English & Afrikaans Forums
Total Topics: 17 487
Total Replies: 179 532
Total Views: 79 242 126
topics: 656
replies: 10 180
views: 4 773 769
Talk about the different aspects of your tow car and tow advice.

Sleephaak onderstebo?

replies: 32
views: 961
18 Jun 2017 @ 17:46:52 pm
Theuns
Silver Member
Offline
Posts: 52
Joined: 18 Jul 2007
Province: Limpopo
First Language: Afrikaans
Second Language: English
Experience: 21 years
Vehicle: Ford Everest & Ford Ranger
Camping: Mostly caravan
Ek het ‘n paar maande gelede my getroue 2004 Ranger vervang met ‘n 2014 Ranger XL Plus Odyssey. Ongelukkig het ek onlangs agteruit teen ‘n paal vasgery en skade links agter opgedoen. Die lig is gebreek, die buffer se hoek beskadig en die kantpaneel van die bak gebuig. Gelukkig het ek ‘n goeie versekeraar en my bakkie is gou weer tot vroeëre glorie herstel.

Ek het egter na advies van my seun die gaping gevat om ‘n vervangingsbuffer (replacement bumper) agter te laat opsit. Dit is ‘n Ratel van Bosbumper. Ongelukkig het ek toe ‘n probleem: met die nuwe buffer sit die sleephaak se bal (aan die bokant gemeet) hoër (650 mm) as met die standaard sleepstang van die Ranger (530 mm). Met laasgenoemde het ek ‘n sakplaat van 75 mm gebruik wat die hoogte van die sleephaak se bal tot 455 mm laat sak en so het ek gemaklik en veilig gesleep. Gelukkig kom ek toe na baie meet en pas van verskillende kombinasies met en sonder ‘n sakplaat (drop plate) tot die volgende oplossing wat moontlik is deur die verwyderbare sleepstang om te draai. Met die sleepstang in die normale posisie met die haak aan die onderste gate vasgebout, is die hoogte van die bal 650 mm. Draai ek dan die sleepstang om en die haak is dus dan onderstebo, is die hoogte van die bokant (nou onderkant!) van die bal 465 mm (as ek die haak aan onderste gate vasbout, sal dit met nog 60 mm sak, maar vir my gevoel is dit te laag). As ek dan die woonwa haak, “hang” die kop van die sleephaak aan die bal.

En hier wil ek graag die kommentaar van die slim manne hê: voorsien julle enige probleem as ek ‘n woonwa so onderstebo haak? Dit is tog nie swaartekrag wat ‘n woonwa se sleephaak veilig aan die haak van die sleepvoertuig laat klou nie, maar die staalstaaf wat om die bal glip. Die handvatsel sal wel na onder lê, maar dit is dan enkele mm laer as die onderkant van die woonwa se A-raam en behoort nie ‘n probleem te wees nie. Ek kon nog nie die woonwa haak om te kyk hoe dit in die praktyk lyk nie, want hy staan met sy wiele af terwyl ek wag vir nuwe bande om die tien jaar oue bande mee te vervang. Ek sluit foto’s in en wag angstig op julle kommentaar! By voorbaat baie dankie.
18 Jun 2017 @ 18:08:21 pm
Theuns
Silver Member
Offline
Posts: 52
Joined: 18 Jul 2007
Province: Limpopo
First Language: Afrikaans
Second Language: English
Experience: 21 years
Vehicle: Ford Everest & Ford Ranger
Camping: Mostly caravan

18 Jun 2017 @ 18:56:12 pm
Leon
Pluto Member
Offline
Posts: 7869
Joined: 12 Jun 2007
Province: Gauteng
First Language: Afrikaans
Second Language: English
Experience: 53 years
Vehicle: Ford Ranger Wildtrak 4x4
Camping: Karavan, Krimp Varkie of Tente wat beste werk vir die Area en Oord.

Hi daar Theuns.

Die normale sleep van n karavaan kan verkieslik so wees waar die neus van die wa netjies gelyk/horisontaal is. 

Die ander manier is om so te sleep dat die wa neus af loop. Sorg moet dan maar net gedra word dat dit nie te laag is nie, veral waar n gewone motor as sleep voertuig dien.  Neus op of te wel hoèr as die agterkant van die wa moet weens stabiliteit probleme vermy word.

