante meter paneel vir 'n voertuig met 'n 20m of 30 Kw/h battery?  As jy vir die agt uur van jou diens in die son sou parkeer, sou dit voldoende krag in die battery terug kan plaas om miskien die 50 kilos terug huistoe te hanteer? Of selfs tuis oor 'n naweek?

 

Het is beter rijk te leven dan rijk te sterven
👍
0
💔
0
😮
0
🙂
0
21 Sep 2019 @ 14:17:30 pm
Brommer
Pluto Member
77% Profile Strength
Posts: 5196
Joined: 13 Sep 2013
Experience: 29 years

Daar is meer as 100 jaar se olie in huidige olievelde oor.. So dis nie dat dit vir ons sommer sal opraak nie.

MAAR ja die beweging moet begin vir verandering. En as jy kyk na hoe elektriese toerusting vandag baie langer kan werk op hul batterye as 5 tot 10jr terug, dink ek dieselfde sal met voertuie gebeur.

Wat ookal die rigting, AANPASSING gaan die woord van die dag wees.

AS jou voertuig moet ligter sodat batterye kan langer hou en verder kan ry, gaan 4x4's ook ligter gebou word, karavane ook en ons sal ook almal bietjie minder moet eet ;-)


👍
0
💔
0
😮
0
🙂
0
22 Sep 2019 @ 15:14:36 pm
Karoo Klong
Jupiter Member
88% Profile Strength
Posts: 1509
Joined: 22 May 2014
Experience: 6 years

Ek glo dat die verandering van voertuie sal aan die begin stadig wees.Dink maar net aan die Eskom geval n groot persentasie van ons het reeds alternatiewe gevind of beplan vir die nuwe tegnologie aanpassing

👍
0
💔
0
😮
0
🙂
0
22 Sep 2019 @ 16:49:43 pm
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Dirk, maar sê nou net 'n Midde-Oosterse oorlog breek uit sodat 'n groot persentasie van die olietoevoer verdwyn, al is dit ook tydelik.  Ek dink dan koop elke persoon wat 'n elektriese voertuig kan bekostig, een.  Daar word in die advertensiewêreld gepraat van kritieke massa.  Dit is as daar genoeg van 'n produk in gebruik gesien word om die massas te oorreed dat dit 'n realiteit is en nie net 'n tydelike foufie nie.  dan kry verbruikers vertroue in die produk en die swaai daarna volg dan vinnig. So-iets kan die kritieke massa punt baie vinniger laan aanbreek as wat dit andersins sou. Dit geld nie net vir voertuie nie.  Dis waarom nuwe voertuie of modelle teen winskooppryse bemark word en dis waarskynlik ook waarom sommige voertuie soos die nuwe Camry nooit die mas kon opkom nie.  Hulle kon om een of ander rede net eenvoudig nie kritieke massa bereik nie selfs al is dit eintlik 'n baie oulike voertuig.

Het is beter rijk te leven dan rijk te sterven
👍
0
💔
0
😮
0
🙂
0
22 Sep 2019 @ 20:14:03 pm
Danie-SLK
Neptune Member
92% Profile Strength
Posts: 4428
Joined: 08 Sep 2009
Experience: 42 years

Fred ongelukkig sal dit nie werkbaar wees as jy bv panele op die voertuig aanbring om Bat te laai nie. Die beste wat mens kan kry is bv 6 x die Watt waarde van 'n paneel in vol son per dag. So 'n 1mx1.55m paneel kan 1.4kwh uit sonkrag kry per dag. Dis net genoeg vir 'n Leaf om 8km te ry. 'n vorige draad het ek syfers getoon waar mens met 'n 325W paneel na 30dae met 9 uit 10 dae vol son wel 'n woonwa 100km sal kan sleep. Dis op 'n Tesla wat tydens sleep 0.464kWh per km gebruik. 1300kg woonwa op sleep. 

Son kan wel tot sy reg kom as daar 'n sonpaneel plaas gebou word om bv @ 30kWh gelaai kan word.

