Ertjies kan dikwels redelik vervelig wees. Ons het een aand by 'n informele klub 'n heerlike goedkoop ete geniet: T-bone, gebraaide aartappels, soet pampoen en baie lekker ertjies. Die kok loop later die aand gemoedelik daar tussen ons rond en ek vra hom toe of hy sal omgee om te vertel hoe hy die ertjies voorberei het. Hy was heel gewillig. Jy het net 4 bestanddele nodig:

1 Opgehoopte eetlepel botter
1 Koppie uie in klein blokkies gesny
4 Koppies gevriesde ertjies (nie vooraf ontdooi)
3 Teelepels 'Chicken stock powder' (Verkieslik Ina Paarman)

Verhit die botter in 'n pot wat nie maklik aanbrand nie en braai tot dit net wil bruin word. Voeg die gevriesde ertjies by. Verlaag die hitte, laat dit saam warm word en verwyder van die hitte. Laat staan eenkant, met deksel op, sodat ertjies kan begin ontdooi en vloeistof vorm. Voeg die stock powder by en kook oor stadige hitte. Probeer om nie vloeistof by te voeg nie. Sodra die die ertjies sag genoeg is, volgens smaak, en dit drooggekook is, is dit reg om te eet.
Freda

Pasop net dat hulle nie die ertjies erens indruk nie.

Het een jaar hier in die vroee tagtigs n boskamp (bundu) gehad waar die oudste toe 2jaar ertjies gekry het om te eet, en later oorvol was en dit toe orals begin indruk het, het vir ure gesukkel om die twee uit sy neus te kry, en die dokter was nie naby nie.

Sal nie se hoe dit uit gekom het nie. hahahaha sies,

Chameleon, haai dankie jong. Ek sien nou eers ek het iets uitgelaat. Jy braai die UIE in die warm botter tot begin bruin word, dan voeg jy die gevriesde ertjies by en res van resep volg dan.

My rekenaar spring soms terwyl ek tik, dan laat dit 'n woord uit sonder dat ek dit agterkom. Jul almal se ertjies sou 'n FLOP gewees het. ha-ha

Gaan hom probeer dankie

Baie dankie, ek glo my vrou gaan van die variasie hou. Sy is mal oor ertjies.