So as die neus dan nou effe laer is behoort jy 100% veilig te kan sleep

18 Jun 2017 @ 19:25:51 pm
Johann
Pluto Member
Offline
Posts: 7310
Joined: 10 Oct 2013
Province: Free State
First Language: Afrikaans
Second Language: English
Experience: 45 years
Vehicle: Kia Sedona 2.9 CRDI
Camping: Penta

Theuns, ek is geen kenner nie, en wil ook nie voorgee ek is "slim manne" nie, maar, ek dink net as ek jou reg vertolk, wil jy sleep met die tow ball onderstebo? 

Ek dink net dit kan dan maklik afhaak. Die swaarte krag gaan te groot wees, en daai din stafie wat die "safety" van afhaak keer, is nie ontwerp om sterk kragte (afwaartse druk) teen te staan nie.

Weet nie, ek sal mooi dink voor ek dit waag.

Kom ons hoor wat sê die ander mense.

18 Jun 2017 @ 19:28:09 pm
JohanMarais
Gold Member
Offline
Posts: 207
Joined: 04 Mar 2014
Province: Gauteng
First Language: Afrikaans
Second Language: English
Experience: 28 years
Vehicle: Mitsubishi Pajero 3.2 Diesel
Camping: 2011 Gypsey Regal
As ek reg verstaan wil jy die karavaan haak soos jou tweede en derde foto's. Indien wel dink dit is uiters gevaarlik, die karavaan se haak is nie gemaak om so gehaak te word nie, die gewig hang as't ware aan 'n klein pennetjie binne in die haak.
Maak eerder 'n ander plan.
18 Jun 2017 @ 19:28:50 pm
JohanMarais
Gold Member
Offline
Posts: 207
Joined: 04 Mar 2014
Province: Gauteng
First Language: Afrikaans
Second Language: English
Experience: 28 years
Vehicle: Mitsubishi Pajero 3.2 Diesel
Camping: 2011 Gypsey Regal
Jammer, net tweede foto.
18 Jun 2017 @ 20:39:44 pm
Johann
Pluto Member
Offline
Posts: 7310
Joined: 10 Oct 2013
Province: Free State
First Language: Afrikaans
Second Language: English
Experience: 45 years
Vehicle: Kia Sedona 2.9 CRDI
Camping: Penta

Nog 'n ding wat by my op kom is, waar gaan die veiligheids ketting / kabel vas kom in so opset? 

Die foto op die regterkant (onderste bo haak) gaan nie die veiligheids ketting of kabel in plek kan hou nie.

18 Jun 2017 @ 21:30:11 pm
Danie-SLK
Mars Member
Online
Posts: 1330
Joined: 08 Sep 2009
Province: Gauteng
First Language: Afrikaans
Second Language: Afrikaans
Experience: 40 years
Vehicle: Freelander 1 Td4
Camping: Sprite Scenic

Theuns soos Johann genoem behoort die veiligheidspen maklik af te breek en wa gaan af haak en die ketting het nie 'n plek nie. Sou nie doelbewustelik so iets wou help gebeur nie.

Ons moet onthou die neusgewig van 100+kg gaan heeltyd afdruk wat beteken afhaak. Normaakweg hou die neusgewig die haak op die bal en is die onderste lippie net daar om te keer as dit opdruk dat dit nie af haak nie. Behalwe vir die pennetjie wat kan breek is die plaatjie van die sluithefboom ook maar baie dund en sal maklik oop trek.

Geen kenner maar my 10c.

19 Jun 2017 @ 06:05:29 am
Grumpy/Hannes
Saturn Member
Offline
Posts: 2154
Joined: 24 Aug 2011
Province: Limpopo
First Language: Afrikaans
Second Language: English
Experience: 27 years
Vehicle: Suzuki Grand Vitara
Camping: Sprite Swing

Hierdie lyk vir my uiters gevaarlik en ek sou dit glad nie aan beveel nie.

Mense moet ook versigtig wees met die gedagte van die veiligheids ketting kan jou in n nood help. Alle kettings het n SWL. (Safe working Load) Op die Myne is daar wetgewing wat bepaal dat alle kettings jaarliks geinspekteer en gesertifiseer moet word deur n opgeleide LMI (Lifting Machine Inspector)

Ons het die geval gehad van n treiler wat nie behoorlik gehak was nie. Die man het skaars 30mt gery toe die treiler afkom en hy breek daai ketting soos niks. Dit was n ligte treiler.