Ongelukkig kan mens nie naby die 50km kom om huis toe te ry nie. En dit is met 'n ligte Leaf. 

👍
0
💔
0
😮
0
🙂
0
22 Sep 2019 @ 22:44:24 pm
Kamp is Koning
Platinum Member
100% Profile Strength
Posts: 257
Joined: 07 Oct 2017
Experience: 34 years

Ek dink die binnebrand engin gaan nog n rukkie hier by ons diens doen. Die elektriese kar wat hier by ons gaan werk sal hier moet ontwerp word. Uit Afrika vir Afrika want hier is die krag min load shedding baie en die batterye gaan wegraak die toue karre is soms baie lank. Die battery tegnologie sal moet verbeter om langer afstande te beryk. Anders sal ons sleepers moet n ventertjie agter die karavaan hak met n stel spaar batterye en son panele of wind aangedrewe battery laai fasaliteit op om by die huis te kom. Het julle al gedink hoe sal dit gaan by plekke soos die Engen garage by Kranskop tolhek op die N1 as almal wil herlaai na Paas naweek.😉

 

👍
0
💔
0
😮
0
🙂
0
23 Sep 2019 @ 00:02:20 am
Danie-SLK
Neptune Member
92% Profile Strength
Posts: 4428
Joined: 08 Sep 2009
Experience: 42 years

Kobus jy haal nou juis die paar punte aan hoekom ek ook glo dit gaan nie in ons leeftyd wees wat EV volop gaan wees nie. Daar is egter 'n plek vir hulle (dorps gebruik) al kom dit teen 'n prys. Bitter min met DCs sal afskaal terug na 'n platkar wat ligter is en darem so entjie verder sal kan sleep maar die verskil weens die woonwa gewig gaan mens nie terug lok na plat motors nie.

👍
0
💔
0
😮
0
🙂
0
23 Sep 2019 @ 11:24:00 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Kobus se stelling dat 'n elektriese motor vir Suid-Afrika hier ontwerp sal moet word, het wat my betref, baie om die lyf.  Ek is net nie so seker Suid-Afrika sal dit ontwerp nie, eerder Indië of Sjina. Hier kry innoveerders nie ondersteuning van die owerhede nie. Ons het reeds verskeie voertuie op ons paaie vanaf die twee lande en die mense daar is ook maar arm sodat hulle nie halfmiljoen rand EV's kan bekostig nie. As binnebrand voertuie begin problematies raak, sal die twee lande (en ook ander) 'n plan moet maak en hulle sal dit ook doen.  In Indië loop daar baie driewielers wat maar basies 'n motorfiets met twee agterwiele is, met dieselmasjiene wat jy nêrens anders kry nie.  Hulle is vindingryk en as daar 'n behoefte ontstaan, in hierdie geval vir goedkoop EV's, is hulle die waarskynlike lande om daaraan te voldoen. As sulke voertuie net eers as stadsmotor aanvaar word, sal verdere ontwikkeling vanaf die laers prysklas wel plaasvind om bekostigbare voertuie te lewer wat aan alle behoeftes sal voldoen, altans ek hoop so.

Danie, ek aanvaar jou mening oor die onwaarskynlikheid om met sonpanele op EV's se dakke EV's hulle te laai- dis waarom ek jou gevra het. Maar dis jammer.

Het is beter rijk te leven dan rijk te sterven
👍
0
💔
0
😮
0
🙂
0
23 Sep 2019 @ 16:14:51 pm
Bak oor
Saturn Member
100% Profile Strength
Posts: 2041
Joined: 05 Sep 2013
Experience: 39 years

Al hoe n elektiese voertuig gaan werk in SA is om bicycle pedals binne jou kar te hê om self jou batteries te charge. Alles wat bo op jou kar sal wees "son pane" of wat by n garage is sal gesteel word. 

Ook n cooler box en gas stofie binne jou kar met water en kos.

