Goeie môre.

Ek het so bietjie raad nodig.
Ek het altyd met 'n VW Kombi met 'n handrat gesleep, nou het ek een met 'n DSG outomatiese boks.

Hoe rem mens berg-af met 'n wa op jou hakke, m.b.v. jou ratte.

Al manier wat ek kan dink is om hom in "Tip Tronic" te sit, en dan te ry soos 'n handrat. Of is daar 'n ander manier.

Ek hoor graag van die manne en vroue wat meer as ek weet.

Andries

Ek sal "Tip Tronic" gebruik maar slepers wat ondervinding v "Tip Tronic" het sal beter weet.

Ek maak gereeld van my kar se "Tip Tronic" gebruik op die lang pad en met die remming wat mens wil he met 'n vrag sal ek ook nie net op die remme wil ry nie.

Andries, dag sê, ek sleep in Sport mode (baie soos triptronic) en ervaar geen probleme met afrat met die rat hefboom nie. My sleep voertuig sal ook nie toelaat dat jy te vroeg afrat nie, of te laat "over rev" nie.

Jy gaan daai outo kas geniet.

Ek sleep in elkgeval in sport want dan bly die ratkas langer in 'n rat voordat dit oor skakel.

Met afdraandes begin ek die dit teen die spoed wat ek mee gemaklik is en jy sal voel dat die rat kas maklik die rat kies om jou te help rem solank jy die remme liggies raak.

Indien jy meer ratkas remming verlang kan jy dan fisies die rat kies wat jou pas.

Dis nou maar hoe ek ry en dit werk puik vir my.

Wat ek doen is om een rat terug te gaan. As die wa begin stoot trap ek die rem eenkeer hard sodat inlooprem inkom en gaan dan maximum 100kpu af. Nie oor nie. Al te veel kere my as af geskrik met te hoë spoed as wa begin onstabiel raak.... by gese, ou oom is maar baie versigtig.

Dankie vir julle terugvoer.

Laat dit aan die voertuig se ratkas oor deur te ondersteun met remme wat liggies beheer word.
Darm nog nie dit nodig gehad nie.

Dankie vir die bevestiging van minimale gebruik van die remme (en om ratte te gebruik)... ek het foutiewelik buite Graaf Reinet ( Loodsbergpas?) te veel op my remme gery en kon die die beduidende hitte op my agterste wiele voel binne die dorp ( my alie afgeskrik en sommer net daar agterste wiel bearings vervang)

Andries ek dink dis die voordeel van "Tiptronic" dat mens 'n handrat en outomaties het en in die enkele gevalle waar mens die handrat sou afrat vir die remming veral teen passe kan mens dit gelukkig doen.

Johan kon jy nog jou hand op die agterste wielbearing hou of het dit jou gebrand?

Danie... die wiel(rim) was baie warm(ja gebrand) , maar sedert die insedent (3 jaar gelede) en vervanging van die wheel bearings en stel van remmme gedurende diens het dit nooit so warm geraak nie... ek wou aanvanklik die hitte toeskryf aan die lang afdraend maar het veilighheidshalwe die bearings vervang

Danie... is daar miskien iets anders wat jy my wil adviseer om na te kyk?... ek het net gefokus om die wiellaers/bearings en stelling van die remme

Nee Johan ek het niks om by te voeg nie. Dis interessant al het jy die ongelukkige baie hitte gekry met die skade en ongerief. Ek het met Magoebaskloof afry waar ek amper geen remme gebruik het en in 3e rat @ 60 gery het op my onlangse rit KNP toe en met 'n swaardiens skokbreker om te keer dat die wa nie te veel rem nie het die wa se remme ook baie warm geword maar steeds nie te veel nie. Dit het egter meer as 'n uur se ry sonder om regtig remme te gebruik gevat voor die temp afgekom het.

Dit was ook die 1e keer dat ek so hitte ondervind het. Selfs met ander ritte wat ek wel gerem het en ek by die stopplek stop was my wiele nog nooit so warm as teen die pas af nie.

Ek dink dis iets wat ons maar op moet let in ons ritte vorentoe.

Dankie manne.

Ek ry gereeld met klein swaervoertuie.

Soos my pa my geleer het is ratte gemaak om te ry,
en "brieke" om mee te stop.

Daarom glo ek daaraan dat as jy bergaf gaan, sit die voertuig in 'n lekker rat en raak die rem net wanneer dit nodig is.

So bietjie terugvoer.

Ons was die afgelope skoolvakansie Hartenbos toe.

Met die wegtrekslag het ek die DSG boks in sport gesit, daar verander hy ratte oo hoër toere. Met die cruise control op 105km/h.

Brandstof verbruik was 8km/l oor die hele afstand.

Op die gelykpad het die ratkas homself baie mooi gedra.

Die enigste bergpas op my roete was die Robinson pas, daar het ek hom met die voet gery, maar nogsteeds in sport. Met die opgaanslag terwyl die voertuig trek, het hy lekker lank in sy laer ratte gebly.

Die grootste verbasing was die bergaf gedeelte, solank jy jou voet liggies op die rem hou, bly die voertuig in n lae rat. Sodra jy die rem los kies hy n hoër rat en as jy net liggies die rem raak, kies hy weer self n laer rat.

Ek sal moeilik weer met n handrat karavaan sleep, is nou erg bederf.

Ek het ook altyd gedink dat handrat voertuie beste is om te sleep totdat ek die eerste keer met die Auto ratkas gery het.  Daar is nie 'n manier wat ek weer 'n handrat voertuig koop nie. Die tegnologie vandag maak dat mens nie maklik so rat kas kan seer maak nie.

Ek sleep my Maia maar altyd in die "Sport" verstelling.  Dit maak dat die enjin langer in 'n rat bly weens die gewig wat ek moet sleep en verminder dit die kanse dat die enjin "labor" en ratkas kan seerkry.

Werk puik.  Terloops in UAE is selfs die klein AVIS huur karre automaties en dis verbasend hoe gemaklik die klein enjins met die auto box oor die weg kom. Brandstof verbruik is werklik nie so 'n verskil dat dit eers 'n besprekings punt is nie. Wel die prys van brandstof daar praat mens nie eers oor nie, dis goedkoper as water.......Ha Ha Ha

Ek skakel altyd oor na "Tiptronic" toe op die Touareg as ons berg af gaan. Werk soos 'n bom, hoef glad nie aan die rem te raak nie.