Hoeveel van ons weet wat is die werklike SWL van die ketting op jou wa? Dit moet ten minste 2T +  kan dra. Dis maklik om hom te inspekteer. Kyk na elke skakel meet afstande binne skakels en dikte van elke skakel. As daar enige afwykings is, dan is daai ketting net daar vir die "show" . Dan kom die GROOT probleem. Daar waar die ketting aan die raam "geweld" is. Ek weet nie wie kan dit toets nie!

Dieselfde geld vir die nuwer "kabel" modelle. Alle kabels moet deeglik nagegaan word of daar geen "gebuigde" kabeltjies tussen in is nie. Weereens, dit moet n SWL van ten minste 2T he. Min mense sal my kan oortuig dat hierdie kabeltjies dit kan doen. Steel Wire Rope kabels van 2T is gewoonlik n minimum van 13mm dik.

 

19 Jun 2017 @ 06:13:51 am
Butts
Moon Member
Offline
Posts: 832
Joined: 15 Dec 2012
Province: Gauteng
First Language: Afrikaans
Second Language: English
Experience: 4 years
Vehicle: Ford Ranger 3.2 T6 M XLT 4x4
Camping: 2006 Sprite Swing

Theuns, ek ry ook 'n Ranger.  Wat in jou fotos opval is dat die sleephak die nommerplaat gedeeltelik verberg.  Dit is ook 'n probleem. 

Oor die vraag oor die omdraai van die sleephak, sal ek die ervare mense wie hul raad en menings hierbo gegee het, se insette volg en nie daardie hak onderstebo plaas nie.

groete

19 Jun 2017 @ 06:14:25 am
Leon
Pluto Member
Offline
Posts: 7869
Joined: 12 Jun 2007
Province: Gauteng
First Language: Afrikaans
Second Language: English
Experience: 53 years
Vehicle: Ford Ranger Wildtrak 4x4
Camping: Karavan, Krimp Varkie of Tente wat beste werk vir die Area en Oord.

Goed! ! ! As mens dit so verstaan dat jy daad werklik met die onderstebo haak wil sleep is dit verseker 'n nee nee. Dis soos die forum lede sê daai wa gaan inwerklikheid aan 'n klein pen binne die haak hang. Sommige karavane se neusgewig is regtig nie 50kg nie.

Ek het verstaan dat jy wel die sleep stang wil om draai maar dan die bal tenminste regop sal hou. Op die manier wen jy ongeveer 60mm na onder/laer.

19 Jun 2017 @ 06:21:03 am
Grumpy/Hannes
Saturn Member
Offline
Posts: 2154
Joined: 24 Aug 2011
Province: Limpopo
First Language: Afrikaans
Second Language: English
Experience: 27 years
Vehicle: Suzuki Grand Vitara
Camping: Sprite Swing

Die punt wat ek wou maak, daar is n knip binne die wa se hak wat net keer dat die hak nie loskom nie. Dis al wat hy doen en daar is geen wrywing op daai knip nie. Draai die hak nou om, dan rus die hak op daardie knip. hy gaan dan die volle gewig van die wa dra en uitwerk van reen en stof.

Ek is ook glad nie n voorstander van verwyderbare trekstange nie. Daar is gesegde wat se "A chain is as strong as its weakest link"  Toe ek my huidige Hilux gekry het, was die hele hak los. Al wat hom vasgehou het was n pen met n "splitpin". Weereens, soos in my post hiero, daai pen en splitpin moet 2 T kan dra?