Jy mag dalk lank langs die pad staan en wag vir iemand met n generator om te kom help.

 

To all forum members. May you be surrounded by your precious family. May you have the warmest thoughts and best wishes for a wonderful holy Christmas and a New Year blessed with Gods grace. May peace, love, and prosperity follow you always in the name of Jesus our saviour.
👍
0
💔
0
😮
0
🙂
0
23 Sep 2019 @ 22:39:26 pm
Danie-SLK
Neptune Member
92% Profile Strength
Posts: 4428
Joined: 08 Sep 2009
Experience: 42 years

Soos ons nou hier praat sal mens dink 8 uit elke 10 karre gaan staan lamngs die pad sonder brandstof. Mens het mos 'n indikasie van hoe ver jy kan ry. Ja ek stem saam met EVs het nie die reikafstand maar kan wel oor die weg kom binne dit wat mens aan gewoond sal raak. Alles draai om die mag v d gewoonte om ver te kan ry. Net soos die jare wat ons oor naweke nie kon brandstof kry nie het ons wel oor die weg gekom.

John ek dink jy oordryf nou baie deur die stelling te maak dat alles orals gesteel word. Ja baie goed word gesteel maar daar is darem ook limiete rondom die stelling.

Soos jy dan ook vroeer genoem het oor Ford / Toyoata mag mens mos se wat jy wil sien coolcoolcool Volgens my is die amptelike syfers Toy 21 000 en Ford 13 000 vir die 1e ses maande v d jaar sekerlik meer in die kol as by 'n sekere kamp.

👍
0
💔
0
😮
0
🙂
0
23 Sep 2019 @ 23:18:20 pm
Bak oor
Saturn Member
100% Profile Strength
Posts: 2041
Joined: 05 Sep 2013
Experience: 39 years

Danie alles word wel gesteel, alles is n teiken. Jou besittings moet net op die verkeerde plek wees. Net nou die dag het Geert deur geloop daar by jou in Pretoria met n spaarwiel onder sy bakkie uit by n shopping centre. Hoe dink jy gaan elektriese motors se son panele en batterye deur loop. Kyk wat gebeur nou by selfoon torings. 

Oordryf ? nee my vriend glad nie.

To all forum members. May you be surrounded by your precious family. May you have the warmest thoughts and best wishes for a wonderful holy Christmas and a New Year blessed with Gods grace. May peace, love, and prosperity follow you always in the name of Jesus our saviour.
👍
0
💔
0
😮
0
🙂
0
24 Sep 2019 @ 06:52:39 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Daar is 'n stelling wat ek glo is waar, naamlik dat persepsie elke persoon se waarheid is.  As jy geneigd is om pessimisties te wees, ontstel dinge jou maklik en soos hierbo genoem, is die wêreld vir jou 'n gevaarlike plek.  As jy meer na optimisme neig, hoor jy sulke dinge maar dit ontstel jou nie so erg nie.  Neewat, Suid-Afrika is nog 'n lekker plek en ek sal nêrens anders tuis voel nie.  Ek weet diefstal is 'n realiteit en ek probeer sover moontlik myself daarteen beskerm maar dit besorg my nie slapelose nagte nie.   Half vol of half leeg- dit hang maar af van elke ou se persepsie.

Het is beter rijk te leven dan rijk te sterven
👍
0
💔
0
😮
0
🙂
0
14 Oct 2019 @ 00:15:45 am
Danie-SLK
Neptune Member
92% Profile Strength
Posts: 4428
Joined: 08 Sep 2009
Experience: 42 years

Om aan te sluit by ons bespreking. Tesla het 'n demo gedoen om aan te toon dat hulle kan die batterye omruil in die helfte v d tyd wat dit neem om 'n petrol voertuig weer vol te maak. Tesla eienaars was egter nie bereid om die vinnige metode te gebruik wat teen 'n koste kom en eerder gekies om die wagtyd te gebruik wat gratis is. So hier is daar gegaan volgens verbruikers se keuse. Die omruil van batterye is egter gestaak en was nie goedkoop nie.

Sou mens die tyd tyd neem om bv petrol in te gooi in totaal teenoor die sekondes om 'n laaier se prop in te prop as jy tuis kom en weer die volgende oggend uit te prop dan neem dit minder tyd in beslag om batterye weer vol te maak gemeet teenoor die tyd om petrol in te gooi.

👍
0
💔
0
😮
0
🙂
0
14 Oct 2019 @ 07:17:07 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Ek lees die naweek Ford se nuwe Kuga, wat aanstaande jaar in Europa bekendgestel sal word, sal 'n hibride voertuig wees.  Daar sal na verwagting verskillende engines wees met verskillende grootte batterye, maar die kleinse battery sal voldoende wees vir 'n afstand van sowat 30 myl of sowat 50 km.  Die artikel sê nie so nie, maar ek dink ons kan aanvaar die volgende stap van Ford sal vol elektriese voertuie wees. Daar is ook nie in die artikel gesê die hibride tegnologie sal na ander voertuie uitgebrei word nie, mar ek dink dis heel moontlik.  Ek dink die tendens is onomkeerbaar: elektriese voertuie is die toekoms.

Het is beter rijk te leven dan rijk te sterven
👍
0
💔
0
😮
0
🙂
0
14 Oct 2019 @ 07:58:10 am
Leon
Luhman 16 Member
96% Profile Strength
Posts: 14761
Joined: 12 Jun 2007
Experience: 55 years

As ons kyk na die hoeveelheid olie wat verwerk word om hierdie wêreld aan die gang te hou met brandstof per dag moet dit die een of ander tyd op raak.

Daar is 'n rede waarom die vervaardigers deesdae meer na die tipe alternatiewe begin kyk vir aandrywing.

Sal graag die tipe goete van nader wil bekyk.  Kyk die olie in die wêreld moet op raak gaan karavaan sleep vir 'n redelike tyd iets van die verlede wees.

 

WIL IEMAND 'N SENSATION KOOP? ? ? ?

 

Sonder Jesus is ek niks! ! ! !
👍
0
💔
0
😮
0
🙂
0
14 Oct 2019 @ 08:15:04 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Leon, Hoe laat jy my nou skrik, maar dalk sal dit nie so erg wees nie!  Ek glo waar daar behoeftes is, word oplossings gevind want daar is geld uit te make.  Op hierdie stadium dink ek nie daar is juis 'n duidelike prentjie oor hoe die toekoms van vervoer sal lyk nie en die voorspellings is maar grootliks raaiskote of soos die Engelse sê, "guestimates" .  Binnebrandmasjiene gaan nie skielik op een slag met elektrisiteit vervang word nie. Soos die oorskakeling geleidelik gebeur, gaan behoeftes duideliker word en sal oplossings daarvoor gevind word.  Miskien sal die oorskakeling nie voltooi word binne ons leeftye nie, maar ek sou graag wou sien hoe dit gebeur.

Het is beter rijk te leven dan rijk te sterven
👍
0
💔
0
😮
0
🙂
0
14 Oct 2019 @ 10:21:14 am
Dansan
Titanium Member
96% Profile Strength
Posts: 674
Joined: 05 Jul 2013
Experience: 39 years

Ek het onlangs 'n kliënt gehad wat n Toyota Lexus met n elektriese motor gehad het. Die petrol-engine het ingeskop bo 30km per uur, of so iets. Na vyf jaar moes hy die batterye vervang. By die aanhoor van die bykans R30 000 wat hy moes betaal was dit ook die einde van die Lexus.