19 Jun 2017 @ 06:26:15 am
LoneRunner
Silver Member
Offline
Posts: 54
Joined: 07 Aug 2016
Province: Western Cape
First Language: Afrikaans
Second Language: English
Experience: 47 years
Vehicle: Jeep 2.7CRD / Isuzu 2.8 4x4 / Merc 320CDI / Hilux 4x4DC / ML320CDI
Camping: Tourer SW
Ek het na jou kombinasies gekyk, kry nog 'n stel boute met moere en sit eers die sakplaat vas aan die haak en sit dan die bal aan die onderste gate vas.
Ek kan nie glo dat enige persoon eers sal oorweeg om die bal onderste-bo te probeer gebruik nie! Dit sal verseker afhak in die ry!!
19 Jun 2017 @ 06:56:49 am
Somer Kamper
Mars Member
Offline
Posts: 1044
Joined: 03 Sep 2014
Province: Mpumalanga
First Language: Afrikaans
Second Language: English
Experience: 19 years
Vehicle: Fortuner
Camping: Exclusive

As jou woonwa normaal gehaak word, sal die volle neusgewig, enigiets van 50 - 100 kg (nie almal s'n is die wetlik korrekte voorgeskrewe gewig nie) die wa deurgaans vasdruk teen die bal. Soos vermeld hierbo, is daar so pennetjie of plaatjie wat verhoed dat dit per abuis afhaak as jy oor 'n hobbel of so iets ry.

As die bal onderstebo gehaak word, is dit dieselfde neusgewig wat op 'n deurlopende basis gaan probeer om die koppeling los te skeur of uitmekaar te trek. Hoe lank gaan daardie pennetjie of plaatjie hou?

Die kabeltjie wat oor die sleepbal gehaak word, is net daar om die inlooprem te aktiveer wanneer die wa afhaak. Dit kan nie die wa self vashou nie.

Sit eerder dan 'n langer sakplaat op. Inteendeel, selfs 'n woonwa met sy neus in die lug is veiliger as so onderstebo opset.

Onthou dat met so onkonvensionele koppeling sal daar verseker aangevoer kan word jy was grof nalatig. Dit sal regsgevolge inhou wat weiering van versekeringseise kan insluit.

19 Jun 2017 @ 07:07:19 am
Joe Stieger
Gold Member
Offline
Posts: 150
Joined: 15 Aug 2011
Province: KwaZulu-Natal
First Language: Afrikaans
Second Language: English
Experience: 39 years
Vehicle: Camry 200i
Camping: '82 Sprite Sport
Theuns, ek stem 100% met al die manne se insette hierbo, onderste-bo sleephaak/bal is groot moeilikheid soek! Dis NIE ontwerp daarvoor nie, en boonop teen die wet! Volg LoneRunner se raad hierbo en bly veilig! Sterkte.
19 Jun 2017 @ 07:33:44 am
speknek
Titanium Member
Offline
Posts: 558
Joined: 30 Apr 2014
Province: Gauteng

Hoekom sit jy nie net 'n langer sakplaat op nie? 6 of dan 8 gat?

19 Jun 2017 @ 08:51:46 am
Jaques
New Member
Offline
Posts: 2
Joined: 19 Jun 2017
Province: Gauteng
As ek reg verstaan will jy die stang omdraai en die onderste gat gebruik.
Ek sou dit nie gedoen het nie aangesien die stang ontwerp is om op 'n sekere rigting om te werk, van waar die druk kom.
Maar hoekom maak jy nie seker van die vervaardiger nie.
Soos Speknek se gebruik net 'n sakplaat.