Het julle al in een van die karre gery wat se engine AFSKAKEL by die verkeerslig en dan aangaan wanneer jy die petrolpedaal trap? Dis absoluut senutergend! Ek het onlangs so n Porche gery. Ek VREES elke keer dat daai engine nie gaan aanskakel nie. As jy daai pedaal trap vlieg daai kar daar weg teen 'n witlig-spoed, maar wat my pla is dat dit blykbaar die STARTER is wat daai eerste sekonde die kar aandryf. Ek was al in so n Audi ook, dis spook-agtig stil terwyl jy wag vir die lig om groen te slaan. En as jy in swaar verkeer staan vrek die kar ook gedurig. My snuwees was klaar!   

You'll never never know if you never never go
👍
0
💔
0
😮
0
🙂
0
14 Oct 2019 @ 10:56:50 am
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Ek dink 'n mens raak dit ook maar gewoond soos alle dinge.  Ek het in 'n MB S klas gery- as passasier- met so 'n stelsel, en dit het maar soos 'n gewone voertuig gevoel.  Die bestuurder het sy kar goed geken en die wegtrek was baie egalig soos jy met 'n outomatiese kar sou verwag.  Daar was hoegenaamd geen geruk met die wegtrek nie.  Selfs sommige kleiner karretjies het die stelsel.  Dit werk sekerlik net goed as jy baie in die stad ry, maar as jy op die N1 tussen Pretoria en Johannesburg ry in spitstyd waar jy elke vyf tree stop, wonder ek of die battery nie heeltemal gaan afloop nie.  Dan vernietig jy die voordeel wat die stelsel behoort te bied. Baie batterye is deesdae stop-ry batterye wat ek vermoed tegnologie soortgelyk aan die sogenaamde "deep cycle" batterye gebruik om te verhoed dat dit vinnig ingee.

Het is beter rijk te leven dan rijk te sterven
👍
0
💔
0
😮
0
🙂
0
14 Oct 2019 @ 13:44:54 pm
Danie-SLK
Neptune Member
92% Profile Strength
Posts: 4428
Joined: 08 Sep 2009
Experience: 42 years

Daai spesiale start batterye is gemaak om kort kort genoeg krag te voorsien vir start. Daar is volgens my geen verskil aan die wegtrek as die normale voertuie nie. Ek het al so BMW bestuur en sien sulke voertuie elke dag en hulle trek egalig weg net soos my ou skedonk.

Ek kan bevestig dat die knormoer net die enjin aansit en dis dus nie die knormoer wat die motor vorentoe laat beweeg nie. Die BMW maak ook gebruik v d stuurwiel se beweging om aan te sit.

Fred ek persoonlik dink daai batterye is net die teenoorgestelde as 'n deep cycle. Die start battery word nie deep gecycle nie maar oppervlakkig. Verder laai 'n deep cycle baie stadig en die start battery word baie vinnig gelaai om reg te wees vir die volgende start. Omdat super capacitors so vinnig laai is hierdie die ideale plek om hulle te gebruik weens hul miljoene laai/ontlaai siklusse en dat hulle vinng gelaai kan word.

Ek het 'n artikel gelees van busse wat op super caps loop en elke 5km by elke busstop weer gelaai word. Hulle het nie 'n groot stoor kapasiteit nie. Dit kan natuurlik net werk in stadsverkeer met kort afstande. Selfs in ons stede sou dit nie kan werk weens die afstand tussen normale busstoppe.

Leon daar is nog olie vir 100jr volgens inligting wat Pieter alreeds geplaas het. So die gewone enjin gaan nog dekades met ons wees.

👍
0
💔
0
😮
0
🙂
0
14 Oct 2019 @ 14:19:45 pm
Fred
Saturn Member
100% Profile Strength
Posts: 2596
Joined: 09 Mar 2016
Experience: 51 years

Danie, Die ander rede waarom daar pogings is om na hernubare energiebronne en elektriese motors oor te skakel, is die probleem van lugbesoedeling wat tot aardverwarming lei.  Behalwe vir Trompie is daar nie juis mense in gesagsposisies wat betwyfel dat ons aktiwiteite grootliks daartoe bydra nie.  Dit krap ons weerpatrone deurmekaar, dit veroorsaak al groter wordende tropiese storms, dit veroorsaak siektes en dit laat die seevlak styg. As dit so aangaan, en daar is nie juis deskundiges wat dink ons het 'n redelike kans om die tendens om te keer nie, gaan baie kusstede oorstroom word en dalk onder die water verdwyn.  'n Reuse deel van die suide van die VSA wat baie laag geleë is, gaan onder die see beland. Ons kan seker sê "what will be will be", maar ons nageslag gaan die gevolge dra as ons so 'n houding het.