Groetnis
Jaques
19 Jun 2017 @ 08:55:45 am
Hurricane
Moon Member
Offline
Posts: 741
Joined: 25 Apr 2014
Province: Gauteng
First Language: Afrikaans
Second Language: English
Om mee te begin verstaan ek nie hoekom jy die oorspronklike sleepstang vervang het nie. Die ene wat Ford as standaard opsit is sterk genoeg om mee te ploeg (en word deur Thule vervaardig as ek dit nie mis het nie). As jy ernstig is om die bal onderstebo te gebruik dink ek jou vraag is basies deur almal hierbo beantwoord. Deur dit te doen speel jy met ander padgebruikers se lewens (en iemand gaan die dinges uit jou dagvaar om nie eers te praat van versekering wat gaan weier om uit te betaal nie), daai ding gaan afkom sodra jy enige hobbel of ongelykheid in die pad tref. Boonop is die wa se haak se sluitdeel ontwerp om slegs die klein kragte wat met 'n moontlike opspring agv bv pad ongelykheid veroorsaak word (en onthou daar is steeds 'n afwaartse neusgewig wat die wa (as die bakkie se bal reg om is) se haak afdruk. Wat jy voorstel beteken dat jy moontlike geweldige kragte op daai sluitdeel van die wa se haak gaan plaas (onthou dis nie gewig alleen nie, onthou jy nog die ou formule F=m.a?; die versnelling as jy deur 'n dip gaan kan hoog wees op die haak en vermenigvukldig met ek skat 130+kg neusgewig gaan daai kragte die wa se haak se sluitdeel soos niks uitruk nie...). Moet asb nie backyard ontwerp gebruik om iets wat met veiligheid in gedagte en behoorlik ontwerp en gesertifiseer is te probeer omseil nie :)
19 Jun 2017 @ 09:08:50 am
Theuns
Silver Member
Offline
Posts: 52
Joined: 18 Jul 2007
Province: Limpopo
First Language: Afrikaans
Second Language: English
Experience: 21 years
Vehicle: Ford Everest & Ford Ranger
Camping: Mostly caravan
Die wyse Salomo sê in Spreuke 12:15 die volgende: "In die dwaas se oë is sy eie pad die regte; wie wysheid het, luister na raad." Ek het raad gevra en julle het vir my goeie raad gegee waarna ek nie alleen luister nie, maar ook sal doen. Ek het dus die wysheid om julle kennis toe te pas! Baie dankie vir elkeen se insette.
19 Jun 2017 @ 10:08:12 am
GUS 555
Silver Member
Offline
Posts: 89
Joined: 18 Jan 2016
Province: Gauteng
First Language: Afrikaans
Second Language: English
Experience: 22 years
Vehicle: Chevrolet Trailblazer 2.5 Diesel
Camping: Jurgens Exclusive
Theuns
Ek waardeer jou openlikheid om advies te kry, of dit nou erenstig of effens persoonlik was, ek glo jy neem nou die regte besluit!
Net ten opsite van die verwyderbare haak. Die afwaardse druk op so 'n haak word deur die Tonnel van die verwyderbare stang gedra en nie deur die pin wat net die haak sluit om te keer dat dit uitrek. Die PIN word deur die splitpin vasgehou sodat die pin nie uitskuif nie.
Dus daardie pin dra geen gewig nie. MAAR die pin moet die trekkrag kan weerstaan, tydens sleep en dit word Sheerforce genoem.
So op daardie noot, die sheerforce van n' 20 mm pin - afhangend van die "verharding' is tussen 20 en 40 Ton. Daar is nie 'n manier dat enige 4X4 20 ton deadweight kan sleep nie.
Slaap maar rustig en sleep met jou haak na bo.
Gustav
19 Jun 2017 @ 10:41:58 am
Campervan
Jupiter Member
Offline
Posts: 1969
Joined: 27 Oct 2013
Province: Eastern Cape
First Language: English
Second Language: Afrikaans
Experience: 39 years
Vehicle: Hilux 3.0 D4D S/C 4x4 camper
Camping: Campervan
Ek sal ook versigtig wees om 'n drop plate wat te lank is te gebruik.
Hoe langer die dropplate hoe meer die beweeging van voor na agtertoe gaan wees. Staal kan net so veel beweging vat, voor dit breek...
19 Jun 2017 @ 13:48:21 pm
Coenie
Silver Member
Offline
Posts: 76
Joined: 14 Jan 2017
Province: Limpopo
First Language: Afrikaans
Second Language: English
Experience: 27 years
Vehicle: Jeep Wrangler JK
Camping: Gecko offroad karavaan
Theuns as jy die eerste knik slaan en die gewig op die haak meer as verdubbel verloor die pen in die haak sy greep en jy jou karavaan im die proses en die versekering gaan jou nie tegemoet kom nie. Koop eerder 'n langer "drop plate" of laat een maak wat aan jou behoefte sal voldoen.
19 Jun 2017 @ 15:59:14 pm
Hurricane
Moon Member
Offline
Posts: 741
Joined: 25 Apr 2014
Province: Gauteng
First Language: Afrikaans
Second Language: English
Of sit die oorspronklike sleephaak terug...problem solved!
19 Jun 2017 @ 17:47:33 pm
Fred
Titanium Member
Online
Posts: 697
Joined: 09 Mar 2016
Province: Limpopo
First Language: Afrikaans
Second Language: English
Experience: 49 years
Vehicle: Ford Kugu 2l diesel AWD, Skipper Oyster

Hierdie was nou regtig 'n interessante en insiggewende gesprek.  Dis 'n ongewone idee om die haak om te draai, maar deur uit die boks te dink, word nuwe kennis geskep.  Alle vars idees werk ongelukkig nie, soos hierdie een, maar dis goed dat dit deurgetrap is- nou het Theuns nie 'n lelike wind gesluk nie en ons almal is bewus daarfvan dat hierdie een nie gaan werk nie.

20 Jun 2017 @ 16:34:14 pm
Andal
Gold Member
Offline
Posts: 103
Joined: 25 Nov 2012
Province: Western Cape
First Language: Afrikaans
Second Language: English
Experience: 4 years

Hi, dalk sal jy die eerste dip in die pad oorleef maar ek twyfel of jy nog n karavaan sal he na die tweede dip!!

Op ons plaas, in my prille jeug, het ons n werker gehad wat as ek nonsens aangejaag het, het hy  altyd gese het "Andries dit is nou dooiedinge" nouhierdie klink vir my soos dooiedinge.

20 Jun 2017 @ 20:21:45 pm
Theuns
Silver Member
Offline
Posts: 52
Joined: 18 Jul 2007
Province: Limpopo
First Language: Afrikaans
Second Language: English
Experience: 21 years
Vehicle: Ford Everest & Ford Ranger
Camping: Mostly caravan
Baie dankie vrinne, ek waardeer almal se kommentaar en dankie veral vir joune Fred, want jy reken dat ek 'n interessante en insiggewende gesprek aan die gang gesit het. Ek het 'n vriend gehad (hy sou steeds my vriend gewees het as hy nie oorlede is nie) wat dikwels gesê het: "Dit is 'n goeie plan, maar dit sal nie werk nie." Dus aanvaar ek nou hierdie goeie plan van my sal nie werk nie, want julle het my oortuig.

Ek het nou weer met die maatband na ander moontlikhede gekyk. Ek kan die staaf waaraan die haak vas is, omdraai en dan is die laagste posisie van die bal se bokant (na bo!) 600 mm. Dus, as ek dit wil laat sak tot 450 mm, het ek 'n sakplaat van 150 mm nodig. Wat sê julle hiervan, buiten dat dit beter is as 'n onderstebo haak? Nou moet ek bieg en bely dat ek baie en sonder probleme met my 2004 Ranger gesleep het met 'n 200 mm sakplaat van 16 mm dikte. (Hurricane, ek sal jou goeie raad om die oorspronklike sleephaak terug te sit as 'n laaste uitweg oorweeg ..... )
5 days ago @ 06:41:52 am
Fred
Titanium Member
Online
Posts: 697
Joined: 09 Mar 2016
Province: Limpopo
First Language: Afrikaans
Second Language: English
Experience: 49 years
Vehicle: Ford Kugu 2l diesel AWD, Skipper Oyster

Theuns, Ek het 'n soortgelyke probleem gehad toe ek my Kuga gekry het.  Die Kuga se sleephaak is nie verstelbaar nie en was sowat 3 cm te hoog vir my destydse Sprite Supersport.  3cm Klink nie baie nie, maar ek verkies dinge presies reg, en 'n karavaan wat effens neus in die lug loop, is nie presies reg nie. Ek het 'n  "spacer" gemaak van ek dink 30X60X2 tubing met dieselfde vorm as die dik plaat van die sleephaak.  Die het tussen die plaat en die disselboom gekom.  Ek moes langer boute kry en het die standaard sagtestaal boute vervang het hoëspannings boute van dieselfde deursnee.  Ek weet nie of die verandering wettig was nie, maar ek was tevrede dat dit veilig was en dit het die probleem opgelos en het heel netjies en oorspronklik gelyk.  Jou hoogteverskil is baie meer as wat myne was, so ek weet nie of so 'n oplosing vir jou kan werk nie, so ek noem dit maar vir wat dit werd is.

5 days ago @ 06:50:44 am
Leon
Pluto Member
Offline
Posts: 7869
Joined: 12 Jun 2007
Province: Gauteng
First Language: Afrikaans
Second Language: English
Experience: 53 years
Vehicle: Ford Ranger Wildtrak 4x4
Camping: Karavan, Krimp Varkie of Tente wat beste werk vir die Area en Oord.