So al is daar nog genoeg fossielbrandstof vir honderd jaar- en daar is ook ander menings hieroor- kan ons nie bekostig om vir nog honderd jaar voort te gaan soos ons nou doen nie.

Het is beter rijk te leven dan rijk te sterven
👍
0
💔
0
😮
0
🙂
0
15 Oct 2019 @ 12:23:55 pm
Brommer
Pluto Member
77% Profile Strength
Posts: 5196
Joined: 13 Sep 2013
Experience: 29 years

Die probleem is die aarde het ook al in verlede verwarm, en afgekoel, ens.

Groot vulkansiese uitbarstings het ook al die aarde so bietjie laat afkoel oor tyd en dan was daar ice ages in verlede en ons is veronderstel om eintlik weer in een te wees...

Die mens kan wel sekere dinge vinniger of stadiger laat gebeur.. Probleem is net of ons wekrlik omgee of nie.

Om elektriese motors ens te maak eis ook maar sy tol. Daar moet gemyn word vir alles, die koper kabels, die magnete, die ertse en en en... 

Ek dink as die mensdom werklik omgee sou ons nie verskillende geldeenhede gehad het nie, sou alles nie so om die beste nuutste tech gedraai het nie... 

Elektriese voertuie kan baie goedkoper wees, maar ek dink hier gaan dit oor winste wat jy ernstig kan vergroot as jy elektriese voertuie kan maak en verkoop teen groot koste (die feit dat mense dink eektries is so fantasties dat hul bereid is om meer te betaal)


👍
0
💔
0
😮
0
🙂
0
08 Nov 2019 @ 07:51:16 am
BrianB
Neptune Member
74% Profile Strength
Posts: 4157
Joined: 10 Sep 2011
Experience: 40 years

I see there is an article on Wheels24 - road trip with three electric vehicles-  Jaguar iPace, BMW i3 and the Nissan Leaf.

Some interesting reading.

 

Link to article

👍
0
💔
0
😮
0
🙂
0
08 Nov 2019 @ 07:57:59 am
BrianB
Neptune Member
74% Profile Strength
Posts: 4157
Joined: 10 Sep 2011
Experience: 40 years

Map of current charging stations.

 

Link to map

👍
0
💔
0
😮
0
🙂
0
08 Nov 2019 @ 08:05:39 am
BrianB
Neptune Member
74% Profile Strength
Posts: 4157
Joined: 10 Sep 2011
Experience: 40 years

Type of connectors and the charges to recharge R4.41 /kWh.

Wonder what the cost would be to fully charge a car from 0 to 100 %  I suppose it would be based on the battery capacity?

Perhaps some of the clever people can elaborate.

 

Charge car battery

 

👍
0
💔
0
😮
0
🙂
0
08 Nov 2019 @ 10:09:07 am
Bak oor
Saturn Member
100% Profile Strength
Posts: 2041
Joined: 05 Sep 2013
Experience: 39 years

Die mense met hul elektiese karre moet moet maar lekker droom. 

Ons is sterk op pad terug na steenkool karre.

Maatskappy voertuie sal bicycles word en die sales manager kan wegkom met n 10 speed dik wiel om potholes te akomodeer.

To all forum members. May you be surrounded by your precious family. May you have the warmest thoughts and best wishes for a wonderful holy Christmas and a New Year blessed with Gods grace. May peace, love, and prosperity follow you always in the name of Jesus our saviour.
👍
0
💔
0
😮
0
🙂
1
page 1 of 2