Baie dankie vrinne, ek waardeer almal se kommentaar en dankie veral vir joune Fred, want jy reken dat ek 'n interessante en insiggewende gesprek aan die gang gesit het. Ek het 'n vriend gehad (hy sou steeds my vriend gewees het as hy nie oorlede is nie) wat dikwels gesê het: "Dit is 'n goeie plan, maar dit sal nie werk nie." Dus aanvaar ek nou hierdie goeie plan van my sal nie werk nie, want julle het my oortuig.

Ek het nou weer met die maatband na ander moontlikhede gekyk. Ek kan die staaf waaraan die haak vas is, omdraai en dan is die laagste posisie van die bal se bokant (na bo!) 600 mm. Dus, as ek dit wil laat sak tot 450 mm, het ek 'n sakplaat van 150 mm nodig. Wat sê julle hiervan, buiten dat dit beter is as 'n onderstebo haak? Nou moet ek bieg en bely dat ek baie en sonder probleme met my 2004 Ranger gesleep het met 'n 200 mm sakplaat van 16 mm dikte. (Hurricane, ek sal jou goeie raad om die oorspronklike sleephaak terug te sit as 'n laaste uitweg oorweeg ..... )

Die sak plaat van 15cm (150mm) sal puik werk.  As voorbeeld het ek my Penta en Classique met so sakplaat gesleep. Dit is 'n ses gat sakplaat en doen die werk puik. My sakplaat is 15mm dik en dus baie stewig.

Het hom verwyder toe ons die Sensation gekoop het want die se onderstel is baie hoër as ander karavane.

 

5 days ago @ 09:26:55 am
Fred
Titanium Member
Online
Posts: 697
Joined: 09 Mar 2016
Province: Limpopo
First Language: Afrikaans
Second Language: English
Experience: 49 years
Vehicle: Ford Kugu 2l diesel AWD, Skipper Oyster

Daar was al voorheen baie menings hier gelig oor sakplate en die feit dat hulle kragte uitoefen op die flens van die sleepstang waarvoor hulle nie ontwerp is nie.  Dit sal die moeite werd wees om die drade te gaan soek. Lede wat besonder lang sakplate gebruik, het verdere versterkings aangebring wat verhoed dat die flens aan die sleepstang dalk afskeur. Ek onthou daar is ook goeie illustrerende fotos daarvan verskaf.

5 days ago @ 12:22:25 pm
Danie-SLK
Mars Member
Online
Posts: 1330
Joined: 08 Sep 2009
Province: Gauteng
First Language: Afrikaans
Second Language: Afrikaans
Experience: 40 years
Vehicle: Freelander 1 Td4
Camping: Sprite Scenic

Fred jou voorstel is ook waaraan ek gedink het. Die probleem is egter as die versterking gedoen is wie sertifiseer dat dit wel die sleepkrag kan weerstaan wat nou 'n ent verder weg is as die flens as die sakplaat gebruik word. Waarborgeise en assuransie sal so dokument wil he. Moet mos rede soek om nie te betaal nie.

4 days ago @ 19:48:09 pm
Bostoe
Neptune Member
Offline
Posts: 4068
Joined: 11 Dec 2013
Province: Mpumalanga
First Language: Afrikaans
Second Language: English
Experience: 32 years
Vehicle: Nissan Qushkai
Camping: Howling moon tent
Maak seker voor jy jammer gaan wees
2 days ago @ 15:14:36 pm
Chuck Norris
Pluto Member
Offline
Posts: 5602
Joined: 13 Jan 2014
Province: Gauteng
First Language: Afrikaans
Second Language: English
Experience: 35 years
Vehicle: Toyota Fortuner 4x4 Auto 2013
Camping: Jurgens Explorer 4x4 2014

Nou soek jy vir HKGK.
2 days ago @ 17:54:16 pm
JohanMarais
Gold Member
Offline
Posts: 207
Joined: 04 Mar 2014
Province: Gauteng
First Language: Afrikaans
Second Language: English
Experience: 28 years
Vehicle: Mitsubishi Pajero 3.2 Diesel
Camping: 2011 Gypsey Regal
Het iemand ondervinding van 'n versekeraar wat hieroor probleme veroorsaak het - daar is bittermin ongelukke waarin 'n woonwa betrokke is?
Reply to Topic
Member
Offline
Posts:
Joined: Not yet
View First